Connect with us

පුවත්

“පොහොට්ටු අපේක්ෂකයා දිනවන්න සති 6කින් පුළුවන්”

Published

on

ශ්‍රී ලංකා පොදු ජන පෙරමුණෙන් ජනාධිපති අපේක්ෂකයා නම් කිරීම මේ මස අවසානයේදී සිදු කරන බව එම පෙරමුණේ ජාතික සංවිධායක නාමල් රාජපක්ෂ මහතා පවසයි.

ජනාධිපති අපේක්ෂකයෙකු නම් කර සති 4ත් 6ත් අතර කාලයකදී ඔහුව ජයග්‍රහණය කරවීමට තරම් ශ්‍රී ලංකා පොදු ජන පෙරමුණේ යාන්ත්‍රණය ශක්තිමත් බව නාමල් රාජපක්ෂ මහතා ප්‍රකාශ කර සිටී.

ඔහු මේ බව ප්‍රකාශ කළේ, ජනාධිපතිවරණයට පොහොට්ටුවේ අපේක්ෂකයෙකු නම් කිරීමට ප්‍රමාද ඇයි ද? යන්න පිළිබඳව මාධ්‍ය කළ විමසීමකදී ය.

මෙහිදී නාමල් රාජපක්ෂ මහතා පැවසුවේ, කලබලයෙන් ජනාධිපති අපේක්ෂකයෙකු නම් නොකරන බව ය.

ශ්‍රී ලංකා පොදු ජන පෙරමුණේ ප්‍රතිපත්තිවලට එකඟ වන එසේ ම ජනාධිපතිවරණයෙන් ජය ගත හැකි අපේක්ෂකයෙකු මේ මස අවසානයේදී නම් කරන බව ඔහු පැවසීය.

ශ්‍රී ලංකා පොදු ජන පෙරමුණේ යාන්ත්‍රණය තම අපේක්ෂකයා ජයග්‍රහණය කරවීමට තරම් ශක්තිමත් බවට විශ්වාසය පළ කළ නාමල් රාජපක්ෂ මහතා දැනටමත් තමා ජාතික සංවිධායක ලෙස එන අපේක්ෂකයා ජයග්‍රහණය කරවීමට බිම් මට්ටමින් සංවිධාන කටයුතු සාර්ථක ලෙස කර ගෙන යන බව වැඩිදුරටත් පැවසීය.

පුවත්

UNPය හා එකතුවීමට SJB කෘත්‍යාධිකාරියේ අනුමැතිය

Published

on

By

එක්සත් ජාතික පක්ෂය සමග එක්ව කටයුතු කිරීම සඳහා සාකච්ඡා කිරීමේ  යෝජනාවට සමගි ජන බලවේගය කෘත්‍යාධිකාරී මණ්ඩලයේ අනුමැතිය හිමිව ඇත.

ඒ අනුව මෙම සාකච්ඡා සඳහා සමගි ජන බලවේගය මහලේකම් රංජිත් මද්දුම බණ්ඩාර මහතාගේ ප්‍රධානත්වයෙන් යුත් 5 දෙනෙකුගෙන් යුත් කමිටුවක් පත් කර තිබේ.

Continue Reading

පුවත්

‘ලංකාවේ ස්වාධීනත්වය, භෞමික අඛණ්ඩතාව හා ස්වෛරීත්වය වෙනුවෙන් චීනය කැපවී සිටිනවා’

Published

on

By

ශ්‍රී ලංකාවේ ස්වාධීනත්වය, භෞමික අඛණ්ඩතාව සහ ස්වෛරීභාවය වෙනුවෙන් චීනය කැපවී සිටින බව චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී (Zhao Leji) මහතා පැවසීය.

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා සහ චීන ජාතික මහජන කොංග්‍රසයේ ස්ථාවර කමිටුවේ සභාපති ජාඕ ලජී මහතා අතර හමුව අද (16) පෙරවරුවේ සිදු කෙරුණු අතර එහිදී ඔහු මේ බව ප්‍රකාශ කළේය.

මෙහිදී  සභාපතිවරයා විසින් ජනාධිපති අනුර කුමාර දිසානායක මහතාව ඉතා මිත්‍රශීලිව පිළිගනු ලැබීය.

වැඩිදුරටත් අදහස් දැක්වූ ජාඕ ලජී මහතා සඳහන් කළේ ශ්‍රී ලංකාව සමඟ අඛණ්ඩ සහයෝගයෙන් කටයුතු කිරීම චීන ජාතික කොංග්‍රසයේ අපේක්ෂාව බවයි.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහන, මහා මාර්ග, වරාය හා සිවිල් ගුවන් සේවා අමාත්‍ය බිමල් රත්නායක, ශ්‍රී ලංකාවේ චීන තානාපති චී ජන්හොං, චීනයේ ශ්‍රී ලංකා තානාපති මජින්ත ජයසිංහ යන මහත්වරුද මෙම අවස්ථාවට සහභාගි වූහ.

(ජනාධිපති මාධ්‍ය අංශය)

Continue Reading

පුවත්

ජනපති සුප්‍රකට චීන සමාගම් සමඟ විශේෂ සාකච්ඡා (ඡායා)

Published

on

By

චීනයේ සිව් දින රාජ්‍ය සංචාරයක නිරත ජනාධිපති අනුර කුමාර දිසානායක මහතා  රාජ්‍ය හා පෞද්ගලික සමාගම් එක්ව සංවිධානය කර තිබූ  ආයෝජන සැසියට එක්වීමෙන් අනතුරුව චීනයේ ප්‍රමුඛ පෙළේ ආයෝජන සමාගම් කිහිපයක් සමඟ විශේෂ සාකච්ඡා වාර කිහිපයක් ද පැවැත්විය.

ඒ අනුව, චයිනා සන්නිවේදන ඉදිකිරීම් සමාගම සීමාසහිත  (China Communications Construction Company Ltd), චයිනා පෙට්රොකෙමිකල් සංස්ථාව (China Petrochemical Corporation -SINOPEC Group), සීමාසහිත මෙටලර්ජිකල් කෝපරේෂන් ඔෆ් චයිනා සමාගම  (Metallurgical Corporation of China Ltd),  හුවාවි (Huawei), බී.වයි.ඩී (BYD Auto) යන චීනයේ ප්‍රමුඛ සමාගම් සමඟ  විශේෂ සාකච්ඡා සිදු කරන ලදී.

ශ්‍රී ලංකාවේ පවතින ආයෝජන අවස්ථා පිළිබඳ චීන ප්‍රමුඛ පෙළේ ආයෝජන සමාගම් දැනුම්වත්  කළ ජනාධිපතිවරයා  රජයක් ලෙස ආයෝජකයින්ට  සියලු පහසුකම් ලබා දීමට කටයුතු කරන බවද  සඳහන් කළේය.

විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ප්‍රවාහනය , මහා මාර්ග, වරාය සහ සිවිල් ගුවන් සේවා අමාත්‍ය බිමල් රත්නායක යන මහත්වරු ද මෙම අවස්ථාවට එක්ව සිටියහ.

(ජනාධිපති මාධ්‍ය අංශය)

යූ ලිං මහත්මිය – BYD සමාගමේ අධ්‍යක්ෂිකා
වං ටොංජෝ මහතා – චයිනා සන්නිවේදන ඉදිකිරීම් සමාගමේ (CCCC) සභාපති
ෂ දායි මහත්මිය – චයිනා මර්චන්ට් සමූහය (CMG)
මා යොංෂන් මහතා – සයිනොපෙක් සභාපති
ජෙෆ් වාං – හුවාවේ ටෙක්නොලොජීස් සමාගමේ ජ්‍යෙෂ්ඨ උප සභාපති

Continue Reading
Advertisement

Trending

Copyright © 2023 Sri Lanka Mirror. All Rights Reserved