Connect with us

පුවත්

බෙනරගමලාට අක්ෂිකාච ටෙන්ඩරය දුන්න අයෙක් රිමාන්ඩ්එකේ

Published

on

වෛද්‍ය සැපයීම් අංශය විසින් මේවන විට බාර ගැනීම ප්‍රතික්ෂේප කර ඇති අභ්‍යන්තර අක්ෂිකාච තොගයේ ටෙන්ඩරය ප්‍රධානය කිරීමට අත්සන් කර ඇති තිදෙනාගෙන් අයෙක් ඉමියුනොග්ලොබියුලින් එන්නත් කුප්පි මිල දී ගැනීමේ සිද්ධිය සම්බන්ධයෙන් මේවන විට රක්ෂිත බන්ධනාගාරගත කර සිටින්නකු බව ශ්‍රී ලංකා මිරර් වෙත වාර්තා වේ.

වෛද්‍ය සැපයීම් අංශයේ අධ්‍යක්ෂ, වෛද්‍ය කපිල වික්‍රමනායක මහතා මෙසේ මේවන විට අදාළ ටෙන්ඩරය සඳහා අත්සන් කර ඇති තිදෙනාගෙන් අයකු වන අතර ඔහු මේවන විට ඉමියුනොග්ලොබියුලින් එන්නත් කුප්පි මිල දී ගැනීමේ සිද්ධිය සම්බන්ධයෙන් රක්ෂිත බන්ධනාගාර ගතව සිටී.

එම ටෙන්ඩර් කමිටුවේ ප්‍රධානියා ලෙස කටයුතු කර ඇත්‍තේ රාජ්‍ය ඖෂධ නීතිගත සංස්ථාවේ වත්මන් සභාපති උපුල් අජිත් මෙන්ඩිස් මහතාය, එහි අනේක් සාමාජිකයා වන්න‍ේ ජාතික රෝහලේ අධ්‍යක්ෂ විශේෂඥ වෛද්‍ය ඩබ්ලිව්.කේ වික්‍රමසිංහ මහතා ය.

පීටීසී හෝල්ඩිංග්ස් පුද්ගලික සමාගමට (P.T.C Holdings (Private) Limited) ප්‍රධානය කර ඇති මෙම අභ්‍යන්තර අක්ෂි කාච ටෙන්ඩරය ලබා ගැනීමේදී ඉදිරිපත් කර ඇති පිරිවිතරයන් (specifications) හා සාම්පල සැපයුම්කරු සපයා ඇති අභ්‍යනතර අක්ෂිකාච (Intra Occular Lense)  නොගැලපීම හේතුවෙන් ඒවා බාර ගැනීම වෛද්‍ය සැපයීම් අංශය විසින් ප්‍රතික්ෂේප කර තිබේ.

ඉන්දීය සමාගමක් වන ඔමිනි ලෙන්ස් පුද්ගලික සමාගම (OMINI LENS (PVT) LTD) විසින් නිෂ්පාදනය කර පීටීසී හෝල්ඩිංග්ස් පුද්ගලික සමාගම (P.T.C Holdings (Private) Limited) විසින් වෛද්‍ය සැපයීම් අංශයට සපයන ලද අදාළ අභ්‍යනතර අක්ෂිකාච වල දෘෂ්ටි විෂ්කම්භය ඇතුළු කාරණා හයක (1.) Optic diameter, 2)Overall diameter , 3.) Haptic angulation, 4.) Insertion size, 5.) UVblocking filtration, 6.) Capsular bagplacementand Yag laser compatible) අඩුපාඩු ඇති බව වෛද්‍ය සැපයුම් අංශය විසින් පෙන්වා දී තිබේ.

කෙසේවුවද, අභ්‍යනතර අක්ෂිකාච හිඟයක් පෙන්වමින් අදාළ අක්ෂිකාච තොගය යලි පරීක්ෂණයක් කරන ලෙස වෛද්‍ය සැපයීම් අංශය ඖෂධ නීතිගත සංස්ථාවට ලිඛිත දැනුම් දීමක් මේන විට සිදු කර තිබේ.

මේ අතර, අදාළ ටෙන්ඩරය පිරි නැමීමේදී ද ප්‍රසම්පාදන මාර්ගෝපදේශ අනුව ලංසු ඇපකරයන් ඉදිරිපත් නොකිරීම ප්‍රධාන ව්‍යතිරේකයක් ලෙස පෙන්වා දෙමින්  ඇඩ්වටෙක් ඉන්ටර්නැෂනල් පුද්ගලික සමාගම (Advitect  International (Pvt) Ltd)  ටෙන්ඩරය ලබාදීම ප්‍රතික්ෂේප කළ ප්‍රසම්පාදන කමිටුව සාම්පල නිසි පරිදි ඉදිරිපත් නොකළ පීටීසී හෝල්ඩිංග්ස් පුද්ගලික සමාගම (P.T.C Holdings (Private) Limited) වෙත ඩෙන්ඩරය ලබාදීම ද ගැටලුකාරී බව වෛද්‍ය සැපයුම් අංශ අභ්‍යන්තර ආරංචි මාර්ගවලින් වාර්තා වේ.

එසේම, මීට පෙර අභ්‍යන්තර අක්ෂිකාච ලබා නොගත් අදාළ සැපයුම්කරුට අක්ෂිකාච 80,000 ක ටෙන්ඩරයක් ලබාදීම ද විශ‍ේෂිතය.

පීටීසී හෝල්ඩිංග්ස් පුද්ගලික සමාගමේ (P.T.C Holdings (Private) Limited) අධ්‍යක්ෂවරුන් ලෙස ඔවුන්ගේ සමාගම් වෙබ් අඩවියේ ගිහාන් බෙනරගම, ගිම්හානා වික්‍රමසුරේන්ද්‍ර හා ජාලිය වික්‍රමසුරේන්ද්‍ර යන මහත්ම මහත්මියන්ගේ නම් ඇතුළත් කර තිබේ.

ගිහාන්, විලවුන් උපකරණ හා ඖෂධ නියාමන අධිකාරියේ හිටපු අධ්‍යක්ෂ වෛද්‍ය හේමන්ත බෙනරගම මහතාගේ පුත්‍රයාය.

සමස්ථ අක්ෂිකාච තොගයේ වටිනාකම රුපියල් කෝටි 90කට ආසන්න බව ශ්‍රී ලංකා මිරර් වෙත වාර්තා වන අතර මේ සම්බන්ධ තවත් තොරතුරු අපි ඉදිරියේදී පළකරනු ලැබේ.

සබැඳි පුවත්
ප්‍රමිතියෙන් තොර කාච ගෙන්වූ කොම්පැනියට තවත් කාච හැත්තෑදාහක් ගේන්න ටෙන්ඩර දීලා

ප්‍රමිතියක් නැති අක්ෂි කාච ගෙන්නුවේ බෙනරගමගේ පුතාගේ කොම්පැණියෙන්! 

පුවත්

ලන්සාට අමුත්තා නිසා ජනපතිගේ රෑ කෑමත් එපා වෙයි

Published

on

By

ජනපති රනිල් වික්‍රමසිංහ මහතා දිනවීමේ ජනාධිපති මැතිවරණ මෙහෙයුම් කමිටුවට බැසිල් රාජපක්ෂ මහතා සහභාගි කර ගැනීම හේතුවෙන් නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම එයට සහභාගි වී නැතැයි වාර්තා වේ.

මේ කමිටුවට බැසිල් පැමිණ ඇත්තේ වජිර අබේවර්ධන මහතාගේ යෝජනාවකට අනුව ජනපති රනිල් වික්‍රමසිංහ මහතා කළ ආරාධක් අනුවය.

නිමල් ලංසා, අනුර ප්‍රියදර්ශන යාපා ප්‍රමුඛ නව සන්ධානයේ කණ්ඩායම මෙම කැඳවීම පිළිබඳව මුල සිටම වි‍රෝධය දක්වා ඇතැයි පැවසේ.

“මේ වැඩවලට රාජපක්ෂල සම්බන්ධ කරගන්න එපා. අපි එතැන ඉඳලා ආවේ ඒගොල්ලොත් එක්ක වැඩ කරන්න බැරි නිසා.” යනුවෙන් ඔවුන් සිය විරෝධය පල කර තිබේ.

කෙසේ වෙතත් මෙම රැස්වීම ඔවුන් නොමැතිව බැසිල්ගේ සහභාගිත්වය ඇතිව පවත්වා ඇති අතර, එහිදී “රනිල් වික්‍රමසිංහ ජනාධිපතිතුමාගේ කැම්පේන් එක කරනව නම් එතැන බැසිල් රාජපක්ෂ මහත්මයා ඉන්න ඕනෑ. එතුමා නැතුව කරන්න බැහැ.” යනුවෙන් වජිර අබේවර්ධන මහතා පවසා ඇතැයි වාර්තා වේ.

පැතිර යන ආරංචි අනුව වජිර අබේවර්ධන වෙතින් එවැන්නක් මතුවන විට ජනපති රනිල් වික්‍රමසිංහ මහතා “එහෙනම් අපි මෙතුමට කමිටුවේ සභාපතිකම දෙමු.” යැයි යොජනා කළ බවද පැවසේ.

කෙසේවෙතත් බැසිල් රාජපක්ෂ එම යෝජනාව උපක්‍රමශීලීව බැහැර කර ඇති අතර ඔහු පවසා ඇත්තේ ඔබතුමා ජනාධිපතිවරණයට එනවා නම් ඒ බව රටට දන්වන දිනය ප්‍රකාශ කරන්නට යැයි කියාය.

මේ අතර, ලන්සා ප්‍රමුඛ පිරිස එදින ජනාධිපතිවරයා පැවැත්වූ රාත්‍රී භෝජන සංග්‍රහයට ද නොපැමිණි බවටද ආරංචි පැතිර තිබේ.

මූලාශ්‍රය – දේශය

Continue Reading

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved