ශ්‍රී ලංකා පොදුජන පෙරමුණේ මීළඟ ජනාධිපති අපේක්ෂකයා පාර්ලිමේන්තු මන්ත්‍රී ප්‍රකට ව්‍යාපාරික ධම්මික පෙරේරා මහතා බවට සමාජ මාධ්‍ය තුළ වාර්තා  පැතිර තිබේ.

කෙසේවුවද, මේ වාර්තා පැතිර යන්නේ ජනාධිපතිවරයා රටින් පිටව සිටියදීවීම විශේෂ සිද්ධියකි.

මේවන විට ඇමරිකාවට ගොස් සිටින ජනපතිවරයා නැවත ලංකාවට පැමිණෙන්නේ ලබන 21 වැනිදා බවට මාධ්‍ය වාර්තා පැතිර තිබේ.

එසේම, ශ්‍රී ලංකා පොදු ජන පෙරමුණ මේවන විට සිය ප්‍රචාරණ කටයුතු ද යළි ආරම්භ කර ඇති අතර, ඒ අනුව එම පක්ෂයේ ‌ප්‍රචාරක දැන්වීමක් රූපවාහිනී හා සමාජ මාධ්‍ය තුළ ප්‍රචාරණය කිරීම මේවන විට ආරම්භ කර ඇත.

ධම්මිකගේ නම ‌මෙසේ යෝජනාවීමට හේතුවී ඇත්‌තේ ‌මේවන විට දරුණු ලෙස පොහොට්ටුව විවේචනය කරනු ලබන දේශපාලන පක්ෂයට පසුගිය කාලයේදී මූල්‍ය පහසුකම් සැපයීමට ද ධම්මික පෙරේරා කටයුතු කර තිබීම නිසා බවට ද රාවයක් පැතිර තිබේ.

පෙරේරා මහතා ලංකාවේ ප්‍රධාන කැසිනෝ ව්‍යාපාරිකයකු ලෙස ද සැලැකේ.

ධම්මික පිම්බීම ජනපති අපේක්ෂක ගෝලයකුගේ බිරිඳකට

මේ දැන්වීමේ බර පැන දරණු ලබන්නේ ද ප්‍රකට ව්‍යාපාරික ධම්මික විසින් බවට ද මේවන විට රාවයක් පවතී.

ඒ අතර, ධම්මික පෙරේරා මහතාගේ පුද්ගල ප්‍රවර්ධන මාධ්‍ය කටයුතු බාරගෙන ඇත්තේ ඉදිරි ජනපතිවරණයේදී අපේක්ෂකයකු ලෙස ඉදිරිපත්වීමට සූදානමින් සිටින තවත් ව්‍යාපාරිකයකුගේ ප්‍රධානම ගෝලයකුගේ බිරියක් විසින් බවද පැවසේ.

මොවුන් පසුගිය ජනපතිවරණයේදී ගෝඨාභය රාජපක්ෂ මහතා දිනවීම සහාද විශාල දායකත්වයක් දැක්වූ අයෙකි.

ඇය වත්මන් ජනපතිගේ සහෝදරයකුගේ මාධ්‍ය ආයතනයක ප්‍රධාන චරිතයක් බවද වාර්තා වේ.

දේශපාලන අනාතයෙක්

ධම්මික පෙරේරා දේශපාලනයට රැගෙන ආවේ ව්‍යාපාරික දිලිත් ජයවීර මහතා විසින් වන අතර ධම්මිකව දේශපාලනයට රැගෙනඒමේදී මුලින් ඔහුට මුදල් ඇමතිකම ලබාදෙන්නටත්, පසුව අගමැති කමට යෝජනාකිරීමටත් ඉන්පසුව ඔහුව ජනාධිපති අපේක්ෂකයකු කිරීමටත් පොරොන්දුවී ඇති බවද පැවසේ.

කෙසේවුවද, දිලිත් ධම්මිකට ජාතික ලයිස්තු මන්ත්‍රී ධූරයක් මෙන්ම ආයෝජන ප්‍රවර්ධන අමාත්‍යවරයා ලෙස පත්වීමක් ලබා ගැනීමට ද සහය දුන් බව මේවන විට ප්‍රසිද්ධ රහසකි.

ඉන් පසුව ඔහු මේවන විට ජනාධිපති අපෙක්ෂකයකු ලෙස ඉදිරිපත්වීමේ සිහින දකිමින් කටයුතු කිරීමත් සමඟ ධම්මික ‌දේශපාලන අනාතයකු බවට පත්විය.

බැසිල් – රනිල් සාකච්ඡාවක;  කලින් එන්නේ මහ මැතිවරණය

මේ අතර, පසුගියදා ජනාධිපති රනිල් වික්‍රමසිංහ මහතා සහ පොහොට්ටුවේ නිර්මාතෘ බැසිල් රාජපක්ෂ මහතා අතර විශේෂ සාකච්ඡාවක් පවත්වා ඇති අතර එහිදී ඉදිරි මැතිවරණ සම්බන්ධව තීරණාත්මක කතාබහක් ඇතිවී ඇතැයි මාධ්‍ය වාර්තා පැතිර තිබේ.

මෙම සාකච්ඡාවේදී කලින් මහ මැතිවරණය තැබීම ගැනද අදහස් ඉදිරිපත්ව ඇතැයි කියැවේ.

කල්තබා මහ මැතිවරණය පැවැත්වුවහොත් ලැබෙන ප්‍රතිඵලය කුමක් විය හැකිද යන්න ගැන දිස්ත්‍රික් මට්ටමින් කරන ලද සමීක්ෂණයක සංඛ්‍යා දත්ත ඇසුරින් බැසිල් රාජපක්ෂ මහතා ජනාධිපතිවරයාට දීර්ඝ ලෙස කරුණු දක්වා ඇතැයි දැනගන්නට තිබේ.

මෙහිදී වැඩිදුරටත් තත්ත්වය පැහැදිලි කර ඇති බැසිල් රාජපක්ෂ මහතා සන්ධාන ගත වී මහ මැතිවරණයට මුහුණ දුනහොත් ලැබෙන ප්‍රතිඵලයත් තනි පක්ෂ ලෙස මහ මැතිවරණයට මුහුණ දුනහොත් දිස්ත්‍රික් මට්ටමින් ලැබෙන ප්‍රතිඵලය සහ ඒ ඒ පක්ෂ ලබන මන්ත්‍රීන් ගණන ගැන සවිස්තරව කරුණු සඳහන් කර ඇති බව වාර්තා වේ.

මෙම සාකච්ඡාවේදී කලින් පවත්වන්නේ මහ මැතිවරණයද ජනාධිපතිවරණයද යන්න ගැන අවසන් තීරණයක් ගෙන නොමැති නමුත් මුලින් වඩාත් වාසිදායක මැතිවරණය තැබීමට තීන්දුවක් ගෙන ඇතැයි කියැවේ.

ඒ අනුව ලබන මාර්තු මාසය වනවිට මේ ප්‍රධාන මැතිවරණ දෙකෙන් එකක් කැඳවීමට නියමිත බව තහවුරු නොකළ ආරංචි මාර්ග කියයි.

සබැඳි පුවත්

ඩයලොග් TV එකේ ගිය මුස්පේන්තු ඇඩ්එක

තවමත් ඩොලර් සෙවීමට වැඩපිළිවෙලක් නැහැ – ධම්මික පෙරේරා

ලොකුම බිස්නස් කාරයා ඇතුළු බිස්නස්කාරයෝ 32ක් පාර්ලිමේන්තුවේ