Connect with us

පුවත්

නීතීඥයකුගේ නීතීඥභාවය අහෝසි කරයි!

Published

on

අසත්‍ය ඔප්පුවක් සකස් කිරීම තුළින් නොතාරිස් ආඥා පනත යටතේ වරදක් සිදු කළේ යැයි චෝදනා එල්ලවී සිටි නීතිඥවරයකුගේ නීතිඥභාවය අහෝසි කිරීමට ශ්‍රේෂ්ඨාධිකරණය තීන්දු කර තිබේ.

අගවිනිසුරු ජයන්ත ජයසූරිය, එස්.තුරයි රාජා සහ  මහින්ද සමයවර්ධන යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල විසින් මෙම තීන්දුව ලබාදී ඇත.

මධ්‍යම පළාත් බද මහාධිකරණයේ රෙජිස්ට්‍රාර්වරයා විසින් ශ්‍රේෂ්ඨාධිකරණයට ඉදිරිපත් කළ පැමිණිල්ලකට අනුව මෙම නීතිඥවරයාට එරෙහිව ශ්‍රේෂ්ඨාධිකරණය හමුවේ නඩු විභාගයක් පවත්වා තිබුණි.

ඒ අනුව 1999 වසරේ පෙබරවාරි මස 05 වනදා ව්‍යාජ ඔප්පුවක් සකස් කිරීම තුළින් නොතාරිස් ආඥා පනත යටතේ වරදක් සිදු කළේ යැයි චෝදනා කොට මෙම නීතිඥවරයාට එරෙහිව ශ්‍රේෂ්ඨාධිකරණය හමුවේ චෝදනා ඉදිරිපත් කෙරුණි.

දීර්ඝ නඩු විභාගයකින් අනතුරුව වගඋත්තරකරුට එරෙහි චෝදනා ඔප්පුවී ඇති බැවින් මහින්ද රත්නායක නම් නීතිඥවරයාගේ නම නීතිඥ නාමලේඛනයෙන් ඉවත් කරන ලෙසට ශ්‍රේෂ්ඨාධිකරණය නියෝග කර තිබේ.

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading
Advertisement

Trending

Copyright © 2023 Sri Lanka Mirror. All Rights Reserved