ශ්රී ලංකා පොදු ජන පෙරමුණ (පොහොට්ටුව) ජනාධිපති අපේක්ෂකයකු පත්කරන බවට කියමින් සිට අවසන් මෙහොතේ රනිල් වික්රමසිංහ මහතාට සහය දීම සඳහා කටයුතු කරනු ඇති බව සමගි ජන බලවේගයේ දැඩි විශ්වාසය වී පවතින බව එහි අභ්යන්තර ආරංචි මාර්ගවලින් වාර්තා වේ.
මේ සම්බන්ධයෙන් ශ්රී ලංකා මිරර් සජබ ජ්යෙෂ්ඨයකුගෙන් කළ විමසීමකදී ඔහු කියා සිටියේ, “පොහොට්ටුව හයිප් කර පයිපේ රනිල් පැත්තට අරිනවා…ඒක තමයි ගේම් ප්ලෑන් එක, නැත්නම් ඒ පැත්තට යන මන්ත්රීලා ඊළග මහ මැතිවරණයේදී ඡන්දය ඉල්ලන්නේ මොන පක්ෂයේන්ද? ” යනුවෙන් ප්රශ්න කළේය.
මේ අතර, ද ලීඩර් වාර්තා කර ඇත්තේ පොහොට්ටු ජනපති අපේක්ෂකත්වයට ව්යවසායක ධම්මික පෙරේරා මහතා පත් කිරීමට තීරණය කර ඇතැයි එම
පක්ෂයේ නෙලුම් මාවත මුලස්ථාන ආරංචිමාර්ග පවසන බවයි.
එය ලබන අගොස්තු 07 වැනිදා ප්රකාශ කරන බවද පැවසේ.
පක්ෂ නායකත්වය විසින් එම තීරණය ගෙන ඇති බවත්, එම තීරණය ධම්මික පෙරේරා වෙත දැනුම්දීමෙන් පසු ඔහු ඊට එකඟතාවය පලකල බවත් එම ආරංචිමාර්ග වැඩිදුරටත් කියා සිටියි.
ශ්රී ලංකා පොදු ජන පෙරමුණෙන් ඉදිරිපත් කරන ජනාධිපති අපේක්ෂකයා ලබන සතියේ ප්රකාශයට පත් කරන බව එහි ලේකම් සාගර කාරියවසම් මන්ත්රීවරයා පවසයි.
ඔහු මේ බව මේ බව සඳහන් කර ඇත්තේ, ශ්රී ලංකා පොදු ජන පෙරමුණෙන් ඉදිරිපත් කරන ජනාධිපති අපේක්ෂකයා පිළිබඳව ‘අනිද්දා’ පුවත්පත කළ විමසීමක දීය.
රනිල් වික්රමසිංහ ජනාධිපතිවරයා ස්වාධීන අපේක්ෂකයෙකු ලෙස ඉදිරි ජනාධිපතිවරණය සඳහා ඉදිරිපත් වීමට ඇප මුදල් තැන්පත් කොට ඇති නිසා ඔහුට ශ්රී ලංකා පොදු ජන පෙරමුණේ ජනාධිපති අපේක්ෂකයා වීමට කිසිදු අවස්ථාවක් නොමැති බව ද මන්ත්රීවරයා සඳහන් කර ඇත.
තම පක්ෂයේ මන්ත්රීවරුන් සහ ඇමතිවරුන් ඉදිරි ජනාධිපතිවරණයේ දී රනිල් වික්රමසිංහ ජනාධිපතිවරයාට සහය ලබා දෙන බවට කරන ප්රකාශ නොසලකන බවත් පක්ෂය විශ්වාසය තබන්නේ මහජන නියෝජිතයන්ගේ ප්රකාශ ගැන නොව පක්ෂයත් සමග සිටින පාක්ෂිකයන් ගැන බවත් මන්ත්රීවරයා වැඩිදුරටත් කියා සිටියි.
