Connect with us

පුවත්

පැරසිටමෝල් විශවී 7 හැවිරිදි දැරියක් මරුට!

Published

on

උණ රෝගයට ගොදුරුව සිටි හත් හැවිරිදි දැරියකට පැරසිටමෝල් අධි මාත්‍රාවක් ලබා දීම නිසා ඇය මරණයට පත්ව ඇති බව ගම්පොළ රෝහල් හදිසි මරණ පරීක්ෂක නලින් ඒ. මැදිවක විසින් සිදු කළ මරණ පරීක්ෂණයකදී අනාවරණය විය.

මෙසේ මියගොස් ඇත්තේ උඩහේන්තැන්න උඩුවැල්ල තාමරවල්ලි ජනපදයේ පදිංචි රන්කොත්පේඩි ගෙදර ශාමලී තරුෂි නමැති දැරියයි.

ඇය උඩුවැල්ල කනිෂ්ඨ විද්‍යාලයේ 2 වසර පන්තියේ ඉගෙනුම ලැබූ ශිෂ්‍යාවකි.

ඇගේ දෙමව්පියන් විසින් ගම්පොළ කුරුඳුවත්ත රෝහලින් ඇයට දෙවරක් බෙහෙත් රැගෙන දී තිබිණි.

වෛද්‍යවරයා විසින් ලබාදී ඇති නියමිත මාත්‍රාව වෙනුවට රෝහලේ ඖෂධහලෙන් සටහන් කොට ලබාදී ඇති වැඩිහිටි මාත්‍රාවක් ළමයාට ලබාදීම නිසා මෙම අධි මාත්‍රාව ළමයාට ලැබී තිබෙන බව හෙළි වී තිබේ.

කුරුඳුවත්ත රෝහලෙන් දිනකට රෝගීන් හයසියයක් පමණ ප්‍රතිකාර සඳහා පැමිණෙන අතර ඔවුන්ට ඖෂධ ලබාදීමට සිටින්නේ එක් ඖෂධවේදියකු බව පැවසේ.

එසේම පෙති වර්ග දැමීමට රෝහලට අවශ්‍ය දවටන හෝ කවර නොමැති අතර එම ඖෂධ වර්ග ලබා දෙන්නේ පරණ ලයිට් බිල් හෝ කඩදාසිවල දවටමිනි.

රෝගීන් වැඩි නිසා පැනඩෝල් වැනි බොහෝ බෙහෙත් වර්ග කලින්ම කොළවල ඔතා සකස් කර තබා රෝගීන්ට දීම සිදුකරන්නේ ඖෂධ ගන්නා ආකාරය ද සටහන් කර තැබීමෙනි.

වැඩිහිටියන්ට අවශ්‍ය මාත්‍රාවන් එසේ ලියා තිබුණද ළමයින් පැමිණ විට එම කොළයේ පිට පැත්තේ එම මාත්‍රාව ලියා දීම සිදුකර තිබේ.

ඒ ආකාරයට හත් හැවිරිදි මෙම දරුවාට ද ඖෂධ ලබාදී ඇති අතර දෙමාපියන් සිදුකර ඇත්තේ එම කොළයේ ඇතුළත සටහන් කර තිබූ වැඩිහිටි මාත්‍රාව මෙම ළමයාට දීමය.

මේ ආකාරයට දරුවාට උණට බෙහෙත් ගත්තද පසුව බඩේ අමාරුවක් සෑදී ඇති අතර දෙමව්පියන් 22 දින යළි එම දරුවා ගම්පොළ රෝහලට රැගෙනවිත් ඇත්තේ ඉතා අසාධ්‍ය තත්ත්වයට පත් වීමෙනි.

එහිදී දරුවා දැඩි සත්කාර ඒකකයට යොමු කිරීමට වෛද්‍යවරු පියවරගෙන තිබුණද ගම්පොළ, පේරාදෙණිය,නාවලපිටිය හෝ මහනුවර රෝහල්වල එම ඇඳන් හිස්ව නොතිබූ නිසා දරුවා රාගම රෝහලට රැගෙන යාමට කටයුතු කර ඇත.

ඒ අතර දරුවා දැඩි ලෙස දැඟලීම නිසා පියාගේ කැමැත්ත රැගෙන දරුවා නිර්වින්දනය කොට ඇති අතර එදින රාත්‍රී 7:30 ට පමණ දරුවා ගම්පොළ රෝහලේදීම මිය ගොස් තිබේ.

ඒ අනුව පශ්චාත් මරණ පරීක්ෂණ කටයුතු සඳහා දරුවාගේ සිරුර මහනුවර මහ රෝහල වෙත 23 දින රැගෙන ගිය අතර එහිදී අනාවරණය වී ඇත්තේ අක්මාවට සිදුවූ බරපතළ හානි නිසා දරුවා මියගොස් ඇති බවයි.

එහිදී විශේෂඥ අධිකරණ වෛද්‍ය නිලධාරීනි සී.යූ. වික්‍රමසිංහ මහත්මිය මියගිය දැරියගේ ශරීර කොටස් වැඩිදුර පරීක්ෂණ කටයුතු සඳහා රසායනාගාර පරීක්ෂණයකට ද යොමු කර තිබිණි.

ගම්පොළ රෝහල් හදිසි මරණ පරීක්ෂක නලින් ඒ. මැදිවක මහතා ගම්පොළ රෝහලේ දී මරණ පරීක්ෂණ කටයුතු සිදු කළ අතර එහිදී කුරුඳුවත්ත පොලිසියේ පොලිස් කොස්තාපල් 73444 තේනුවර මහතාගේ මෙහෙයවීම මත මියගිය දැරියගේ පියා වන එරංග සමීර කරුණාරත්න ( 32 හා මව වන ජයසිංහගේ මල්ලිකා රාජපක්ෂ යන අය සාක්ෂි ලබා දෙන ලදී .

මෙහිදී මරණ පරීක්ෂකවරයා මෙම මරණයට හේතු ලෙස උණ රෝගයට අධිමාත්‍රාවෙන් පැනඩෝල් ලබාදීම නිසා අක්මාවට හානි වීම හා රෝහල් ගතකර සිහිනැති කර සිටියදී මිය යාම යන කරුණු දක්වා තිබිණි.

(අරුණ)

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved