Connect with us

පුවත්

ප්‍රදීප් රත්නායක සයිබීරියාවට යවයි!: ගම්පහ අය ඊළඟ බෝට්ටුවට

Published

on

මාතර දිස්ත්‍රික් ලේකම්වරයා ලෙස සේවය කරන සමයේ කරන ලද වැරැද්දකට අදාළව නාගරික සංවර්ධන හා නිවාස අමාත්‍යාංශයේ ලේකම් ප්‍රදීප් රත්නායක මහතා රාජ්‍ය පරිපාලන අමාත්‍යාංශය යටතේ තිබෙන පරිපාලන නිලධාරින්ගේ සංචිතය (Pool) හෙවත් සයිබීරියාවට යොමුකර ඇතැයි අනාවරණය වේ.

ලේකම්වරයා මාතර දිස්ත්‍රික් ලේකම්වරයා ලෙස කටයුතු කරන සමයේදී කරන ලද විනය විරෝධී කටයුත්තකට අදාළව ජනාධිපති කාර්යාලය විසින් මෙම පියවර ගෙන ඇතැයිද රාජ්‍ය පරිපාලන අමාත්‍යාංශයේ අභ්‍යන්තර ආරංචිමාර්ග සඳහන් කරයි.

එම විනය විරෝධී කටයුත්තේ මූලික පරීක්ෂණ වාර්තාව ජනාධිපති කාර්යාලයට ලැබීමෙන් පසු මෙම පියවර ගෙන තිබේ.

මෙම ලේකම්වරයා මේ වසර අගදී විශ්‍රාම යැවීමට නියමිතව සිටි බවද පැවැසේ.

අමාත්‍යංශ ලේකම්වරු පාලනය කිරීමේ කටයුතු සිදුකෙරෙන්නේ ජනාධිපති ලේකම් කාර්යාලය හරහාය.

රාජ්‍ය පරිපාලන අමාත්‍යංශය යටතේ තිබෙන පරිපාලන නිලධාරීන්ගේ සංචිතය හිස්කිරීමට රජයේ අවධානය යොමුකර ඇති අතර, මෙම සංචිතයට යොදන නිලධාරීන් රජයේ තාවකාලික තනතුරකට යෙදවීමට නියමිත බවද රාජ්‍ය පරිපාලන අමාත්‍යාංශය කියයි.

ක්‍රීඩා අමාත්‍යාංශයේ හිටපු ලේකම් අනුරාධ විජේකෝන්ද මෙම සංචිතයේ සිටින අතර ඔහුටද රාජ්‍ය පරිපාලන අමාත්‍යාංශයේ අතිරේක ලේකම් තනතුරක්ද ලබාදීමට පසුගියදා කටයුතු කෙරුණි.

ඊළඟ බෝට්ටුව

මේ අතර, පෑලියගොඩ, කැලණිය, ගම්පහ, වත්ත හා ඡාඇල ප්‍රධාන කොට සේවයේ නියුතුව චෝදනා එල්ලව සිටින ප්‍රධාන හා සුළු පරිපාලන නිලධාරීන් කිහිපදෙනෙකු සම්බන්ධයෙන් ද ස්ථාන මාරු ලබාදීමට රාජ්‍ය පරිපාලනයේ අවධානය යොමුව ඇති බව වාර්තා වේ.

මේ අතරින් වැඩි දෙනෙකුට චෝදනා එල්ලව ඇත්තේ අනවසර ගොඩනැගිලි තැනීමට බලපත්‍ර ලබාදීමට හවුල්වීම, මහජන සෞඛ්‍ය අනතුරේ හෙලීම, ප්‍රමිතියෙන් තොර පාරවල් සකස්කිරීමට හවුල්වී යන කාරණා සම්බන්ධයෙනි.

එසේම, රාජ්‍ය පරිපාලන අමාත්‍යංශය වෙත දැනුවත් කර අල්ලස් හෝ දූෂණ චෝදනා විමර්ශන කොමිෂන් සභාවට ඉදිරිපත්ව ඇති ජනතා පැමිණිලි විශාල ලෙස ලැබී ඇති පුද්ගලයන් සම්බන්ධයෙන්ද විශේෂ අවධානයක් යොමුකර ඇතැයි පැවසේ.

මේ අතර, බස්නාහිර පළාත් ආණ්ඩුකාරවරයාගේ අනනොතකා කටයුතු කරනු ලබන රාජ්‍ය පරිපාලන නිලධාරීන් සම්බන්ධයෙන් වාර්තාවක් ආණ්ඩුකාරවරයාගේ කාර්යාලය තුළ සැකසෙමින් ඇති බවට ද ඉතා විශ්වාසකටයුතු ආරංචි මාර්ගයකින් වාර්තා වේ.

මේ අතර, මාධ්‍ය ඔස්සේ චෝදනා එල්ලවන පරිපාලන නිලධාරීන්ගේ දත්ත එකතු කිරීම සඳහා ද ජනාධිපති කාර්යාලයේ විශේෂ වැඩසටහනක් ක්‍රියාත්මක කර ඇතැයි වාර්තා වේ.

Continue Reading

පුවත්

ජ’පුර රෝහලේ තවත් විශේෂඥ වෛද්‍යවරයෙක් ඉල්ලා අස්වෙයි

Published

on

By

ශ්‍රී ජයවර්ධනපුර රෝහලේ තවත් විශේෂඥ වෛද්‍යවරයකු ඉල්ලා අස්වී තිබේ.

මෙසේ ඉල්ලා අස්වී තිබෙන්නේ එම රෝහලේ සේවය කරන ලද විකලාංග ශල්‍ය විශේෂඥ වෛද්‍යවරයෙකි.

ඔහු සිය ඉල්ලා අස්වීමේ ලිපිය පසුගියදා රෝහල් පාලනාධිකාරිය වෙත භාර දී ඇත. 

පෞද්ගලික අවශ්‍යතාවක් මත රෝහලෙන් ඉවත් වන බවට එම විශේෂඥ වෛද්‍යවරයා සිය ලිපියෙන් දැනුම් දී තිබේ.

කෙසේ වුවද මෙම රෝහලේ තවත් එක් විකලාංග විශේෂඥ වෛද්‍යවරයකු සේවය කරන බවද රෝහල් ආරංචි මාර්ග සඳහන් කළේය.

මෙම රෝහලේ සේවය කරනු ලැබු ස්නායු ශල්‍ය විශේෂඥ වෛද්‍ය මහේෂි විජේරත්න අල්ලස් හෝ දුෂණ විමර්ශන කොමිසම මගින් පසුගිය 17 වැනිදා අත්අඩංගුවට ගෙන අධිකරණයට ඉදිරිපත් කිරීමෙන් පසු ලබන දහඅට වැනිදා (18) දක්වා රක්ෂිත බන්ධනාගාරගත කිරිමට අධිකරණය නියෝග කළේය. 

එම විශේෂඥ වෛද්‍යවරිය අත්අඩංගුවට ගනු ලැබුවේ ශල්‍ය ආයිතම රෝහලේ තිබියදී පිටතින් මිලදී ගන්නා ලෙස රෝගින්ට දැනුම් දීම ඇතුළු චෝදනා රැසකටය.

සබැඳි පුවත්

ජ’පුර දොස්තර දියණිය අල්ලස් කොමිසමේ 2ක් බයකරලා පොලිසිය අල්ලන්න සොයයි

Continue Reading

පුවත්

කොස්ගමදී කොටහැර පොඩ්ඩාගේ පවුලටම වෙඩි තියලා 

Published

on

By

මවක, දියණියක සහ තවත් පුද්ගලයකු කොස්ගම සුදු වැල්ල ප්‍රදේශයේදී, වෙඩි ප්‍රහාරයට ලක්ව රෝහල් ගත කර ඇතැයි කොස්ගම පොලිසිය කියයි.

කොටහැර පොඩ්ඩා නමැති සංවිධානාත්මක අපරාධකරු ඇතුළු  තිදෙනකු මෙසේ තුවාල ලබා අවිස්සාවිල්ල මූලික රෝහලට ඇතුළත් කර ඇතැයි පොලිසිය කියයි.

තුවාලකරුවන්ගේ තත්ත්වය බරපතල නොවන බවත් පොලිසිය පවසයි.

හංවැල්ල ප්‍රදේශයේ තිබූ සංගීත සංදර්ශනයක් නරඹා නැවත නිවස වෙත ගමන් කරමින් සිටියදී මෙම වෙඩි ප්‍රහාරයට ලක්ව ඇති බව සිදුකළ මූලික විමර්ශනයේදී අනාවරණය වී ඇත.

වෙඩි තැබීම සිදුවූ ස්ථානයේ තිබී මිලිමීටර් නමය වර්ගයේ බවට සැක කළ හැකි උණ්ඩ නමයක් හමුවී ඇති අතර සිද්ධිය වූ ස්ථානය ආසන්නයේ පිහිටි නිවසක තුවාලකරුවකු සැඟව සිට ඇති බවට කරුණු අනාවරණය වී ඇතැයි ද පොලිසිය පවසයි.

Continue Reading

පුවත්

ජ’පුර දොස්තර දියණිය අල්ලස් කොමිසමේ 2ක් බයකරලා පොලිසිය අල්ලන්න සොයයි

Published

on

By

ශ්‍රී ජයවර්ධනපුර රෝහලේ විශේෂඥ ශල්‍ය වෛද්‍ය මහේශී සූරසිංහ නැමැත්තියට එරෙහිව කොළඹ ප්‍රධාන මහේස්ත්‍රාත් අධිකරණයේ පැවති නඩුවකට සහභාගි වී අධිකරණයෙන් පිටව යමින් සිටි අල්ලස් කොමිෂන් සභාවේ සහකාර අධ්‍යක්ෂවරියට (නීති) එම ශල්‍ය වෛද්‍යවරියගේ දියණිය  මරණ තර්ජන කර ඇති බව කෙසෙල් වත්ත පොලිසිය පවසයි.

අල්ලස් කොමිෂන් සභාවේ සහකාර අධ්‍යක්ෂවරිය සහ එම සභාවේ පොලිස් පරීක්ෂකවරයකු විශේෂඥ ශල්‍ය වෛද්‍යවරිය සහ තවත් දෙදෙනකුට එරෙහිව නඩුවට පෙනී සිටිමින් අධිකරණයෙන් පිටව යන අවස්ථාවේදී එම ශල්‍ය වෛද්‍යවරියගේ දියණිය ‘‘උඹල දෙන්නා මරනවා’‘ යනුවෙන් තර්ජන කර ඇති බව පොලිසිය කියයි.

සැකකරු අත්අඩංගුවට ගැනීම සඳහා කෙසෙල් වත්ත පොලිසිය වැඩිදුර විමර්ශන සිදුකරයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved