Connect with us

පුවත්

පිරිමින් සම්බාහනය ගැහැනුන්ට පුලුවන් බව සිසිර කියයි!

Published

on

පිරිමින් සම්බාහනය ගැහැනුන්ට තහනම් යැයි පළව ඇති පුවත සම්පූර්ණයෙන් ම අසත්‍ය බව දේශීය වෛද්‍ය රාජ්‍ය ඇමැති සිසිර ජයකොඩි මහතා පාර්ලිමේන්තුවේ දී ඊයේ (17) පැවසීය.

අමාත්‍යවරයා කියා සිටින්නේ ආයුර්වේද කොමසාරිස් ජනරාල් යනුවෙන් තනතුරක් කොහෙවත් නොමැති බවත්, එම නිසා අදාළ පුවත පල කර ඇත්තේ එම පුද්ගලයා පදනම් කරගෙන බැවින් එය අසත්‍ය බවයි.

රාජ්‍ය අමාත්‍යවරයා මේ බව කියා සිටියේ විශේෂ ප්‍රකාශයක් කරමිනි.

ඔහු වැඩිදුරටත් මෙසේද කීය.

“මෙවැනි අසත්‍ය ප්‍රකාශ සමාජගත කිරීම වැරැදියි.

එවැනි කිසිදු තීරණයක් ගෙන නොමැති බව ආයුර්වේද කොමසාරිස්වරයා ප්‍රකාශ කළා.

ඉතාම සාවද්‍ය පුවතක්.

මේක සංචාරක ව්‍යාපාරයටත් බලපානවා. දේශීය වෛද්‍ය ක්ෂේත්‍රය අභිවෘද්ධිය වෙනුවෙන් පියවර ගනිමින් සිටින මොහොතේ මෙවැනි පුවත් පළකිරීම ගැන කනගාටුයි.

මේ අතර මේ සංවාදයට මුල්වූ සෞඛ්‍ය ඇමැති කෙහෙළිය රඹුක්වැල්ල මහතා මෙසේ පැවසීය.

“මෙවැනි අසත්‍ය ප්‍රකාශ විවිධ අවස්ථාවලදි ඉදිරිපත් වෙනවා. මොකක්ද මේ මාධ්‍ය සදාචාරය. මේ ගැන අපි විටින් විට කතා කර තිබෙනවා. නමුත් පවත්නා නීති ප්‍රතිපාදන තුළවත් ඊට අදාළව ක්‍රියාකරලා නැහැ. මෙවැනි අසත්‍ය පුවත් නිසා ජාතික පුවත්පත්වල වටිනාකම පවා අහිමි වෙනවා. මේ ගැන අවධානය යොමු කරන්න. සත්‍යය ප්‍රකාශ කරනවා නම් කිසිම ගැටලුවක් නැහැ. අමු අමුවේ අසත්‍ය ප්‍රකාශ කරනකොට ඒකට ඉඩ දීලා වගකිව යුතු අයත් නිහඬව ඉන්නවා නම් මාධ්‍ය සදාචාරය ගැන කතා කිරීම වැඩක් නැහැ. පුවත්පත් මණ්ඩලයට ගියාම කනගාටුව පළ කරන්නෙ අටවැනි පිටුවේ. ඒකත් ගිනිපෙට්ටියක් තරමට. නියත වශයෙන්ම මේ සම්බන්ධයෙන් යම් ක්‍රියාමර්ගයක් ගත යුතුයි.”

මේ පුවත මුලින්ම පළ කර තිබුණේ අරුණ පුවත්පත මගිනි.

එසේම ජාතික ඖෂධ නියාමන අධිකාරියේ ලියාපදිංචි නොකළ ඖෂධ 28ක්  ඉන්දීය සමාගමක් හරහා ලංකාවට ගෙනඒමට සෞඛ්‍ය ඇමති කෙහෙළිය රඹුක්වැල්ල මහතා උත්සාහ කරන බව මුලින්ම හෙළිකරනු ලැබුවේ එම පුවත්පත විසිනි.

කෙසේවුවද, රඹුක්වැල්ල මහතා කෞෂිකා ෆාර්මසූටිකල් නම් සමාගමක් හරහා මෙම ඖෂධ ගෙනඒමට පසුගියදා ඉන්දියාවට ගොස් තිබූ අතර ඒ සඳහා බර පැන දරා තිබුණේද අදාළ සමාගම විසින් බවට කසුකුසුවක් පැවැතිණි.

සබැඳි පුවත්
පිරිමි සම්බාහනය කිරීම කතුන්ට තහනම් !

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading

පුවත්

ලන්සාට අමුත්තා නිසා ජනපතිගේ රෑ කෑමත් එපා වෙයි

Published

on

By

ජනපති රනිල් වික්‍රමසිංහ මහතා දිනවීමේ ජනාධිපති මැතිවරණ මෙහෙයුම් කමිටුවට බැසිල් රාජපක්ෂ මහතා සහභාගි කර ගැනීම හේතුවෙන් නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම එයට සහභාගි වී නැතැයි වාර්තා වේ.

මේ කමිටුවට බැසිල් පැමිණ ඇත්තේ වජිර අබේවර්ධන මහතාගේ යෝජනාවකට අනුව ජනපති රනිල් වික්‍රමසිංහ මහතා කළ ආරාධක් අනුවය.

නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම මෙම කැඳවීම පිළිබඳව මුල සිටම වි‍රෝධය දක්වා ඇතැයි පැවසේ.

“මේ වැඩවලට රාජපක්ෂල සම්බන්ධ කරගන්න එපා. අපි එතැන ඉඳලා ආවේ ඒගොල්ලොත් එක්ක වැඩ කරන්න බැරි නිසා.” යනුවෙන් ඔවුන් සිය විරෝධය පල කර තිබේ.

කෙසේ වෙතත් මෙම රැස්වීම ඔවුන් නොමැතිව බැසිල්ගේ සහභාගිත්වය ඇතිව පවත්වා ඇති අතර, එහිදී “රනිල් වික්‍රමසිංහ ජනාධිපතිතුමාගේ කැම්පේන් එක කරනව නම් එතැන බැසිල් රාජපක්ෂ මහත්මයා ඉන්න ඕනෑ. එතුමා නැතුව කරන්න බැහැ.” යනුවෙන් වජිර අබේවර්ධන මහතා පවසා ඇතැයි වාර්තා වේ.

පැතිර යන ආරංචි අනුව වජිර අබේවර්ධන වෙතින් එවැන්නක් මතුවන විට ජනපති රනිල් වික්‍රමසිංහ මහතා “එහෙනම් අපි මෙතුමට කමිටුවේ සභාපතිකම දෙමු.” යැයි යොජනා කළ බවද පැවසේ.

කෙසේවෙතත් බැසිල් රාජපක්ෂ එම යෝජනාව උපක්‍රමශීලීව බැහැර කර ඇති අතර ඔහු පවසා ඇත්තේ ඔබතුමා ජනාධිපතිවරණයට එනවා නම් ඒ බව රටට දන්වන දිනය ප්‍රකාශ කරන්නට යැයි කියාය.

මේ අතර, ලන්සා ප්‍රමුඛ පිරිස එදින ජනාධිපතිවරයා පැවැත්වූ රාත්‍රී භෝජන සංග්‍රහයට ද නොපැමිණි බවටද ආරංචි පැතිර තිබේ.

මූලාශ්‍රය – දේශය

Continue Reading

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved