Connect with us

පුවත්

නුවරදී ගුටි කෑ බොක්සිං ක්‍රීඩකයා දැන් කුඩ්ඩෙක්; ගැහුවෙ පාතාලෙන්

Published

on

මහනුවර රෝහල් පටුමඟේදී හිටපු බොක්සිං ක්‍රීඩකයකු පැහැරගෙන ගොස් යකඩ පොලුවලින් පහරදී හන්තාන සුළං කපොල්ල අසල ක්‍රීඩාංගණය අසල දමා යෑමේ සිද්ධිය මත්ද්‍රව්‍ය ජාවාරමේ නිරත කල්ලි දෙකක් අතර ඇති වූ ගැටුමක ප්‍රතිඵලයක් බව පොලිස් පරීක්ෂණ මඟින් අනාවරණය වී තිබේ.

දක්ෂ බොක්සිං ක්‍රීඩකයකු ලෙස කලක් ප්‍රකටව සිටි පහර කෑමට ලක්වූ 22 හැවිරිදි තරුණයා මත්කුඩු ග්රෑම් 10ක් සමඟ අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාරගතව සිට මෑතක ඇප ලබා නිදහස්ව පැමිණ තිබෙන බව පොලිසිය පවසයි.

අත්අඩංගුවට ගත් හෙරොයින් මත්කුඩු රසපරීක්ෂකට යොමු කිරීමෙන් පසු එහි වාර්තාව මීට දින කිහිපයකට පෙර පොලිසියට ලැබී ඇති අතර, එහි ශුද්ධ මත්කුඩු ග්රෑම් 08ක් තිබූ බවට තහවුරු වී තිබේ.

අදාළ නඩුවේ තීන්දුව ලබන මස මහනුවර මහාධිකරණයේදී ලබා දීමට නියමිත බවද දැන ගන්නට ඇත.

මේ තරුණයා පසුගියදා (12) පස්වරු 8.00ට පමණ මහනුවර රෝහල් පටුමඟේ පිහිටි ඔහුගේ නිවෙස ආසන්නයේදී ත්‍රිරෝද රථයක පැමිණි සිව්දෙනකු විසින් පැහැරගෙන ගොස් තිබේ.

හන්තාන කඳු මුදුන ආසන්නයේ ඇති සුළං කපොල්ල ක්‍රීඩාංගණයේ දමා ගොස් තිබියදී සොයා ගන්නා විට පහර දීමෙන් තරුණයාගේ පාද දෙක හා අත්වල ඇඟිලි බිඳී ගොස් තිබුණු බව ඔහුගේ ඥාතීහූ පවසති. ඔහුගේ ශරීරයේ පිලිස්සුම් තුවාල කිහිපයක් ද දක්නට ලැබෙන බව ඔවුහු පවසති.

තම පුතා නිවෙසේ නිදා සිටියදී යතුරුපැදියක ගැටලුවක් ගැන කතා කරන්නට කිසියම් පුද්ගලයකු පැමිණි බවත් ඔහු සමඟ නිවෙසින් පිටතට පැමිණි පුතාට ත්‍රිරෝද රථ දෙකකින් පැමිණි පිරිසක් පහරදී එක් ත්‍රිරෝද රථයකට නංවාගෙන රැගෙන ගිය බවත් අදාළ තරුණයාගේ මව පවසයි.

ත්‍රිරෝද රථයෙන් පැහැරගෙන ගිය පුතා මහනුවර නගරය පුරා සෙව්වත් හමු නොවුණු බවත් පසුව හන්තාන සුළං කපොල්ල ක්‍රීඩාංගණයේ දමා ගොස් සිටියදී ඔහු හමු වූ බවත් තරුණයාගේ ඥාතියෙක් ප්‍රකාශ කළේය.

පහර කෑමට ලක්වූ තරුණයාගේ පියා කලකට පෙර මියගොස් ඇත.

ඔහුගේ මවට ද මත්ද්‍රව්‍ය ළඟ තබා ගැනීම සම්බන්ධයෙන් අධිකරණයේ නඩු තුනක් විභාග වන බව පොලිසිය පවසයි.

මේ තරුණයාගේ සහෝදරයකු හා සහෝදරියක ද මත්කුඩු ළඟ තබා ගැනීමේ සිද්ධීන් සම්බන්ධයෙන් පොලිසිය මඟින් අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාරගත කරනු ලැබ තිබේ.

කලකට ඉහත දක්ෂ බොක්සිං ක්‍රීඩකයකු වූ පහර කෑමට ලක්වූ තරුණයා ක්‍රීඩකයකු ලෙස මැලේසියාව, ඉන්දියාව වැනි රටවල් කිහිපයක ද සංචාරය කර ඇත.

බොගම්බර ප්‍රදේශයේ මත්කුඩු ජවාරමේ නිරත ප්‍රධාන කල්ලියක් මඟින් මොහු පැහැරගෙන යන්නට ඇතැයි පොලිසිය සැක කරයි.

මූලාශ්‍රය – දිනමිණ

පුවත්

ඉදිරි මාස දෙකේ සුනඛ සංගණනයක්

Published

on

By

ඉදිරි මාස දෙක තුළ මෙරට සිටිනා සුනඛයන් සංගණනය කිරීමක් සිදු කරන බව සෞඛ්‍ය අමාත්‍යංශයේ ජලභීතිකා මර්දන ඒකකය පවසයි. ලෝක සෞඛ්‍ය සංවිධානයේ අනුග්‍රහය මත මෙම සංගණනය සිදුකරන බවත් ඊට අදාළ මූලික ව්‍යාපෘති යෝජනාව සකසා අවසන් කර තිබේ.මෙරට සිටින්නෙ ලක්ෂ තිහක පමණ සුනඛ ගහණයක් බවත් ඉන් වැඩි සුනඛයන් සංඛ්‍යාවක් සිටින්නෙ නිවෙස් තුළ ඇතිකරන සුනඛයන් ලෙස බව ජලභීතිකා මර්දන ඒකකය පවසයි.

මේ වනවිට මෙරට සිටින සුනඛයන් එන්නත්කරණය සහ වන්ද්‍යාකරනය අඛණ්ඩව සිදුකරනු ලබයි.

මෙරට නීතියට අනුව සුනඛයන් මරණයට පත් කිරීම තහනම් වන අතර සුනඛයන් එන්නත් කිරීමෙන් සහ වන්ද්‍යකරණය කිරීමෙන් සුනඛ ගහනය පාලනය කළ නොහැකි බව ජලභීතිකා මර්දන ඒකකයේ විශේෂඥ වෛද්‍යවරයා පෙන්වා දුන්නේය.

දඩාවතේ යන සුනඛයින්ට මහාමාර්ගවල කෑම බීම දීම අඩු කිරීමෙන් යම් තරමක පාලනයක් සිදු කළ හැකි බවද ඔහු වැඩිදුරටත් ප්‍රකාශ කළේය.

Continue Reading

පුවත්

පොදු සමා කාලයේදී නාවිකයින් 1289 ක් බාර වෙයි

Published

on

By

2024 අප්‍රේල් මස 20 වන දින සිට 2024 මැයි මස 20 වන දින දක්වා ප්‍රකාශයට පත් කරන ලද පොදු සමා කාලය තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත්, විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් 1,289ක් බාර වී ඇත.

පොදු සමා කාලසීමාව තුළදී නිවාඩු නොමැතිව සේවයට වාර්තා නොකර සිටි සහ දැනට විදේශගතව සිටින නාවිකයින් හට [සියළුම ශිල්පීය අංශ වලට අයත් නාවිකයින් (Artificers) සහ වෘත්තිමය වෛද්‍ය/ වෘත්තිමය දන්ත (Professional Medical/ Professional Dental) අංශයේ නාවිකයින් හැර] නැවත රපෝර්තු කිරීමකින් තොරව නීත්‍යානූකූලව සේවයෙන් ඉවත්වීම සඳහා අවස්ථාව හිමි විය.

ඒ අනුව, 2024 අප්‍රේල් මස 20 වන දින සිට 2024 මැයි මස 20 වන දින දක්වා කාලසීමාව තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත් විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් එක්දහස් දෙසිය අසූ නව දෙනෙකු (1289) බාර වී ඇති අතර, ඔවුන් නීත්‍යානුකූලව ඉවත් කිරීම සඳහා කටයුතු සිදු කෙරෙමින් පවති.

Continue Reading

පුවත්

කළුතර බෝධිය වඳින්න ආ තරුණියක් අතුරුදහන්

Published

on

By

ඥාතීන් පිරිසක් සමග ඉකුත් 22 වැනිදා උදෑසන කළුතර බෝධිය වැඳ පුදා ගැනීමට පැමිණි 25 හැවිරිදි කාන්තාවක් අතුරුදහන් වීමේ සිද්ධියක් පිළිබඳව දකුණු කළුතර පොලිසිය පරීක්ෂණ පවත්වයි.

තම බිරිඳ වන කාරියවසම් පොලතන්ත්‍රිලාගේ තරංගි නිලූෂිකා ද සිල්වා මෙසේ අතුරුදහන්ව ඇති බව කළුතර බොලොස්සගම ,බෝසෙවනගම පදිංචි මැදගම ලියනගේ දොන් ප්‍රභාත් කෝලිත යන අය පොලිසියට පැමිණිලි කොට තිබේ.

ඉකුත් 22 වැනිදා උදේ තම පියාත් ඥාතීන් කීප දෙනෙකුත් සමග බිරිඳ කළුතර බෝධිය වැඳ පුදා ගැනීමට ගිය බවත් ,එහිදී ඇය අවුරුදු 02 ක් වයසැති දියණිය ඥාති පිරිමි ළමයෙකු අතටදී වැසිකිළියට යන බව පවසා ගොස් ඇති බවත්, සෑහෙන කාලයක් ගතවීත් ඇය නොපැමිණි නිසා පිරිස ඇයව සොයා බැලුවත් ඇය බෝධි පරිශ්‍රයේ නොසිටි බව කියමින් පියා තමාට දුරකථන ඇමතුමක් ලබා දුන් බවත් ඔහු පොලිසියට කර තිබූ පැමිණිල්ලේ සඳහන් වේ.

වයස අවුරුදු 25 ක් වන ඇය උස අඩි 05 අඟවා 04 ක් වන තළෙළු අයෙකු බවත් අවසන් වරට හැඳ සිටියේ නිල් පැහැති ඩෙනිම් දිග කලිසමක් හා සුදු බ්ලව්සයක් බවත් ඔහු තම පැමිණිල්ලේ වැඩිදුරටත් සඳහන් කර ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved