Connect with us

පුවත්

පාස්ටර් ජෙරම් එංගලන්තයට පැනගිහින්; බැංකුවලින් කෝටි 1200ක් මාරුවෙලා

Published

on

බුදු දහම ඇතුළු ආගම්වලට අපහාසාත්මක ප්‍රකාශ සිදු කිරීමේ චෝදනාව යටතේ අපරාධ පරීක්ෂණ දෙපාර්තමේන්තුව මඟින් විමර්ශන කටයුතු කරන ෆෙඩ්රික් ක්‍රිස්ටෝපර් ජෙරම් ප්‍රනාන්දු නොහොත් පාස්ටර් ජෙරම් මේ වන විට එංගලන්තයේ රැඳී සිටින බවට අපරාධ පරීක්ෂණ දෙපාර්තමේන්තුවට තොරතුරු ලැබී ඇතැයි වාර්තා වේ.

ඔහුට සම්බන්ධයෙන් අපරාධ පරීක්ෂණ දෙපාර්තමේන්තුව මඟින් විමර්ශන කරමින් ඔහුට විදෙස් ගමන් තහනමක් කොළඹ කොටුව මහේස්ත්‍රාත් අධිකරණයෙන්  ලබාගෙන ඇත්තේ පසුගිය මැයි 15 වැනිදාය.

එම නියෝගය ලබා ගැනීමට පෙර දින පාස්ටර් ජෙරම් සිය බිරිය සහ දරුවන් සමඟ සිංගප්පූරුව බලා කටුනායක ජාත්‍යන්තර ගුවන්තොටුපොළින් පිටත්ව ගොස් තිබිණි.

ඔහුගේ බිරියත් දරුවනුත් මේ වන විට මෙරටට නැවත ලංකාවට පැමිණ සිටී.

පාස්ටර් ජෙරොම්ගේ ආගමික නිකාය මේ වන විට ලෝකයේ රටවල් 12ක ව්‍යාප්තව පවතින බවත් එම රටවල මෙහි ශාඛා ඇති බවත් විමර්ශනවලින් අනාවරණය කරගෙන ඇත.

මෙරටින් බැහැරව සිටියත් පාස්ටර් ජෙරොම් විසින් මාර්ගගත ක්‍රමයට සිය අනුගාමිකයන්ට ආශීර්වාද දේව මෙහෙයන් පවත්වමින් සිටින බවට ද අපරාධ පරීක්ෂණ දෙපාර්තමේන්තුවට තොරතුරු ලැබී තිබේ.

බැංකුවලින් කෝටි 1200ක්….

මේ අතර, පාස්ටර් ජෙරම් යන අයගේ පුද්ගලික ගිණුම්, ඔහුට අයත් පුද්ගලික ව්‍යාපාරයේ ගිණුම්, ඔහුගේ යාඥා සිදු කරනු ලබන පල්ලියට අයත් ගිණුම් සහ ඔහුගේ බිරිය වන මෙලනි ඩයන් වැන්කියුලස්බර්ග් යන අයට අයත් රජයේ සහ පුද්ගලික බැංකු 9 ගිණුම් පරීක්ෂා කිරීමට කොටුව මහේස්ත්‍රාත් තිළිණ ගමගේ මහතා අපරාධ පරීක්ෂණ දෙපාර්තමේන්තුවට අවසර ලබා දී ඇත.

මහේස්ත්‍රාත්වරයා මෙලෙස අවසර ලබාදී ඇත්තේ අපරාධ පරීක්ෂණ දෙපාර්තමේන්තුව මෝසමක් ගොනු කරමින් සිදු කළ ඉල්ලීමක් සලකා බැලීමෙන් අනතුරුවය.

මෙම ගිණුම් ඔස්සේ රුපියල් කෝටි 1200ක හෝ ඒ ආසන්න මුදලක් හුවමාරු වී ඇති බවට අපරාධ පරීක්ෂණ දෙපාර්තමේන්තුව මඟින් කළ විමර්ශනවලින් පෙනී ගිය බැවින් එම ගිණුම් පරීක්ෂා කිරීමට අධිකරණයෙන් ඉල්ලා සිට ඇති බව පොලිස් තොරතුරු අනාවරණය කළේය. 

අධිකරණ නියෝගයෙන් කෙරන විමර්ශනවලින් ඒ බව නිශ්චිතවම තහවුරු කර ගැනීමට හැකියාව ලැබෙන බවත් ඉදිරි නඩු දිනයේදී මෙම බැංකු ගිණුම්වලින් හුවමරු වී ඇති මුදල් ප්‍රමාණය නිශ්චිත ලෙස අධිකරණයට දැනුම් දීමට හැකිවනු ඇති බවත් අපරාධ පරීක්ෂණ දෙපාර්තමේන්තු තොරතුරු අනාවරණය කළේය.

රාජ්‍ය බැංකු 03කත්, දේශීය පුද්ගලික බැංකු 05කත් විදේශීය බැංකුවක මෙරට ශාඛාවකත් ඇති ගිණුම් මෙසේ පරීක්ෂා කිරීමට අධිකරණයෙන් අවසරය ලැබී තිබේ.

අපරාධ පරීක්ෂණ දෙපාර්තමේන්තුව මඟින් මේ වන විට පාස්ටර් ජෙරොම් ප්‍රනාන්දු සම්බන්ධයෙන් කෙරෙන විමර්ශනයන්ට අමතරව නීති විරෝධී වත්කම් විර්ශන කොට්ඨාසය ද පාස්ටර් ජෙරොම් සම්බන්ධයෙන් මුදල් විශුද්ධිකරණය සම්බන්ධයෙන් විමර්ශනයක් සිදු කරමින් පවතී.

සබැඳි පුවත්

පාස්ටර් ජෙරම්ගේ සල්ලි උණ්ඩියෙල් ක්‍රමේට රට; මහින්දට සම්බන්ධයක් නෑ 

පාස්ටර් ජෙරම්ට පෙර වැරදි නැතැයි CIDය කියයි

පාස්ටර් ජෙරම් සිය පෙත්සම ඉල්ලා අස්කරගනියි 

පාස්ටර් ජෙරම්ගේ බිරිඳ හා දරුවන් ලංකාවට එයි!

පාස්ටර් ජෙරම් අත්අඩංගුවට ගන්න CIDය අවසර ඉල්ලයි

පාස්ටර් ජෙරම් තැන මාරුකර දේව මෙහෙය කරයි; සමාවත් ගනියි 

පුවත්

ආදරවන්තයිගේ දිනය වෙනුවෙන් පොලීසියෙන් පණිවිඩයක්

Published

on

By

හෙට (14) දිනට යෙදී ඇති ආදරවන්තයින්ගේ දිනය වෙනුවෙන් ශ්‍රී ලංකා පොලීසියෙන් දැනුවත් කිරීමක් සිදුකර තිබේ.

ශ්‍රී ලංකා පොලීසියේ නිල ෆේස්බුක් පිටුවේ ‘ආදරවන්තයින්ගේ දිනයට කලින්’ යනුවෙන් දැන්වීමක් පළකර ඇත.

එහි සඳහන්ව ඇත්තේ “ඔබ ගැහැණු ළමයෙක් නම් ආදරවන්තයින්ගේ දිනය සැමරීමේ දී අනාරක්ෂිත ස්ථානවලට යෑමට පෙර ඔබේ දෙමාපියන් ඔබට ලබාදුන් වටිනා ජීවිතය ගැන දෙවරක් සිතන්න.” යනුවෙනි.

එවැනි අවස්ථාවක කාන්තාවකට යම් හිංසනයක් සිදුවුවහොත් 109 දුරකථන අංකයට ඇමතුමක් ලබාදෙන ලෙස ද අදාළ දැන්වීමේ සඳහන් වේ.

Continue Reading

පුවත්

අදත් විදුලි කප්පාදුවක් – වේලාවන් මෙන්න (update)

Published

on

By

පැයක විදුලිය කප්පාදුවකට පියවර ගෙන ඇති බව බලශක්ති අමාත්‍යාංශය පවසයි.

ඒ අනුව අද (13) සවස 5.00 සිට රාත්‍රී 9.30 අතර පැයක විදුලි කප්පාදුවක් සිදුවනු ඇත.

පසුගිය ඉරිදා (09) දින විදුලි බල පද්ධතියේ ඇති වූ සමතුලිතතාවය බිඳ වැටීමක් හේතුවෙන් පැය 05ක කාලයක් දිවයින පුරි විදුලි බිඳවැටිමක් සිදුවිය.

මෙම හදිසි විදුලි බිඳවැටීමෙන් අනතුරුව නොරොච්චෝලේ බලගාරයේ ජනන යන්ත්‍ර 03ම අක්‍රීය තත්ත්වයට පත්වීම හේතුවෙන් විදුලි ඉල්ලුම කළමනාකරණය කරගැනීම සඳහා පසුගිය 10 සහ 11 යන දිනයන්හි පැය එකහාමාරක කාලයක් දිවයිනේ සෑම ප්‍රදේශයකටම විදුලි කප්පාදුවක් සිදුකිරීමට ලංකා විදුලිබල මණ්ඩලය පියවර ගනු ලැබීය.

ඒ අනුව පස්වරු 3.30ත් රාත්‍රී 9.30ත් දක්වා පැය 06ක කාලසීමාව තුල කාණ්ඩ 04ක් ඔස්සේ එම විදුලි කප්පාදුව සිදුකිරීමට කටයුතු කර තිබු නමුත් ඊයේ (12) පොහොය දිනයක් වීම හේතුවෙන් අඩු විදුලි ඉල්ලුම සපුරාලීමට ලංකා විදුලිබල මණ්ඩලයට හැකි වූ බැවින් විදුලි කප්පාදුවක් සිදුනොකිරීමට මණ්ඩලය පියවර ගත්තේය.

මේ වන විට නොරොච්චෝලේ බලාගාරයේ ජනන යන්ත්‍ර අක්‍රීයව පවතින අතර එහි නඩත්තු කටයුතු විදුලි ඉංජිනේරුවන් විසින් සිදුකෙරෙමින් පවතින අතර අදාළ කටයුතු කඩිනමින් අවසන් කිරීමෙන් අනතුරුව ජනන යන්ත්‍ර සක්‍රීය කිරීමට කඩිනමින් කටයුතු කරන බව ලංකා විදුලි බල මණ්ඩලය පවසයි.

බොහෝ දුරට හෙට (14) දිනය වන විට නොරොච්චෝලේ බලාගාරය ජාතික පද්ධතියට එක් කිරීමට හැකි වනු ඇති බව ලංකා විදුලි බල මණ්ඩලය වැඩිදුරටත් සඳහන් කර සිටියේය.


(පෙර පුවත 2025 පෙබරවාරි 12 ප.ව.12.34)

විදුලි කප්පාදුව ගැන තීරණය හෙට

හෙට (13) දිනය තුළ විදුලි කප්පාදුව සිදුකරන්නේ ද සම්බන්ධයෙන් හෙට උදෑසන ප්‍රකාශයක් සිදුකරන බව ලංකා විදුලිබල මණ්ඩලය පවසයි.

නොරොච්චෝලේ බලාගාරය මේ වන විට යථා තත්ත්වයට පත්කරමින් සිටින බැවින් විදුලි කප්පාදුව පිළිබඳ අවසන් තීරණයක් ගන්නා බව ලංකා විදුලිබල මණ්ඩලයේ මාධ්‍ය ප්‍රකාශක ධම්මික විමලරතන මහතා කියා සිටියේය.

පසුගිය ඉරිදා දිනයේ දිවයින පුරා සිදු වූ හදිසි විදුලි බිඳවැටීම හේතුවෙන් නොරොච්චෝලේ බලාගාරය ද අක්‍රීය වුණි.

මේ හේතුවෙන් ජාතික විදුලිබල පද්ධතියට මෙගාවොට් 300ක පමණ ප්‍රමාණයක් අහිමි විය.

එම නිසා ඊයේ (11) සහ පෙරේදා (10) දිනයන්හි දී විදුලි කප්පාදුවක් සිදුකරනු ලැබූ අතර, අද (12) පොහොය දිනය වීම හේතුවෙන් විදුලි කප්පාදුවක් සිදුනොකරන බව විදුලිබල මණ්ඩලය නිවේදනය කළේය.

Continue Reading

පුවත්

ලෝක රාජ්‍ය සමුළුව ඇමතූ ජනපති යළි දිවයිනට

Published

on

By

එක්සත් අරාබි එමීර් රාජ්‍යයේ තෙදින නිල සංචාරයක් සඳහා පිටත්ව ගොස් සිටි ජනාධිපති අනුර කුමාර දිසානායක මහතා අද (13) උදෑසන දිවයිනට පැමිණියේය.

ඩුබායි හි පැවැත්වූ 2025 ලෝක රාජ්‍ය සමුළුව ඇමතූ ජනපතිවරයා, මෙම සංචාරයේදී රටවල් කිහිපයක රාජ්‍ය නායකයින් සහ ආණ්ඩුවල ප්‍රධානීන් සමඟද ද්විපාර්ශ්වික සාකච්ඡා පවත්වනු ලැබීය.

ඊයේ (12) දින  2025 ලෝක රාජ්‍ය සමුළුව අමතමින් ජනපතිවරයා පවසා සිටියේ ගෝලීය දේශගුණික ගැටලු දුප්පත් හෝ පොහොසක් භේදයකින් තොරව සැමගේ දොරටුවලට තට්ටු කරමින් තිබෙන බවද දේශසීමා ඉක්මවා යන අභියෝගයන්ට මුහුණ දීමට ගෝලීය පුරවැසියන් ලෙස අප එක් විය යුතු බවයි.

ආර්ථික වර්ධනය, නවෝත්පාදනය සහ රාජ්‍ය පාලන ප්‍රතිසංස්කරණ පිළිබඳ ශ්‍රී ලංකාවේ දැක්ම යන මැයෙන් ජනාධිපති අනුර කුමාර දිසානායක මහතා මෙහිදී සිය දේශනය පවත්වනු ලැබීය. තිරසාර සංවර්ධනය සහ ජාත්‍යන්තර සහයෝගීතාව සඳහා ශ්‍රී ලංකාවේ කැපවීම මෙහිදී අවධාරණය කෙරිණ.

මානව වර්ගයා සම්බන්ධ වැදගත් අංශවල අනාගත උපාය මාර්ග සහ සැලසුම් සංවර්ධනයකෙරෙහි  මෙම සමුළුව මඟින්  ගාමක බලයක් ලබා දෙන බව පෙන්වා දුන් ජනාධිපතිවරයා ගෝලීය අභියෝගවලට මුහුණ දීම සඳහා සාමූහික ගෝලීය ක්‍රියාමාර්ගයක් මෙන්ම ඒකාබද්ධ පෙරමුණක් අවශ්‍ය බවද කියා සිටියේය.

සමාජ සාධාරණත්වය සහ නීතියේ ආධිපත්‍යය ප්‍රමිතිගත රාජ්‍යයකට මෙන්ම කෘතහස්ත  ලෝකයකට  වැදගත් වන අතර, ගිවිසුම් සහ නීති විධිමත් ආකාරයට ක්‍රියාත්මක කිරීම,  අඩු ආදායම්ලාභීන්ට සහ අස්ථායී ප්‍රජාවන්ට ක්‍රමවත් සහයෝගය සැලසීම මෙන්ම නිලධාරීන්ගේ වගවීම තහවුරු කිරීම සඳහා නිදහස් මාධ්‍ය සහ සමාජ ක්‍රියාකාරීන්ට ඉඩසැලසීමේ වැදගත්කම ද ජනාධිපති අනුර කුමාර  දිසානායක මහතා  මෙහිදී සඳහන් කළේය.

ඩිජිටල් ප්‍රවේශ අයිතිවාසිකම්, පාරිසරික අයිතිවාසිකම් සහිතව 1948 මානව හිමිකම් න්‍යාය පත්‍රයේ යාවත්කාලීන විශ්ව ප්‍රකාශනයක අවශ්‍යතාව ජනාධිපතිවරයා මෙහිදී අවධාරණය කළේය.

ගෝලීය ආර්ථික මූල්‍යකරණයේදී කොන්දේසි දැඩිවීම, අනාගතයේදී ගෙවීමට නියමිත විශාල ණය ගෙවීම් සහ පුළුල් ස්වෛරී ණය අර්බුදයකට මුහුණ දීමට වත්මන් ජාත්‍යන්තර මූල්‍ය ව්‍යුහය දුර්වල ලෙස සූදානම් වීමත් සමග ගෝලීය දැක්ම අතිශයින් ගැටළුකාරී තත්ත්වයකට පත්ව තිබෙන  බව පෙන්වා දුන් ජනාධිපති අනුර කුමාර දිසානායක මහතා  නූතන ලෝකයට සාධාරණ ලෙස ගළපා ගත හැකි මූල්‍ය සංශෝධනයන්ට පරිවර්තනය වීමේ වැදගත්කමද පෙන්වා දුන්නේය.

මානව කේන්ද්‍රීය අනාගත සංවර්ධනය පිළිබඳ අදහස් පළ කළ ජනාධිපති අනුර කුමාර දිසානායක මහතා ශක්තිමත් සයිබර් ආරක්ෂණ ක්‍රියාවලියකට ලෝකය යොමුවීමේ වැදගත්කම පෙන්වා දුන්නේය. රොබෝවරයෙකුගේ භාවිතය හේතුවෙන් රැකියා අහිමි වන මානව සම්පත සවිබල ගැන්වීම වෙනුවෙන් අධ්‍යාපනය, කුසලතා සංවර්ධනය සහ නව රැකියා අවස්ථාවන් හඳුනා ගනිමින් විධිමත් වැඩපිළිවෙළක් ක්‍රියාත්මක කළ යුතු බවද ඒ වෙනුවෙන් ගෝලීය නායකයන් සාමූහිකව කටයුතු කළ යුතු බවද ජනාධිපතිවරයා සිහිපත් කළේය.

‘අප සියලු දෙනා මුහුණ දෙන ප්‍රශ්න මෙන්ම අපගේ හදවත්වල “ලබ් ඩබ්” නාදය ආයාචනා කරන්නේ එකට එක්වී ලෝකය ගොඩනඟමු’ යන ආයාචනය බව ජනාධිපති අනුර දිසානායක මහතා මෙහිදී ප්‍රකාශ කළේය.

“අපි සහෝදරයන් ලෙස එකට ජීවත් වීමට ඉගෙන ගත යුතුය”යන මාර්ටින් ලූතර් කිං ගේ ප්‍රකාශය උපුටා දැක්වූ ජනාධිපතිවරයා, “ලස්සන ජීවිතයක් සහ පොහොසත් රටක්” ගොඩනැඟීමට ශ්‍රී ලංකාවේ ජනතාවද 2024 වසරේ දී එක්  වූ බව පෙන්වා දුන්නේය. මෙම ඓතිහාසික සමුළුව හමුවේ අදහස් දැක්වූ ජනාධිපති අනුර කුමාර දිසානායක මහතා, “අපි එකට එකතු වී ලස්සන ජීවිතයක් සහ ලස්සන ලෝකයක් නිර්මාණය කරමු” යැයි ලෝක රාජ්‍ය සමුළු නියෝජිතයින්ට ආරාධනා කර සිටියේය.

Continue Reading

Trending

Copyright © 2023 Sri Lanka Mirror. All Rights Reserved