පුවත්
පිළිකා වලට වඩා පිළිලයක් වූ පිළිකා බෙහෙත් කඩ
පිළිකා සඳහා විසඳුම යැයි කියමින් සිලෝන් ග්‍රීන් ආයුර්වේදා සමාගම විසින් ALPHA ELOSTERA ලෙස සමාජ ගත කර ඇති කරල සම්බන්ධයෙන් මේවන විට විශාල කතා බහක් ඇතිව තිබේ.
ඒ අදාළ කරල් වර්ගය විධිමත් සායනික පරීක්ෂණයකින් තොරව සාමාජගත කර ඒ මගින් පිළිකා සුව වන බවට ප්‍රචාරයක් ලබාදීම නිසාය.
පේරාදෙණිය විශ්වවිද්‍යාලයේ පශු වෛද්‍ය පීඨයේ මහාචාර්ය ජයන්ත රාජපක්ෂ මහතා හා මහාචාර්ය අනුර ජයසූරිය මහතා ඇතුළු කණ්ඩායමක් විසින් කරවිල ඇටවලට පිළිකා නැසීමේ ශක්තියක් ඇති බවට සොයාගෙන ඇති බවත්, එම පරීක්ෂණ පදනම්කරගනිමින් මේ කරල් එළිදක්වනු ලැබී යැයි මෙහි නිෂ්පාදකවරුන් කියාසිටී.
කෙසේවුවද, බටහිර විද්‍යාවට අනුව පරීක්ෂණ පවත්වා පිළිකා නැසීමට කරවිල ඇට සතුව ශක්තියක් ඇතැයි හෙළිකර ගැනීමෙන් පසුව මේ ඔසුව දේශීය ආයුර්වේද ඖෂධයක් ලෙස එළිදැක්වීම මේවන විට ප්‍රෙහෙළිකා සහගත වී තිබේ.
කෙසේවුවද මේ කරල් නිෂ්පාදනය සඳහා මහාචාර්ය අනුර ජයසූරිය මහතා කිසිදු අයුරකින් දායක වී නොමැති බවත්, මේ පරීක්ෂණවල වඩාත් ගැඹුරට පරීක්ෂණ සිදුකළ තැනැත්තා ඔහු බවත් අප කළ සොයා බැලීම්වලදී හෙළිවිය.
අදාළ කරල් මුලින්ම නිෂ්පාදනය කර ඇත්තේතේමහාචාර්ය ජයන්ත රාජපක්ෂ මහතා හා වෛද්‍ය විද්‍යාව පිළිබඳ කිසිදු දැනුමක් නොමැති ව්‍යාපාරිකයකු වන දක්ෂිත තිලංග සුමතිපාල නැමැත්තා විසින් බව පැවසේ.
පිළිකා රෝහල ආසන්නයේම පිහිටා ඇති Ceylon Green Cancer Wellness Center නැමැති ආයතනය පවත්වාගෙන යනු ලබන්නේ ද දක්ෂිත නැමැති ව්‍යාපාරිකයා විසිනි.
කෙසේවුවද, මේ කරල් 60ක් රුපියල් 30,000කට අදාළ ස්ථානයේදී අලෙවිකරනු ලබනු ලබන බවද අප කළ සොයා බැලීමේදී හෙළිවිය.
එම ප්‍රමාණය ප්‍රමාණවත් වන්නේ පිළිකා රෝගියකුට මසකට පමණක් බව එම ආයතනය විසින්ම කියා සිටී.
එම ආයතනයේ වෙළඳ සේවිකාවකගෙන් අදාළ ඖෂධය සම්බන්ධයෙන් කළ විමසීමකදී ඇය මෙසේ කියා සිටියාය.
ජයන්ත හා දක්ෂිත දෙන්නා දෙපොලේ
මේ අතර, මේ වන විට දක්ෂිත හා මහාචාර්ය ජයන්ත අතර පැනනැගුණු ව්‍යාපාරික ගැටලු හේතුවෙන් ඔවුන් මේවන විට වෙන්ව වෙන වෙනම ව්‍යාපාර කරගෙන යන බවද අපට හෙළිකර ගැනීමට හැකි විය.
අදාළ ඔසුව දක්ෂිතගේ පිළිකා බෙහෙත් කඩේ රුපියල් 30,000 කට අලෙවි කරද්දී මහාචාර්ය රාජපක්ෂ එම කරල ආහාර අතිරේකයක් (food supplement) ලෙස සටහන්කරමින් රුපියල් 8,000කට එය අලෙවි කරණ බව හෙළිකර ගැනීමට හැකි විය.
අදාළ බෙහෙත් නිෂ්පාදකයින් කරවිල ඇටවලින් ලැබෙන මේද අම්ලය කෙලින්ම ශරීරයට යන බවට මිත්‍යා මතයක් පතුරුවා ඇතත්, මහාචාර්ය අනුර ජයසූරිය මහතා කියා සිටින්නේ එය එසේ සිදු නොවන බවයි.
ශරීරය අභ්‍යන්තරයේදී කුඩාන්ත්‍රය හා වකුගඩුවලදී මෙම මේද අම්ලය වෙනත් සංයෝග බවට පත්වන බව ඔහු සඳහන් කරයි.
මේ සම්බන්ධයෙන් අප මහාචාර්ය ජයන්ත මහතාගෙන්ද විමසීමක් කළ අතර ඔහු මෙසේ කියා සිටියේය.
කෙසේවුද, මහාචාර්ය විසින් පවසන ලද කරුණු අනුව මෙහි පරීක්ෂණ සිදු කිරීම පේරාදෙනිය සරසවිය මුල් කර ගනිමින් සිදුකළේ නම් මෙය ව්‍යාපාරිකයකු විසින් එම සරසවියේ අනුමැතියකින්ද තොරව නිෂ්පාදනය කරනු ලැබුවේ කෙසේද යන්න පිළිබව ප්‍රශ්න මතුව තිබේ.
මේ අතර අප මේ සම්බන්ධයෙන් ජාතික ඖෂධ නියාමන අධිකාරිය (NMRA) ඇතුළු වගකිවයුතු ආයතන කිහිපයක් සම්බන්ධයෙන් අපි කළ විමසීම් හා සොයාගැනීම් ඉදිරියේදී පළ කරන්නෙමු.
අල්ලස දූෂණය පිටුදැකීමේ ශ්‍රී ලංකා රජයේ වැඩපිළිවෙළ ඕස්ට්‍රේලියානු නව රජයේ ඇගැයුමට.
ජනාධිපති අනුර කුමාර දිසානායක මහතා හා ඕස්ට්‍රේලියානු නියෝජ්‍ය අග්‍රාමාත්‍ය සහ ආරක්ෂක අමාත්‍ය රිචර්ඩ් මාල්ස් (Richard Marles) මහතා අතර සාකච්ඡාවක් ජනාධිපති කාර්‍යාලයේදී අද (03) පෙරවරුවේදී පැවැත්විණි.
ශ්‍රී ලංකාව සහ ඕස්ට්‍රේලියාව අතර පවතින ඓතිහාසික සබඳතා තවදුරටත් ශක්තිමත් කර ගනිමින් දෙරට අතර සහයෝගීතාව ඉහළ නංවා ගැනීම පිළිබඳව මෙහිදී අවධානය යොමු කෙරිණි.
ශ්‍රී ලංකාව ආර්ථික වශයෙන් ස්ථාවර ගමනක් ආරම්භ කර ඇති බව සඳහන් කළ ජනාධිපති අනුර කුමාර දිසානායක මහතා දූෂණය හා වංචාව පිටු දැකීමට වත්මන් ආණ්ඩුව ගෙන ඇති ක්‍රියාමාර්ග පිළිබඳව ද රිචර්ඩ් මාල්ස් (Richard Marles) මහතා දැනුම්වත් කළේය.
පසුගිය සමයේ සමුද්‍රීය ආරක්ෂණය, නීති විරෝධී වෙළඳාම, මිනිස් ජාවාරම් , ත්‍රස්තවාදය හා ආයුධ වෙළඳාම වැළැක්වීම සඳහා ඕස්ට්‍රේලියානු රජයෙන් ලබා දුන් සහාය ජනාධිපතිවරයා විසින් මෙහිදී ඇගයීමට ලක් කරන ලදී.
සංචාරක, අයෝජන කටයුතු සඳහා ශ්‍රී ලංකාව ඉතා සුරක්ෂිත රටක් බව ජනාධිපති අනුර කුමාර දිසානායක මහතා මෙහිදී පෙන්වා දුන්නේය.
ශ්‍රී ලංකාව සහ ඕස්ට්‍රේලියාවේ අතර පවතින වසර 70 ක ආර්ථික සහ දේශපාලන සබඳතා පිළිබඳ සිහිපත් කළ ඕස්ට්‍රේලියානු නියෝජ්‍ය අග්‍රාමාත්‍ය සහ ආරක්ෂක අමාත්‍ය රිචර්ඩ් මාල්ස් (Richard Marles) මහතා ශ්‍රී ලංකාවේ රජය සමඟ සමීප සහයෝගයකින් කටයුතු කිරීම සිය රජයේ අපේක්ෂාව බවද සඳහන් කළේය.
අල්ලස දූෂණය පිටුදැකීමේ ශ්‍රී ලංකා රජයේ වැඩපිළිවෙළ ඕස්ට්‍රේලියානු නව රජයේ ප්‍රසංශාවට ලක් කරන බව ද වෙළඳ, ආර්ථික,දේශපාලනික, සංචාරක හා ආයෝජන සබඳතා ශක්තිමත් කිරීම මෙම සංචාරයේ අරමුණ බවද රිචර්ඩ් මාල්ස් (Richard Marles) මහතා මෙහිදී සඳහන් කළේය.
ඕස්ට්‍රේලියානු නියෝජ්‍ය අග්‍රාමාත්‍යවරයා සමඟ ශ්‍රී ලංකාවේ ඕස්ට්‍රේලියානු මහ කොමසාරිස් පෝල් ස්ටීවන්ස් (Paul Stephens), ආරක්ෂක දෙපාර්තමේන්තුවේ ලේකම් ග්‍රෙගරි ලෝරන්ස් මොරියාටි (Gregory Laurence Moriarty), නියෝජ්‍ය අග්‍රාමාත්‍යවරයාගේ ජ්‍යෙෂ්ඨ උපදේශක සයිමන් එරික් ඔ’කොනර් ( Simon Eric O’Connor), ශ්‍රී ලංකාවේ ඕස්ට්‍රේලියානු නියෝජ්‍ය මහ කොමසාරිස් ලලිතා කපූර් (Lalita Kapur) යන මහත්ම මහත්මීහුද ශ්‍රී ලංකා රජය නියෝජනය කරමින් ජනාධිපති ලේකම් ආචාර්ය නන්දික සනත් කුමානායක, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ යන මහත්වරුද මෙම අවස්ථාවට එක්ව සිටියහ.
ජනපති සහ ඕස්ට්‍රේලියානු නියෝජ්‍ය අග්‍රාමාත්‍යවරයා අතර හමුවක්
පොදු ප්‍රවාහනට ළඟදීම මෙට්‍රෝ බස් 100ක්
මේ සතියේ කැබිනට් තීරණ මෙන්න (UPDATE)
-
පුවත්2 days agoකඩුවෙල NSB බැංකු ශාඛාවේ කෝටි 13ක වංචාවේ කත රිමාන්ඩ්
-
පුවත්1 week agoදුමින්ද දිසානායක රිමාන්ඩ් (Update)
-
පුවත්5 days ago“පත්තර මල්ලී” හෙටින් ඉවරයි
-
පුවත්6 days agoNEXTට පසු සේවක බිල්ල වැලිගම MICHELIN?; MICHELIN හි වැඩි කොටස ඉන්දියානු සියැට් ගනියි
-
පුවත්4 days agoආනයනික පළමු පොල් කිරි තොගය හෙට මුදා හැරේ