Connect with us

පුවත්

පොහොට්ටුවෙන් අප්‍රේල්වල මහ මැතිවරණයක් ඉල්ලන්න යයි

Published

on

ලබන අප්‍රේල් මාසයේ සිංහල දෙමළ අලුත් අවුරුද්දට පෙර මහ මැතිවරණයක් ඉල්ලා ශ්‍රී ලංකා පොදු ජන පෙරමුණෙන් (පොහොට්ටුව) මේ මාසයේදී (ජනවාරි) පාර්ලිමේන්තුවට යෝජනාවක් ඉදිරිපත් කිරීමටත්, එය සම්මතකර ගැනීමටත් සූදානම්වන බවට මාධ්‍ය වාර්තා පැතිර තිබේ.

ජනපති රනිල් වික්‍රමසිංහ මහතා සමඟ සාකච්ඡා කර මේ සඳහා යහපත් ප්‍රතිඵයක් නොලැබුණ හොත් මේ ක්‍රියාමාර්ගය ගැනීමට සූදානම් වන බවද පැවසේ.

දැනට අමාත්‍ය ධූර දරණ හා නොදරණ ප්‍රබලයන් කිහිපදෙනෙකු ජනතා මතය උරගා බැලිය යුතු බවට කරන ලද ඉල්ලීම්වල ප්‍රතිඵළයක් ලෙස මෙය සිදු කිරීමට නියමිත බවද පැවසේ.

අදාළ මතය මත පොදු ජන එක්සත් පෙරමුණ ඉදිරි ජනපතිවරණයේදී තනිව තරඟ කරන්නේද, ජනපති රනිල් වික්‍රමසිංහ මහතාට සහය පල කරන්නේද යන්න තීරණය කිරීමට නියමිත බවද පැවසේ.

මේ අතර, එම පක්ෂයේ මූල්‍යමය තත්ත්වය පිරිහී ඇති බැවින් රාජපක්ෂ කෙනෙකු නොවන ජනාධිපතිවරණයට මුදල් වියදම් කළ හැකි අපේක්ෂකයකු සොයාගත යුතු බවට ද මතයක් නිර්මාණය වී ඇතැයි වාර්තා වේ.

කෙසේවුවද, කුඩු සල්ලිකාරයින්ගේ මුදල් වලින් ජනාධිපතිවරණ කිරීමට සැරසෙන අයකු සිය අපේක්ෂකයා කිරීම ඉදිරියේ රාජපක්ෂ කෙනෙකුට ජනාධිපති ධූරයට පත්වීමට ඇති ඉඩ සම්පූර්ණයෙන් ඇහිරෙනු ඇති බව කියමින්, රාජපක්ෂ පවුලේ ප්‍රබලයෙක් එවැනි අපේක්ෂකයකුට තමා විරුද්ධ බව මේවන විටත් දැනුම් දී ඇතැයි ද වාර්තා වේ.

මැතිවරණයකට යන්නේ ආණ්ඩුව සියයට සියයක්ම සාර්ථක වූ පසුවයි – නලින් 

මේ අතර, එම පක්ෂයේ සාමාජිකයකු වන පාරිභෝගික වෙළෙඳ හා ආහාර සුරක්ෂිත අමාත්‍ය නලීන් ප්‍රනාන්දු මහතා කියා සිටින්නේ මෙය මැතිවරණ වසරක් බව ඇතැමුන් පැවසුවත් ජනාධිපතිවරණයකට හෝ මහ මැතිවරණයකට යන්නේ ආණ්ඩුව සියයට සියයක්ම සාර්ථක වූ පසුව බවයි.

අවාසි සහගත තත්ත්වයක් තුළ ආණ්ඩුව මැතිවරණයකට නොයන බවත් ඔහු කියා සිටී.

ජාඇල දඬුගම පිහිටි ඔහුගේ කාර්යාලයයේ ඊයේ (01) පැවැති මාධ්‍ය හමුවකදී ඇමැතිවරයා මේ බව පැවසූ බව අරුණ පුවත්පත වාර්තා කර තිබේ.එහිදී ඔහු වැඩිදුරටත් මෙසේද පැවසූ බව එහි දැක්වේ.
“අපි අලුත් වැඩපිළිවෙළක්, අලුත් සන්ධානයක් යටතේ තමයි ඉදිරියේ දී මැතිවරණයකට යන්නේ. රටේ ආර්ථිකය ඉදිරියට ගෙන යා හැකි නායකයකු සමග පමණයි කාට වුණත් ඉදිරියේදී මැතිවරණයකට යන්න වෙන්නේ. ජීවිතයට ආණ්ඩුවක් කරලා නැති අය, ආණ්ඩුවක යහපත් වැඩපිළිවෙළකට සහයක් ලබා නොදීපු අය, ආණ්ඩු කරලා පැරදිලා ආපහු එන්න හදන අය මේ සියලුම දෙනා දේශපාලනය තුළ ඉන්නවා. රටේ ජනතාව තේරුම් ගන්න ඕනේ රටේ ඉදිරි වැඩපිළිවෙළක් ගැන තේරෙන කෙනකු නායකයකු බවට පත් කර ගන්න. ටැක්ස් වැඩි කිරීම, බදු අයකිරීම නායකයකුගේ වරදක් කියනවා නම් එය රටේ ජනතාව හරියට තේරුම් නොගත්ත දෙයක්. බදු අයකරනවා කියන්නේ එය තමයි රටේ උන්නතිය උදෙසා ආණ්ඩුවක් යොදවන්නේ. නැත්නම් ඒවා අපගේ පෞද්ගලික දෙයක් නෙමෙයි.
නමුත් රටේ ජනතාවට අයිතියක් තියනවා මෙම බදු ආණ්ඩුව කොහොමද පාවිච්චි කරන්නේ කියලා ප්‍රශ්න කරන්න. එය වැරදියට රටේ අනාගතය වෙනුවෙන් නෙමෙයි නම් වැය කරන්නේ අන්න එතකොට ආණ්ඩුව ගැන ප්‍රශ්න කරන්න ජනතාවට අයිතිය තියනවා. රටේ ජනතාවගේ සල්ලි දේශපාලන වාසි ගන්න හෝ ඉදිරි මැතිවරණයක් පාවිච්චි කරන්න බලාපොරොත්තු වෙනවා නම් ආණ්ඩුවට විරුද්ධ වෙන්න ජනතාවට පුළුවන්. එහෙම නැතිව රටේ බදු ගහන එක වැරදියි කියලා ජනතාව අතර මතයක් හදනවා නම් එය රටට කරන දෝහිකමක්.”

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved