ආණ්ඩුවේ මන්ත්රීවරුන් විශාල සංඛ්යාවක් සහය ලබා දීම තුළ මැතිවරණ ජයග්රහණය ස්ථිර නම් , ජනාධිපතිවරයා මැතිවරණය පැවැත්වීමට විවිධ බාධා එල්ල කරමින් සිටින්නේ මන්දැයි මහාචාර්ය ජී.එල් පීරිස් මහතා ප්රශ්න කර සිටී.
කොළඹ පැවති ප්රවෘත්ති සාකච්ඡාවකට අද (01) පෙරවරුවේ එක්වෙමින් ඒ මහතා සදහන් කළේ මීට දින කිහිපයකට පෙර පොදුජන පෙරමුණේ මන්ත්රීවරුන් අනූ දෙකක් ජනාධිපතිවරයාට සහාය දෙන බවට ජනාධිපති මාධ්ය අංශය නිවේදනයක් නිකුත් කළත්, ආරංචි මාර්ග වල කියවුනේ එම හමුව ආණ්ඩු පක්ෂ මන්ත්රී කණ්ඩායම් රැස්වීමක් ලෙස කැඳවා ඇති බවය.
එසේම ඇතැම් මන්ත්රීවරුන් රැස්වීම අතරතුර නැගිට පිටවී ගිය බවත් වාර්තා වෙන බව ඔහු සඳහන් කලේය.
එම නිසා එම සමස්ත පිරිස ජනාධිපතිවරයාට සහාය දෙන බවට තහවුරු කිරීමට නොහැකි බවයි මන්ත්රීවරයා පවසයි.
මන්ත්රීවරුන් මාරු වුවද එම මංත්රී සංඛ්යාව ජනාධිපතිවරණයේ ප්රතිඵල සඳහා බලනොපාන බවත්,මන්ත්රීවරුන්ගේ ක්රියා කලාපය සහ ඔවුන් ජනතාව සමග කටයුතු කරන ආකාරය මත ජනතාව තීන්දු ගන්නා බවත් ඔහු මෙහිදී පැවසීය.
හිටපු ජනපති මහින්ද රාජපක්ෂ යනු පොහොට්ටුවේ සංකේතය නිසා පාක්ෂිකයන් තුළ ඔහුට විශාල ගෞරවයක් තවම පවතින බව මහාචාර්ය ජී.එල් පීරිස් මහතා සඳහන් කළ අතර මහින්ද රාජපක්ෂ හිටපු ජනාධිපතිතුමාගේ තීරණය අනුව පොහොට්ටුවේ බිම් මට්ටමේ පාක්ෂිකයාගේ තීරණයට විශාල බලපෑමක් සිදුවණු ඇති බව මහාචාර්ය ජී.එල් පීරිස් මහතා විසින් අවධාරණය කරන ලදී.
