පුවත්
බැසිල්ගේ කොන්දේසි අරන් මධුර ජනපති ළඟට යයි!
2022 මාර්තු 31 වැනිදා සිට රට තුළ වූ ප්‍රචණ්ඩ ක්‍රියා පිළිබඳ ජනාධිපති විමර්ශන කමිටුවේ වාර්තාව පාර්ලිමේන්තුවේ සභා ගත කරන ලෙස ආණ්ඩුවේ හා විපක්ෂයේ මන්ත්‍රීවරුන් බහුතරයක් ජනාධිපති රනිල් වික්‍රමසිංහ ගෙන් ඉල්ලීමක් කර ඇතැයි වාර්තා වේ.
115 දෙනෙකු ගේ අත්සනින් යුතු එම ඉල්ලීම ඇතුලත් ලිපිය පෙරේදා (21) දිනයේ ජනාධිපතිවරයා වෙත බාර දී ඇත්තේ පොහොට්ටු පක්ෂයේ පාර්ලිමේන්තු මන්ත්රී මධුර විතානගේ මහතා විසිනි.
පසුගිය මාර්තු 31 වැනිදා සිට රට පුරා සිදු වූ ප්‍රචණ්ඩ ක්‍රියා විමර්ශනය සඳහා හිටපු ජනාධිපති ගෝඨාභය රාජපක්ෂ මහතා විසින් ජනාධිපති විමර්ශන කොමිසමක් පත් කරන ලදී.
නාවික හමුදාපති අද්මිරාල් ඔෆ් ෆ්ලීට් වසන්ත කරන්නාගොඩ මහතා ගේ සභාපතිත්වයෙන් යුතුව හිටපු ගුවන් හමුදාපති රොෂාන් ගුණතිලක, හිටපු යුද හමුදාපති දයා රත්නායක යන මහත්වරුන් මේ කමිටුවට ඇතුළත් ව සිටි අතර එම ත්‍රිපුද්ගල කමිටුව සිදුකළ විමර්ශන වාර්තාව මේ වන විට ජනාධිපති රනිල් වික්‍රමසිංහ මහතා වෙත බාරදී තිබේ.
එම ප්‍රහාරයන් සම්බන්ධයෙන් යුද සහ පොලිස් හමුදා යම් වැරදි කර ඇත්දැයි සෙවීමට ආරක්ෂක අමාත්‍යවරයා ලෙස හිටපු ජනාධිපති ගෝඨාභය රාජපක්ෂ විසින් අද්මිරාල් ඔෆ් ෆ්ලීට් වසන්ත කරන්නාගොඩ ගේ සභාපතිත්වයෙන් යුත් හිටපු ත්‍රිවිධ හමුදාපතිවරුන් තිදෙනෙකුගෙන් සමන්විත ‘විමර්ශන මණ්ඩලයක්’ පත් කරන ලදී.
එම පරීක්ෂණ වාර්තාව මෙවන විට ජනාධිපති රනිල් වික්‍රමසිංහ මහතා වෙත බාරදී අවසන්ය.
මන්ත්‍රීවරුන් ජනාධිපතිවරයා වෙත යොමුකළ ලිපියේ එම ප්‍රචණ්ඩ ක්‍රියාවලට සම්බන්ධ සියලු දෙනාටම තරාතිරම නොබලා රටේ නීති අනුව දඬුවම් දෙන ලෙස ඉල්ලා තිබේ.
එහි වැඩිදුරටත්,”මාර්තු 31 වන දා සිට සිදු වූ ප්‍රචණ්ඩ ක්‍රියාවලින් පාර්ලිමේන්තු මන්ත්‍රීවරයකු ඇතුළු පුද්ගලයන් කිහිප දෙනෙකු ඝාතනය කරන ලද අතර, මන්ත්‍රීවරුන්ගේ නිවාස හා දේපල විශාල ප්‍රමාණයක් ගිනි තබන ලදී. එසේම හිටපු ජනාධිපතිගේ නිවාසය ආසන්නයේ රාජ්‍ය දේපල විශාල ප්‍රමාණයක් ගිනිබත් කරන ලද අතර ජනාධිපති මන්දිරය, අරලියගහ මන්දිරය, වත්මන් ජනාධිපතිගේ පෞද්ගලික නිවාස ඇතුළුව ස්ථාන රැසකට අලාභහානි කරන ලදී. එසේම ඒ අවස්ථා සියල්ල පාලනය කිරීමට එවකට පොලිසිය හා හමුදා අංශ අසමත් වූ අතර බොහෝ අවස්ථාවල හමුදා ප්‍රධානීන් හා පොලිස් ප්‍රධානීන් පහල නිලධාරීන්ට එම ප්‍රචණ්ඩ ක්‍රියා වලක්වන උපදෙස් ලබා නොදී තත්ත්වය පාලනය නොකර තම වගකීම චේතනාන්විතව පැහැර හැර ඇති බවට සාක්ෂි බොහොමයක් ඇත.
ජනතා විමුක්ති පෙරමුණ, පෙරටුගාමී පක්ෂය නායකත්වය ලබාදෙමින් රූපවාහිනී සංස්ථාව හා පාර්ලිමේන්තුව අත්පත් කර ගැනීමට උත්සාහයක යෙදුන ආකාරය මාධ්‍ය මගින් මුළු රටේම ජනතාව දකින ලදී.
රූපවාහිනී සංස්ථාව හා පාර්ලිමේන්තුව අත්පත්කරගෙන රාජ්‍යය පෙරළීමේ කුමන්ත්‍රණයක් සිදු වූ බව මේ වන විට මුළු රටේම ජනතාව අවබෝධ කරගෙන ඇති අතර මේ සඳහා කරන්නාගොඩ කමිටුව ලබාදුන් වාර්තාව පාර්ලිමේන්තුවේ සභාගත කරන ලෙසත් ඊට සම්බන්ධ සියලු දෙනාටම තරාතිරම නොබලා රටේ නීති අනුව දඬුවම් දෙන මෙන් ඉල්ලා සිටිමි.”
මෙම ලිපියට ආණ්ඩුවේ පක්ෂයේ මන්ත්‍රීවරුන් පමණක් නොව මේවනවිට ආණ්ඩුවෙන් ඉවත්ව විපක්ෂයේ කණ්ඩායම් ලෙස කටයුතු කරන මන්ත්‍රීවරුන් රැසක් ද අත්සන් කර තිබීම විශේෂ කාරණයකි.
ඒ අනුව, අනුර ප්‍රියදර්ශන යාපා, උදය ගම්මන්පිල, ජයරත්න හේරත්, වසන්තයාපා වැනි පාර්ලිමේන්තු මන්ත්‍රීවරුන් පිරිසක්ද අත්සන් කර තිබේ.
මධුර විතානගේ මහතා විසින් අදාළ ලිපිය ජනපතිවරයාට බාරදීමට රැගෙන ගියද මේ ලිපිය රනිල් වික්‍රමසිංහ මහතාට පාර්ලිමේන්තු බහුතරය ලබාදීමට පොහොට්ටු නිර්මාතෘ හිටපු අමාත්‍ය බැසිල් රාජපක්ෂ මහතා විසින් ලබාදුන් කොන්දේසි දෙකෙන් එකක් බව දේශපාලන ආරංචි මාර්ගවලින් වාර්තා වේ.
වික්‍රමසිංහ මහතා, ජනපති කිරීමට පෙර බැසිල් රාජජපක්ෂ මහතා ප්‍රධාන විසින් කොන්දේසි දෙකක් පනවා ඇති අතර ඒ සියල්ලන්ටම සමානව දේශපාලනය කිරීමට ඇති අයිතිය තහවුරු කිරීම හා ආර්ථිකය නගා සිටුවීමට විකිණීමෙන් තොර ප්‍රතිපත්තියක් සකස් කිරීම යන ඉල්ලීම්ය.
‘ඉනිය භාරතී’ අත්අඩංගුවට
ටිරාන්ට මරණ තර්ජන
කතානායක චෝදනාවලට උත්තර බදියි
-
පුවත්4 days agoමොනරා ගමනය නිමයි; ස්වර්ණවාහිනිය අර්බුදයක; ටෙලි නිෂ්පාදකයෝ අමාරුවේ
-
පුවත්1 week agoමහජන බැංකුව කෝටි 9ක් හොරා කාලා; විමර්ශනයක් කරන්නැයි CIDයට අධිකරණයෙන් නියෝග
-
පුවත්2 days agoකතානායක නිල නිවාස දෙකක් සහ වැඩිපුර නිල රථයක් අරන්.
-
පුවත්2 days agoපඬුරු පෙට්ටියට නොදා වට්ටියට දාගන්න හැදූ කතරගම කපුවෝ පරළ වෙති; නිලමෙටත් තර්ජන
-
පුවත්20 hours agoජ’පුර රෝහලේ තවත් විශේෂඥ වෛද්යවරයෙක් ඉල්ලා අස්වෙයි