Connect with us

පුවත්

බියර් ලයිසන් රෙගුලාසි කැඩුවයි හරීන් උසාවි කැඳවයි

Published

on

සංචාරක කටයුතු පිළිබඳ අමාත්‍ය හරින් ප්‍රනාන්දු, සුරාබදු කොමසාරිස් ජනරාල්වරයා, මුදල් අමාත්‍යාංශයේ ලේකම්වරයා, ශ්‍රී ලංකා සංචාරක සංවර්ධන අධිකාරියේ සභාපතිවරයා ඇතුළු වගඋත්තරකරුවන්ට ලබන 13 වැනිදා අධිකරණයට කරුණු දක්වන ලෙස දන්වා නොතිසි යැවීමට අභියාචනාධිකරණය ඊයේ (24) නියෝග කළේය.

සංචාරක කලාපවලට අමතරව පිටස්තර ප්‍රදේශවලට නිකුත් කර තිබෙන මෘදු මත්පැන් බලපත්‍ර (බියර් බලපත්‍ර) බලරහිත කරන ලෙස ඉල්ලා ශ්‍රී ලංකා රට බීම හල් හිමිකරුවන්ගේ සංගමය හා රට බීම හල් හිමිකරුවන් දෙදෙනකු විසින් ගොනු කර තිබූ රිට් ආඥා පෙත්සම් දෙකක් කැඳවූ අවස්ථාවේදී අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න හා එම්. ඒ. ආර්. මරික්කාර් යන මහත්වරු එම නියෝගය කළහ.

බියර් හෝ වෙනත් මත්පැන් අලෙවි කිරීම සඳහා බලපත්‍ර නිකුත් කළ යුත්තේ පාසල් හා ආගමික ස්ථානවලට මීටර් 100 කට ඔබ්බෙන් වන රෙගුලාසිය අනුගමනය කරමින් බවත් සංචාරක ප්‍රවර්ධනය හෝ වෙනත් කුමන හේතුවක් හෝ පෙන්වා එම රෙගුලාසිය උල්ලංඝනය කරමින් මත්පැන් අලෙවි බලපත්‍ර නිකුත් කිරීම නීති විරෝධී බවත් පෙත්සම්කරුවන් වෙනුවෙන් පෙනී සිටි ජනාධිපති නීතිඥ සංජීව ජයවර්ධන මහතා අධිකරණයට පැවසීය. 

සියලු පාර්ශ්වල කරුණු දැක්වීම් සලකා බලා අධිකරණය විසින් නිකුත් කළ අතුරු තහනම් නියෝගය නියමිත ක්‍රියාපටිපාටිය අනුගමනය නොකර නීතිපති දෙපාර්තමේන්තුව ඉදිරිපත් කළ මෝසම් පත්‍රයක් සලකා බලා අධිකරණය ඉවත් කර ඇති බවත් නීතිපතිවරයාගේ එකී ක්‍රියා කලාපය දෝෂ සහගත බවත් ජනාධිපති නීතිඥවරයා අධිකරණයට වැඩිදුරටත් පැවසීය.

එම පෙත්සම් සම්බන්ධයෙන් විමසීම ලබන මස 13 වැනිදා සිදු කිරීමට විනිසුරු මඬුල්ල දින නියම කළේය.

නීතිඥ අංජන රත්නසිරි, මනුජය ද සිල්වා, රුක්ෂාන් සේනාධීර යන මහත්වරුන් ඇතුළු නීතිඥ මණ්ඩලයක් සමග ජනාධිපති නීතිඥ සාලිය පීරිස්, ජනාධිපති නීතිඥ සංජීව ජයවර්ධන යන මහත්වරුන් පෙත්සම්කරුවන් වෙනුවෙන් පෙනී සිටි අතර නියෝජ්‍ය සොලිසිටර් ජනරාල් කනිෂ්කා ද සිල්වා මහත්මිය නීතිපතිවරයා ඇතුළු වගඋත්තකරුවන් වෙනුවෙන් පෙනී සිටියාය.

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved