Connect with us

පුවත්

පුංචිනිලමේගේ නෑයා සල්ලි නොදී නැවක කොටස් යකඩවලට කපාගෙන

Published

on

වරාය අධිකාරියට ගෙවන්න තිබූ රුපියල් මිලියන දහසයක් නොගෙවා ත්‍රිකුණාමල වරායේ ගිලී ගිය නැවක කොටසක් ආශා මරයින් සර්විසස් (Asha Marine Services) නම් සමාගම විසින් යකඩවලට කපාගෙන ගොස් ඇතැයි වාර්තා වේ.

අදාළ නෞකාව සම්පූර්ණයෙන්ම යකඩවලට කපා ගැනීමට එම සමාගම සැලැසුම් කර තිබී ඇතත්, වරාය අධිකාරියේ සභාපති කීර්ත් ඩි. බර්නාඩ් මහතාට ලැබුණු පැමිණිල්ලක් මත  ක්‍රියාත්මකව එම නැව කැපීම පසුගිය ජනවාරි 10 වැනිදා නැවැත්වීම නිසා එය වැළැකී ගොස් තිබේ.

ආර්.එම්.ජී. 200 නැමැති පුද්ගලික සමාගමක් සතු මෙම නෞකාව ත්‍රිකුණාමල වරායේ මඩ්කෝ නැමැති ප්‍රදේශයේ ගිලී ගොස් ඇත්තේ 2000 වසරේදීය.

එම නැව ගිලීගොස් ඇත්තේ වරාය ජැටියට ආසන්නයේ නිසා එය වෙනත් නෞකාවලට වාරය තුළට ඇතුළුවීමට බාධා මතුකර වරායේ දෛනික කටයුතුවලට ද බාධා පැමිණවීම හේතුවෙන් රුපියල් මිලියන 10ක් ගෙවන ලෙස වරාය අධිකාරිය විසින් නැව හිමි සමාගමට දන්වා තිබී ඇත.

මෙම නෞකාවේ යකඩ ටොන් 1200ක් පමණ ඇති බවත්, එහි යකඩ කැපීම අත්හිටුවන විට ද මෙහි යකඩ කපමින් සිටි ආශා මරයින් සර්විසස් (Asha Marine Services) සමාගම යකඩ ටොන් 600ක් පමණ කපාගෙන ගොස් අවසන් බව පැවසේ.

මේ අතර, වරාය සභාපතිවරයාගේ නියෝග මත නෞකාව කැපීම නතරකරන විට ද ලොරික පටවා තිබූ මේ නෞකාවේ යකඩ කොටසක් රුපියල් මිලියන 2.5ක් ලබාදී රැගෙන ගොස් ඇති බවද වාර්තා වේ.

කෙසේවුවද, මේවන විට අදාළ සමාගම ඉතිරි යකඩ කොටස කපාගෙන යාමට නම් වරායට අයවිය යුතු රුපියල් මිලියන 16 වහාම ගෙවන ලෙස වරාය අධිකාරිය දන්වා ඇති බවද වාර්තා වේ.

මෙසේ යකඩ කපාගෙන ගිය සමාගම හිටපු අමාත්‍ය සුසන්ත පුංචි නිලමේ මහතාගේ බිරියගේ නැගනියගේ සැමියාට අයත් සමාගමක් බවද මේවන විට හෙළිව තිබේ.

පුවත්

කළකිරුණු මාන්නප්පෙරුම සජිත්ව දාලා යයි

Published

on

By

සමගි ජන බලවේගයේ ගම්පහ දිස්ත්‍රික් නාමයෝජනා ලැයිස්තුවේ සිය නම ඇතුළත්ව තිබුණත් තමා මෙවර මහ මැතිවරණයට තරග නොකරන බව එම පක්ෂයේ හිටපු පාර්ලිමේන්තු මන්ත්‍රී අජිත් මාන්නප්පෙරුම මහතා පැවසුවේය.

ප්‍රවෘත්ති සාකච්ඡාවක් පවත්වමින් ඔහු පවසා සිටියේ, ගම්පහ දිස්ත්‍රික් සංවිධායක ධුරයෙන් තමා ඉවත් කිරීම හේතුවෙන් මෙම තීරණය ගත් බවය.

එහිදී වැඩිදුරටත් අදහස් දැක්වූ ඔහු කියා සිටියේ,

“මම මෙවර මැතිවරණයේදී සමගි ජන බලවේගයේ ගම්පහ දිස්ත්‍රික්කයේ අපේක්ෂක ලැයිස්තුවේ ඉන්න අපේක්ෂකයෙක්. ඒ වගේම ගම්පහ ආසනයේ අවුරුදු 20ක සිට සංවිධායකවරයා ලෙස කටයුතු කරන්නේ. නමුත් මම මෙවර අපේක්ෂකයෙකු ලෙස සමගි ජන බලවේගයෙන් නාමයෝජනා ඉදිරිපත් කළත්, මම ඡන්දය ඉල්ලීමෙන් වැළකී සිටීමටයි අදහස් කළේ.

මම විශේෂයෙන්ම කියනවා සමගි ජන බලවේගය සමග තවදුරටත් ක්‍රියාකරන්න අකමැති නිසා ඒ ඡන්දය මම වෙනුවෙන් පාවිච්චික කරන්න එපා කියලා මම ඉල්ලනවා. මොකද සජිත් ප්‍රේමදාස අපේ පක්ෂයේ නායකයා ගැන දැඩිලෙස කලකිරිලා කථාකරන්නේ. මට නොමිනේෂන් අත්සන්කරලා පැය 24ක් යනකොට ගම්පහ ආසනයේ මගේ ආසන සංවිධායක ධුරය ක්සත් ජාතික පක්ෂය වෙනුවෙන් රනිල් වික්‍රමසිංහට වැඩකරපු පුද්ගලයෙකුට මට හොරෙන් ලබා දීලා. එය මම දැඩි ලෙස කලකිරීමට හේතු වුණා.

Continue Reading

පුවත්

රාජිතට සහ විදුරට විරෝධයක්

Published

on

By

හිටපු පාර්ලිමේන්තු මන්ත්‍රීවරැන් වන රාජිත සේනාරත්න හා විදුර වික්‍රමනාය​ක යන මහත්වරුන්ට කළුතර දිස්ත‍්‍රික් මැතිවරණ කාර්යාලය අසලදී පුද්ගලයෙකු විසින් දැඩි විරෝධයක් පළ කර තිබේ.

ගෑස් සිලින්ඩරය ලකුණ යටතේ මෙවර නාම යෝජනා ලබාදීමට පොරොන්දු වී අපේක්ෂකත්වය ලබා නොදුන්  පුද්ගලයෙකුගෙන් මෙලෙස විරෝධය එල්ල වී ඇති බව සඳහන්ය.

රාජිත සේනාරත්න හා විදුර වික්‍රමනාය​ක යන අය එකතු වී තමාගේ නම කපා හැරීමට කටයුතු කළ බවට චෝදනා කරමින් ඔහු එහිදී බැන වැදී තිබුණි.

කළුතර දිස්ත්‍රික්කය සඳහා දේශපාලන පක්ෂ ඇතුළු ස්වාධීන කණ්ඩායම් ඊයේ (11) නාම යෝජනා භාර දුන් අතර නව ප්‍රජාතන්ත්‍රවාදී පෙරමුණ යටතේ ගෑස් සිලින්ඩරය ලකුණින් නාම යෝජනා ලයිස්තුව භාර දීම කණ්ඩායම් නායක රාජිත සේනාරත්නගේ ප්‍රධානත්වයෙන් සිදු කෙරුණි.

Continue Reading

පුවත්

DJ එකක් නිසා පුද්ගලයෙකුට දිවි අහිමි වෙයි

Published

on

By

අඟුලාන පොලිස් වසමේ සයුරුපුර මහල් නිවාස සංකීර්ණ ප්‍රජා ශාලාවේ පැවති විවාහ මංගල උත්වයකදී ඊයේ (11) රාත්‍රී කාලයේදී පුද්ගලයින් දෙදෙනෙකු අතර ඇති වූ බහින් බස් වීමක් දුරදිග යාම හේතුවෙන් එක් පුද්ගලයෙකු විසින් අනෙක් පුද්ගලයාට පහරදී තිබේ.

අඟුලාන පොලිසිය සඳහන් කරන්නේ, එම පහරදීමෙන් තුවාල ලබා ලුනාව රෝහලට ඇතුළත් කිරීමේදී එක් පුද්ගලයෙක් මිය ගොස් ඇති බවය.

මරණකරු වයස අවුරුදු 52ක් වූ අඟුලාන ප්‍රදේශයේ පදිංචිකරුවෙකි.

මරණකරු මංගල උත්සවයේ පැවති ඩී.ජේ සංදර්ශනයක් අතරතුර ශබ්ද විකාශන යන්ත්‍රයක ශබ්දය අඩු කරන ලෙස පවසන අවස්ථාවේ ඇති වූ බහින් බස් වීමක් මත මෙම පහරදීම සිදු කර ඇති බවටයි දැනට සිදු කල විමර්ශනයේදී අනාවරණය වී ඇත.

සිද්ධියෙන් පසු සැකකරු පලාගොස් ඇති අතර අඟුලාන පොලිසිය වැඩිදුර විමර්ශන සිදු කරනු ලබයි.

Continue Reading

Trending

Copyright © 2023 Sri Lanka Mirror. All Rights Reserved