Connect with us

පුවත්

බෞද්ධයන් කුපිත කරන කුමන්ත්‍රණයක් ගැන සැක; දිලිත්ටත් ‌චෝදනා

Published

on

බුදුරජාණන් වහන්සේට අපහාස කරමින් බෞද්ධයන් කුපිත කිරීමේ සැලසුම් සහගත කුමන්ත්‍රණයක් ක්‍රියාත්මක වන්නේදැයි සොයා පොලිසිය විශේෂ පරික්ෂණයක් ආරම්භ කර ඇතැයි “අරුණ” පුවත් පත වාර්තා කර තිබේ.

එම පුවත්පත වැඩිදුරටත් මෙසේද වාර්තා කර ඇත.

දේවගැති ජෙරම් ප්‍රනාන්දු පසුගියදා කරන ලද අපහාසාත්මක ප්‍රකාශයත්, නතාෂා එදිරිසූරිය නමැති කාන්තාව විසින් කරන ලද ප්‍රකාශයත් මුල් කරගනිමින් මෙම පරීක්ෂණය ආරම්භ කර ඇත.

ජනාධිපති රනිල් වික්‍රමසිංහ ප්‍රමුඛ රජයේ විශේෂ අවධානයක් මේ සම්බන්ධයෙන් යොමුව තිබෙන බවත් අද (29 වැනිදා) ජනාධිපතිවරයාගේ ප්‍රධානත්වයෙන් මේ පිළිබඳ විශේෂ සාකච්ඡාවක්ද පැවැත්වෙන බවත් රජයේ ආරංචිමාර්ග සඳහන් කරයි.

එමෙන්ම පොලිස්පති චන්දන වික්‍රමරත්න ද අපරාධ පරීක්ෂණ දෙපාර්තමේන්තුවට උපදෙස් දී ඇත්තේ ජෙරම් ප්‍රනාන්දුගේ සහ නතාෂා එදිරිසූරියගේ ප්‍රකාශයන්ට අදාළ සිදුවීම් ද්විත්වය සම්බන්ධයෙන් අපක්ෂපාතී විමර්ශනයක් සිදුකරන ලෙසය.

දේවගැති ජෙරම් ප්‍රනාන්දු ගේ අපහාසාත්මක ප්‍රකාශයත් සමග බෞද්ධයන් අතර මහත් කැළඹීමක් ඇතිවූ අතර අදාළ ප්‍රකාශය සිදුකිරීමෙන් පසු ජෙරම් ප්‍රනාන්දු රටින් පැනගොස් තිබිණි. ඒ පිළිබඳ අපරාධ පරීක්ෂණ දෙපාර්තමේන්තුව මගින් විමර්ශන සිදුවන අතරතුර කොළඹ ප්‍රධාන පෙළේ පාසලක ශ්‍රවණාගාරයක පැවති මෝඩාභිමානය නමැති ප්‍රහසන වැඩසටහනක් මෙහෙයවූ නතාෂා එදිරිසූරිය නමැති කාන්තාව විසින් බුදුරජාණන් වහන්සේට අපහාස වන අන්දමින් තවත් ප්‍රකාශ කිහිපයක්ම සිදුකර තිබුණි. ඒ සම්බන්ධයෙන්ද රට තුළ මහත් කැළඹීමක් ඇතිවූ අතර අදාළ කාන්තාව අපරාධ පරීක්ෂණ දෙපාර්තමේන්තුව විසින් පෙරේදා (27 වැනිදා) රාත්‍රියේ කටුනායක බණ්ඩාරනායක ගුවන්තොටුපොළේදී අත්අඩංගුවට ගනු ලැබුවේ සිංගප්පූරුවට පලා යාමට පැමිණ සිටියෙදීය. අපරාධ පරීක්ෂණ දෙපාර්තමේන්තුව බාරයේ සිටින මෙම කාන්තාව ඊයේ (28 වැනිදා) වැනිදා කොටුව මහෙස්ත්‍රාත් අධිකරණය හමුවට ඉදිරිපත් කිරීමෙන් පසු ජුනි 7වැනිදා දක්වා රක්ෂිත බන්ධනාගාරගත කිරීමට නියෝග කෙරිණ.

කෙසේ වෙතත් මෙම කාන්තාව තමන් විසින් කළ ප්‍රකාශය හිතාමතා කළ ප්‍රකාශයක් නොවන බව අපරාධ පරීක්ෂණ දෙපාර්තමේන්තුව හමුවේ ප්‍රකාශ කර ඇති අතර ඉන් බෞද්ධයන්ට සිත්රිදීමක් වූයේ නම් සමාව අයැද සිටින බවද පවසා ඇත.

දිලිත්ටත් ච‌ෝදනා

නටාෂා අත්අඩංගුවට ගත්තේ නම් මීට කාලයකට පෙර එවැනිම ප්‍රකාශයක් කළ දෙරණ නාලිකාවේ හා අරුණ පුවත්පතේ සභාපති දිලිත් ජයවීර මහතා හා සමන්තභද්‍ර හිමි සම්බන්ධයෙන් ද ස්වාධීන විමර්ශනයක් කරන්නැයි ඉල්ලමින් සමාජ මාධ්‍ය තුළ මත පලව තිබේ.

කෙස‌ේවුවද, ජයවීර මහතා එළඹෙන ජනාධිපතිවරණයේදී පොදු අපේක්ෂකයකු ලෙස ඉදිරිපත්වීමට සූදානම්ව සිටීම නිසා ඔහුව අත්අඩංගුවට පත් කිරීමේ කුමන්ත්‍රණයක් ලෙස මෙම සමාජ මාධ්‍ය රැල්ල ක්‍රියාත්මක බවට ද සැකයක් මතුව තිබේ.


එසේ දිලිත් ජයවීර මහතාට එරෙහිව පලව තිබූ ෆේස්බුක් සටහන්.

එස‌ේම සිය නාලිකාවේ ප්‍රධානියා බුදු දහමට අපහාසවන අයුරින් ප්‍රකාශ නිකුත්කර තිබියදී ඒ් සම්බන්ධයෙන් වචනයකුදු ප්‍රකාශ නොකර නතාෂාගේ අත්අඩංගුවට ගැනීම ගැන පුවත ගනෙහැර දක්වා ඇයව විවේචනය කිරීම සම්බන්ධයෙන් දෙරණ නාලිකාවේ පත්තරයේ විස්තර කියවන නිවේදක සංඛ අමරජිත් පෙරේරාට ද මේවන විට සමාජ මාධ්‍ය ඔස්සේ දෝෂාරෝපණ එල්ල වෙමින් තිබේ.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved