Connect with us

පුවත්

පවිත්‍රා ට නව පත්වීමක්

Published

on

ශ්‍රී ලංකා – යුරෝපා සංගම් පාර්ලිමේන්තු මිත්‍රත්ව සංගමයේ සභාපතිනිය ලෙස අමාත්‍ය – පවිත්‍රාදේවි වන්නිආරච්චි මහත්මිය පසුගිය 09දා තේරීපත් වූවාය.

ශ්‍රී ලංකා- යුරෝපා සංගම් පාර්ලිමේන්තු මිත්‍රත්ව සංගමයේ නව වැනි පාර්ලිමේන්තුවට අදාළ නිලධාරී මඩුල්ල තෝරා පත්කර ගැනීමේ විශේෂ රැස්වීම කථානායක – මහින්ද යාපා අබේවර්ධන මහතාගේ ප්‍රධානත්වයෙන් පසුගියදා (09) පාර්ලිමේන්තුවේදී පැවැත්විණි. ශ්‍රී ලංකාවේ යුරෝපා සංගම් නියෝජිත පිරිසේ තානාපති ඩෙනිස් චයිබි මහතා මෙහිදී විශේෂ ආරාධිතයා වශයෙන් එක්වූ අතර පාර්ලිමේන්තුවේ මහලේකම් ධම්මික දසනායක මහතා ද මෙම අවස්ථාවට සහභාගී විය.

රාජ්‍ය අමාත්‍ය – ඩයනා ගමගේ මහත්මිය, පාර්ලිමේන්තු මන්ත්‍රීවරුන් වන වෛද්‍ය උපුල් ගලප්පත්ති සහ හෙක්ටර් අප්පුහාමි යන මහත්වරු ශ්‍රී ලංකා – යුරෝපා සංගම් මිත්‍රත්ව සංගමයේ නව ලේකම්වරු වශයෙන් තේරී පත්වූහ.

මෙහදී අදහස් දක්මවමින් කථානායක ගරු මහින්ද යාපා අබේවර්ධන මහතා ප්‍රකාශ සිටියේ දරිද්‍රතාවය අවම කිරීම, ප්‍රජාතන්ත්‍රවාදී පාලනය, ප්‍රාදේශීය සංවර්ධනය, කෘෂිකර්මය, ජලය සම්පාදන සහ සෞඛ්‍ය ඇතුළු පුළුල් ක්ෂේත්‍රයන්හි අභිවෘද්ධිය සඳහා 2014 සිට 2020 දක්වා කාලය තුළ යුරෝපා සංගමය ශ්‍රී ලංකාවට ප්‍රදානයන් ලබා දී ඇති බවයි. එසේම පසුගිය කොවිඩ් 19 අර්බුදය තුළ යුරෝපා සංගමය ශ්‍රී ලංකාවට ලබා දුන් සහය පිළිබඳව ද කථානායකවරයා සිය ස්තූතිය පළ කළේය.

මේ වසරේ මැයි මස මැද භාගයේදී ශ්‍රී ලංකාවට පැමිණීමට නියමිත යුරෝපා පාර්ලිමේන්තුවේ දකුණු ආසියාතික රටවල් සමඟ සබඳතා පිළිබඳ නියෝජිත පිරිස (DSAS) පිළිගැනීමට ශ්‍රී ලංකාව අපේක්ෂාවෙන් සිටින බවද කථානායකවරයා මෙහිදී පැවසීය.

ශ්‍රී ලංකාවේ යුරෝපා සංගමයේ නියෝජිත පිරිසේ තානාපති ඩෙනිස් චයිබි මහතා මෙහිදී ප්‍රකාශ කළේ පසුගිය වසර 20 තුළ යුරෝපා සංගමය විසින් ශ්‍රී ලංකාවට ආපසු ගෙවීමේ සහ කොන්දේසි සහිත නීති නොමැතිව ප්‍රදාන වශයෙන් යුරෝ බිලියන 8 කට වැඩි ප්‍රමාණයක් ලබාදී ඇති බවයි. ග්‍රාමීය සංවර්ධනය, සංහිදියාව සඳහා යුරෝපා සංගමය ශ්‍රී ලංකාවට සහය වී ඇති බවත් හරිත ආර්ථිකයක් මෙන්ම සමාජ සංවර්ධනය ඇති කිරීමට තවදුරටත් සහාය වීමට මුදල් යොදවා ඇති බවත් ඔහු වැඩිදුරටත් අවධාරණය කළේය.

ශ්‍රී ලංකාව ආසියාවේ ප්‍රජාතන්ත්‍රවාදයේ මවක් බව තමන් විශ්වාස කරන බවත් විවිධ අභියෝග මධ්‍යයේ ප්‍රජාතන්ත්‍රවාදය සුරැකීමට ශ්‍රී ලංකාව දක්වන උනන්දුව ප්‍රශංසනීය බවත් තානාපතිවරයා වැඩිදුරටත් ප්‍රකාශ කළේය.

රැස්වීමේදී අදහස් දැක්වූ ශ්‍රී ලංකා – යුරෝපා සංගම් මිත්‍රත්ව සංගමයේ අභිනව සභාපති, අමාත්‍ය පවිත්‍රාදේවි වන්නිආරච්චි මහත්මිය ප්‍රකාශ කළේ යුරෝපා සංගමය සහ ශ්‍රී ලංකාව අතර සබඳතා තවදුරටත් ශක්තිමත් කිරීම සඳහා කටයුතු කිරීමට තමන් අපේක්ෂා කරන බවයි.

අමාත්‍යවරුන්, රාජ්‍ය අමාත්‍යවරුන් සහ පාර්ලිමේන්තු මන්ත්‍රීවරුන් ද මෙම අවස්ථාවට එක්ව සිටියහ.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved