දඹුල්ල – කුරුණෑගල ප්‍රධාන මාර්ගයේ තෝරයාය ප්‍රදේශයේදී පෞද්ගලික බස් රථ දෙකක් ගැටී සිදුවු අනතුරින් දැඩි සත්කාර ඒකකයේ ප්‍රතිකාර ලබන රෝගීන් සංඛ්‍යාව තවත් ඉහළ ගොස් තිබේ.
කුරුණෑගල රෝහලේ අධ්‍යක්ෂවරිය සඳහන් කළේ, මේ වනවිට දැඩි සත්කාර ඒකකයේ රෝගීන් පස් දෙනෙකු ප්‍රතිකාර ලබමින් සිටින බවය.
මේ අතර අනතුර සම්බන්ධයෙන් අත්අඩංගුවට ගත් බස් රථ රියදුරු ඊයේ දින කුරුණෑගල මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව මේ මස 20 වන දා දක්වා රක්ෂිත බන්ධනාගාරගත කර තිබේ.
(පෙර පුවත 2025 පෙබරවාරි 10 ප.ව 02:58)
කුරුණෑගල බස් අනතුර සම්බන්ධයෙන් රියැදුරෙකු අත්අඩංගුවට ( Update )
කුරුණෑගල, තෝරයායේ සිදුවූ බස් අනතුර සම්බන්ධයෙන් එක් බස් රථයක රියැදුරෙකු අත්අඩංගුවට ගෙන තිබේ.
පොලීසිය සඳහන් කළේ, පළා යමින් සිටියදී ඔහු අත්අඩංගුවට ගත් බවයි.
මාදුරුඔය සිට කොළඹ දක්වා සහ කඳුරුවෙල සිට කුරුණෑගල දක්වා ධාවනය වූ බස් රථ දෙකක් ගැටීමෙන් අද උදෑසන අනතුර සිදුවිය.
ඉන් පුද්ගලයින් හතර දෙනෙකු මියගොස් 20 දෙනෙකු තුවාල ලැබුවේ ය.
කුරුණෑගල රෝහල් ප්‍රකාශකයෙකු සඳහන් කළේ, ඉන් හතර දෙනෙකුගේ තත්ත්වය බරපතල බවයි.
කඳුරුවෙල සිට කුරුණෑගල දක්වා ධාවනය කළ බස් රථය, තෝරයායේ නතර කර තිබියදී මාදුරුඔය සිට කොළඹ බලා ධාවනය වූ බස් රථය එහි පිටුපස ගැටීමෙන් අනතුර සිදුව තිබුණි.
මියගොස් ඇත්තේ, පිරිමි පුද්ගලයින් තුන්දෙනෙකු සහ කාන්තාවකි.
(පෙර පුවත 2025 පෙබරවාරි 10 පෙ.ව 10:14)
බස් රථ අනතුරකින් 04ක් මරුට – 28කට තුවාල(video)
කුරුණෑගල – දඹුල්ල ප්‍රධාන මාර්ගයේ තෝරයාය ප්‍රදේශයේ දි අද (10) උදෑසන සිදුවූ බස් රථ අනතුරකින් පුද්ගලයින් 4 දෙනෙක් මියගියහ.
අනතුරෙන් තුවාල ලැබූ 28 දෙනෙකු රෝහල්ගතව ප්‍රතිකාර ලබයි.
මාදුරුඔය සිට කොළඹ බලා ධාවනය වූ පෞද්ගලික බස් රථයක් හා කුරුණෑගල දක්වා ධාවනය වෙමින් තිබූ තවත් පෞද්ගලික බස් රථයක් ගැටීමෙන් මෙම අනතුර සිදුව තිබේ.
මැල්සිරිපුර සිට ධාවනය වූ බස් රථය තෝරයාය බස් නැවතුමේ නතරකර තිබියදී ඊට පිටුපසින් පැමිණි අනෙක් බස් රථය මෙම බස් රථයේ ගැටී ඇති බව පොලීසිය පවසයි.
අනතුර සිදුවනවාත් සමග එක් බස් රථයක් මාර්ගයෙන් ඉවතට විසිවී අඹ ගසක වැදී තිබේ.
බස් රථ දෙකටම හානි සිදුව ඇති බව වාර්තා වේ.
තුවාල ලැබූ 28 දෙනෙකු රෝහල් ගතකර ඇති අතර ඔවුන්ගෙන් 4 දෙනෙකුගේ තත්ත්වය බරපතල බව රෝහල් වාර්තා සඳහන් කරයි.
අනතුර සම්බන්ධයෙන් පොලීසිය වැඩිදුර විමර්ශන සිදු කරයි.
කුරුණෑගල, තෝරයාය ප්‍රදේශයේදී මගී ප්‍රවාහන බස් රථ දෙකක් ගැටීමෙන් අද(10) උදෑසන සිදු වූ අනතුරකින් පුද්ගලයින් සිව්දෙනෙකු ජීවිතක්ෂයට පත්ව තවත් 20 කට අදික පිරිසක් තුවාල ලබා රෝහල් ගත කෙරුනා.
කඳුරුවෙල සිට කොළඹ බලා ධාවන වූ මගී ප්‍රවාහන බස් රථයක් තෝරයාය ප්‍රදේශයේදී නවතා තිබියදී මාඳුරුඔය සිට කොළඹ දෙසට ධාවන වූ තවත් මගී ප්‍රවාහන බස් රථයක් ගැටීමෙන් මෙම අනතුර සිදුව තිබුනා.
මියගිය අය අතර පිරිමි පුද්ගලයන් තිදෙනෙකු සහ කන්තාවක් වනවා.
විශේෂ ස්තුතිය – Ashinsana Ranga, Bim sara, Shan Wish, Prebath Rajapaksha, Sagara Akalanka, Akalanka Samuditha, Indunil Bandara, Vidu Ranga, Chamara Maduranga, Ashan Bandara, ශනු අබේරත්න, Sanjeewa Rathnayaka, Roshana Saman, sameera Sandaruwan, Malindu dhananjaya, Kasurika Omesh Kirinde Arachchi, ගීත් උදාර
#Accident1st
Posted by Accident 1st on Sunday, February 9, 2025
පුවත්1 week ago
පුවත්2 days ago
පුවත්2 days ago
පුවත්3 days ago
පුවත්1 week ago