Connect with us

පුවත්

පාර්ලිමේන්තු අයවැය කාර්යාලය පිහිටුවන්න මුදල් කාරක සභාවෙන් කොළ එළියක්

Published

on

පාර්ලිමේන්තුවේ අයවැය කාර්යාලය සඳහා වූ පනත් කෙටුම්පතට ර‍ජයේ මුදල් පිළිබඳ කාරක සභාවේදී එක් සංශෝධනයකට යටත්ව අනුමැතිය ලබාදීම සිදුවිය.

රජයේ මුදල් පිළිබඳ කාරක සභාව එහි සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා මහතාගේ ප්‍රධානත්වයෙන් පසුගිය 13දා රැස්වූ අවස්ථාවේදී මෙම පනත් කෙටුම්පත සලකා බැලිණි.
එහිදී අදහස් දැක්වූ කමිටු සභාපතිවරයා සඳහන් කළේ බොහෝ කලක් ප්‍රමාද වී හෝ පාර්ලිමේන්තුවේ අයවැය කාර්යාලයක් පිහිටුවීම ඉතා වැදගත් පියවරක් බවයි. මෙම ක්‍රියාවලිය මගින් අයවැය විශ්ලේෂණ ක්‍රියාවලියට අතවශ්‍ය ස්වාධීනත්වය සහතික කෙරෙන බවද කමිටු සභාපතිවරයා පෙන්වා දුන්නේය.

කාරක සභාව මෙහිදී පනත් කෙටුම්පතේ පහත කරුණු කෙරෙහි විශේෂ අවධානය යොමු විය.

  • අයවැය කාර්යාලයේ විෂය පථය ආර්ථික පිරිවැය සහ ආදායම් උත්පාදනය පිළිබද සිදුකරන ලද ඇගයීම් සම්බන්ධයෙන් පමණක් වීම, එනම් සමාජමය බලපෑම තක්සේරු කිරීමට එහි නෛතික බලයක් නොමැති වීම.
  • රජයේ මුදල් පිළිබඳ කාරක සභාවේ සහ ක්‍රම සහ විධි පිළිබඳ කාරක සභාවේ සභාපතිවරුන් සහ පාර්ලිමේන්තුවේ නියෝජ්‍ය කථානායකගෙන් සමන්විත උපදේශන කමිටුවක් පත් කිරීම. ආණ්ඩුක්‍රම ව්‍යවස්ථා සභාව විසින් පාර්ලිමේන්තු අයවැය කාර්යාලය සඳහා තෝරා ගන්නා ලද අපේක්ෂකයන් ලැයිස්තුගත කිරීමේ ක්‍රියාවලියේදී මෙම උපදේශන කමිටුව විසින් පාර්ලිමේන්තු මහ ලේකම්වරයාට සහය වනු ඇත.
  • ජාතික ආර්ථික හා භෞතික සැලසුම් සමග සමගාමීව කටයුතු කිරීමට සහ අදාළ කරුණ සම්බන්ධ සංවේදී දත්ත අයවැය කාර්යාලයීය පනතට අනුකූලවම පමණක් හුවමාරු කිරීමට අයවැය කාර්යාලයට ඇති හැකියාව.

නව විධිවිධානවලට අනුව ඡන්ද අපේක්ෂකයන්ට සිය ප්‍රතිපත්ති වඩාත් විනිවිදබවකින් ඉදිරිපත් කිරීමේ හැකියාව  

එමෙන්ම , නව පනතට අනුව පිළිගත් දේශපාලන පක්ෂ නායකයින්ට සිය පක්ෂ ආර්ථික ප්‍රතිපත්ති ප්‍රකාශන ස්වාධීනව විශ්ලේෂණය කිරීම සඳහා පාර්ලිමේන්තු අයවැය කාර්යාලයට ඉදිරිපත් කිරීමට හැකියාව ලැබෙනු ඇත. මෙමගින් ඡන්ද අපේක්‍ෂකයින්ට තම ප්‍රතිපත්ති ප්‍රකාශනවලට අයත් ප්‍රතිපාදන වඩා විනිවිදභාවයකින් සහ විද්‍යාත්මක ක්‍රමවේදයකට අනුව ඉදිරිපත් කිරීමේ හැකියාව ලැබේ.

ඒ අනුව සභාපතිවරයා අවධාරණය කළේ පාර්ලිමේන්තු අයවැය කාර්යාලය ව්‍යවස්ථාදායකය විසින් තහවුරු කරන ලද ස්වාධීන ආයතනයක් බවයි.එමගින් මූල්‍ය පුරෝකථන මත සිදුවිය හැකි මූල්‍ය බලපෑම පිළිබඳ විකල්ප ක්‍රමවේද භාවිතා කරමින් සිදුකරනු ලබන යෝජනා විශ්ලේෂණය කිරීම සිදුකළ හැකි බවද හෙතෙම අවධාරණය කළේය.ඒ අනුව පාර්ලිමේන්තු අයවැය කාර්යාලයේ අයවැය දින 60ක් ඇතුළත ඉදිරිපත් කිරීම යන සංශෝධනයට යටත්ව  පනත් කෙටුම්පත සඳහා අනුමතිය හිමි විය.

පුවත්

පුත්තලමේ පාසල් සඳහා හෙටත් නිවාඩු

Published

on

By

පවතින අයහපත් කාලගුණික තත්ත්වය හේතුවෙන් පුත්තලම දිස්ත්‍රික්කයේ සියලුම පාසල් හෙට (21) දිනයේදීත් වසා තැබීමට තීරණය කර තිබේ.

වයඹ පළාත් අධ්‍යාපන අධ්‍යයක්‍ෂ කාර්යාලය ඒ බව නිවේදනය කළේය.

Continue Reading

පුවත්

කෙහෙළිය යළිත් රිමාන්ඩ්

Published

on

By

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 8 දෙනෙක් ජුනි මස 03 වනදා දක්වා නැවතත් රක්ෂිත බන්ධනාගාරගත කිරීමට අධිකරණය නියෝග කර තිබේ.

ඒ ප්‍රශ්නගත ඉමියුනෝග්ලොබියුලීන් ඖෂධ සිද්ධිය සම්බන්ධයෙන් එම සැකකරුවන් අද (20) මාළිගාකන්ද අධිකරණයට ඉදිරිපත් කළ අවස්ථාවේදී ය.

Continue Reading

පුවත්

විජයදාස ට සහ කීර්ති ට වාරණයක්

Published

on

By

ශ්‍රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ සහ වැඩ බලන මහලේකම් ලෙස කීර්ති උඩවත්ත යන මහත්වරු  කටයුතු කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.

පාර්ලිමේන්තු මන්ත්‍රී දුමින්ද දිසානායක මහතා විසින් ඉදිරිපත් කළ පැමිණිල්ලක් සලකා බැලීමෙන් අනතුරුව කොළඹ දිසා විනිසුරු සඳුන් විතාන මහතා මෙම නියෝගය නිකුත් කළේය.

Continue Reading

Trending

Copyright © 2023 Sri Lanka Mirror. All Rights Reserved