Connect with us

පුවත්

පොහොර නොදුන් නිසා සජබ අපේක්ෂක කෘෂි නිලධාරිනිය ඇනලා මරලා

Published

on

පොහොර නොදුන් සිද්ධියක් සම්බන්ධයෙන් ඇති වූ ආරවුලක් දුරදිගයාමෙන් තංගල්ල නෙටොල්පිටිය ගොවිජන සේවා මධ්‍යස්ථානයේ කෘෂිකර්ම පර්‌යේෂණ නිලධාරිනියක ඊයේ (27) ‍තියුණු ආයුධයකින් පහර දී ඝාතනය කර ඇතැයි තංගල්ල මූලස්ථාන පොලිසිය පවසයි.

තංගල්ල නෙටොල්පිටිය වැලිආරේ පදිංචි තිස්හැවිරිදි ආර්.එම්. දීපශිකා නම් තරුණියක මෙලෙස මියගොස් ඇත.

මේ දිනවලදී ගොවිජන සේවා මධ්‍යස්ථානයන්හිදී නොමිලයේ ගොවීන්ට පොහොර ලබා දෙන අතර නෙටොල්පිටියේ පිහිටි තංගල්ල ගොවිජන සේවා මධ්‍යස්ථානයේදී ද මෙලෙස පොහොර බෙදා දී ඇත. ‍

මෙලෙස පෙරේදා (26) දිනයේදී ගොවීන්ට පොහොර බෙදාදීමේදී පුද්ගලයකු පොහොර ඉල්ලා නිලධාරිනිය සමග බහින්බස් වී ඇත. 

ඔහු ඇයට බැණවැදී එතැනින් පිටව ගොස් තිබිණි.

කෙසේ වුවද ඇය ඊයේ (27) පෙරවරුවේ රැකියාව සඳහා නිවෙසින් පිටත්ව යන අවස්ථාවේදී නිවෙස ආසන්නයේ මග රැක සිටි එම පුද්ගලයා ඇයට තියුණු ආයුධයකින් පහර දී ඇත. 

බරපතළ තුවාල ලැබූ කාන්තාව තංගල්ල මූලික රෝහලට රැගෙන යන අවස්ථාවේදී ජීවිතක්ෂයට පත්ව ඇතැයි කියයි.‍

ඝාතනය සම්බන්ධයෙන් ජයවර්ධන පතිරණගේ සරත් නොහොත් ‘ඩැනිබේබි’ නම් නෙටොල්පිටියේ පදිංචි 41 හැවිරිදි පුද්ගලයකු සැකපිට තංගල්ල මූලස්ථාන පොලිසියෙන් අත්අඩංගුවට ගෙන ඇත. 

සැකකරු සමගි ජනබලවේගයෙන් මෙවර පළාත් පාලන මැතිවරණයට ඉදිරිපත් වීමට නියමිත බව කියයි.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved