Connect with us

පුවත්

ප්‍රබල ආරක්ෂක ලොක්කෙක් පස්සේ CIDය ඉව අල්ලයි

Published

on

ජාතික ආරක්ෂක මණ්ඩලයේ සාමාජිකත්වය දරන දැනට සේවයේ නියුතු ඉහළම පෙළේ ආරක්ෂක අංශ ප්‍රධානියකු සම්බන්ධව විශේෂ රහස් පොලිස් පරීක්ෂණයක් ආරම්භ කර ඇතැයි වාර්තා වේ.

නීතිපතිවරයා පොලිසියට ලබාදුන් ලිඛිත නියෝගයක් අනුව මෙම පරීක්ෂණය අපරාධ පරීක්ෂණ දෙපාර්තමේන්තුව විසින් ආරම්භ කර ඇතැයි ද පැවසේ.

පසුගිය වසරේ මාර්තු මස 01වැනිදා සිට මැයි 9 වැනිදා දක්වා අතර කාලය තුළ රටේ නීතිය හා සාමය ආරක්ෂා කිරීමට විධිමත් පියවර නොගැනීම, පැහැදිලි විධාන සහ නියෝග ලබා නොදීම ඇතුළු චෝදනා ගණනාවක් සම්බන්ධයෙන් මෙම විමර්ශනය සිදුකෙරෙන බව වාර්තා වේ.

ත්‍රිවිධ හමුදා ප්‍රධානීන්ගෙන් සමන්විත පරීක්ෂණ කමිටුවක් විසින් සිදු කළ නිර්දේශයකට අනුව මෙය ක්‍රියාත්මක බවද පැවසේ.

ඔවුන් මේ නිර්ද‌ේශය කර ඇත්ත‌ේ හිටපු ජනාධිපති නිවෙස ඉදිරිපිට විරෝධතා පැවැත්වීම, අග්‍රාමාත්‍යවරයා ප්‍රමුඛ මැති ඇමැතින්ගේ නිවාස ගිනි තබා විනාශ කිරීම, රාජ්‍ය නායකයාගේ ආරක්ෂාව තහවුරු නොකිරීම ඇතුළු බරපතළ චෝදනා ගණනාවක් මත බවද වාර්තා වේ.

මෙම පරීක්ෂණයේදී අදාළ ආරක්ෂක අංශ ප්‍රධානියාගෙන් රහස් පොලිසිය ප්‍රශ්න කිරීමට නියමිත අතර පරීක්ෂණයෙන් පසු ඔහු සම්බන්ධව ඉදිරි පියවර ගැනෙනු ඇතැයි නීතිපති දෙපාර්තමේන්තු ආරංචි මාර්ග සඳහන් කරයි.

මූලාශ්‍රය – දේශය 

පුවත්

තීරණාත්මක පනත් කෙටුම්පත් දෙකක් හෙට පාර්ලිමේන්තුවට

Published

on

By

මෙරට ආර්ථිකයට අතිශය තීරණාත්මක පනත් කෙටුම්පත් දෙකක්  හෙට (22) පාර්ලිමේන්තුවට ඉදිරිපත් කිරීමට රජය සැළසුම් කර තිබෙන බව වැඩ බලන මුදල් අමාත්‍ය ශෙහාන් සේමසිංහ මහතා සඳහන් කළේය.

ඒ අනුව යළි ආර්ථික බිඳවැටීමක් සිදු නොවීමට අදාළව “ආර්ථික පරිවර්තනය පිළිබඳ පනත් කෙටුම්පත” සහ රටේ රාජ්‍ය මූල්‍ය කළමනාකරණය ප්‍රශස්ත මට්ටමක පවත්වාගෙන යාම වෙනුවෙන් “රාජ්‍ය මූල්‍ය කළමනාකරණ පනත් කෙටුම්පත” ඉදිරිපත් කරන බව ඒ මහතා පෙන්වා දුන්නේය.

වැඩ බලන මුදල් අමාත්‍ය ශෙහාන් සේමසිංහ මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් ඊයේ (20) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading

පුවත්

චීනයට පත්වූ නව ශ්‍රී ලංකා තානාපති, වැඩ භාර ගනී

Published

on

By

චීනයට පත් වී ඇති නව ශ්‍රී ලංකා තානාපතිවරයා වන මජින්ත ජයසිංහ මහතා ඊයේ (20) දිනයේදී බෙයිජිං අගනුවරදී වැඩ භාරගෙන තිබුණි.

මීට පෙර මෙම ධූරයේ කටයුතු කළ පාලිත කොහොන මහතා ගේ ධූර කාලය පසුගිය වසරේදී අවසන් වීමත් සමග මෙම ධූරය මාස කිහිපයක් පුරාවටම හිස්ව පැවතිනි.

Continue Reading

පුවත්

අද ජාත්‍යන්තර  “තේ” දිනය යි

Published

on

By

එක්සත් ජාතීන්ගේ සංවිධානය විසින් අද (මැයි 21) ජාත්‍යන්තර තේ දිනය ලෙස නම් කර ඇත.

ගෝලීය වශයෙන් තේවල සංස්කෘතික වැදගත්කම හඳුනා ගැනීම සහ එහි තිරසාර නිෂ්පාදනය සහ පරිභෝජනය ප්‍රවර්ධනය කිරීම එහි අරමුණයි.

ගෝලීය වශයෙන් වැඩිපුරම පරිභෝජනය කරන දෙවන පානය වන තේ, ග්‍රාමීය සංවර්ධනය, ආහාර සුරක්ෂිතතාව සහ සංවර්ධනය වෙමින් පවතින රටවල දරිද්‍රතාවය අඩු කිරීම සඳහා වැදගත් කාර්යභාරයක් ඉටු කරයි.

ඉන්දියාව, ශ්‍රී ලංකාව, නේපාලය, වියට්නාමය, ඉන්දුනීසියාව, බංග්ලාදේශය, කෙන්යාව, මලාවි, මැලේසියාව, තුර්කිය, මියන්මාරය, ඉරානය, රුවන්ඩාව උගන්ඩාව සහ ටැන්සානියාව වැනි තේ නිෂ්පාදනයේ පුරෝගාමී රටවල පවුල් මිලියන ගණනක ජීවනෝපාය තේ කර්මාන්තයයි.

ලොව පුරා Ceylon Tea හෙවත් ලංකාවේ තේ අතිශය ප්‍රචලිත අතර සංචාරකයන් අතර අප රටේ තේ පිළිබඳ උනන්දුවක් ඇති කිරීමේ අරමුණින් නව වැඩපිළිවෙළක් ආරම්භ කිරීමට ද මේ වනවිට යෝජනා ඉදිරිපත්ය.

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved