Connect with us

පුවත්

මංජුට මුදල් එන තැන් පැහැදිළි නෑ – CIDයට විස්තරාත්මක පැමිණිල්ලක්

Published

on

ශ්‍රී ලංකා ගෝලීය කොංග්‍රසය නම් දේශපාලන ව්‍යාපාරයේ නායකයා ලෙස පෙනී සිටින මංජු නිශ්ශංක නැමැත්තා ට විදෙස් රටවලින් මුදල් ලැබෙන මූලාශ්‍ර පැහැදිලි නැති බවත්, එය විනාශකාරී තත්ත්වයක් විය හැකි බවත් පවසමින් අපරාධ පරීක්ෂණ දෙපාර්තමේන්තුවට පැමිණිල්ලක් කර තිබේ.

මෙසේ පැමිණිලි කර ඇත්තේ ඕෂල හේරත්, නීතීඥ නාමල් රාජපක්ෂ හා  සේපාල අමරසිංහ යන මහත්වරුන් විසිනි.

ඔවුන් සිය පැමිණිල්ලෙන් පෙන්වා දී ඇත්තේ මංජු විසින් මුදල් විශුද්ධිකරණ සහ මැතිවරණ වියදම් පනත් උල්ලංඝනය කර ඇති බවයි.

මංජු ලංකාවට අමතරව, ඇමරිකාව හා එංගලන්තයේ පුරවැසිභාවය හිමි අයෙක් බවත් ඔවුන් හෙළිකර තිබේ.

ශ්‍රී ලංකා ගෝලීය කොංග්‍රසය මෙරට ලියාපදිංචි නොවූ දේශපාලන ව්‍යාපාරයක් බවත්, එම කොංග්‍රසය ගම්පහ දිස්ත්‍රික්කයේ පළාත් පාලන ආයතන 5ක් හා දකුණු පළාතේ එක් පළාත් පාලන ආයතනයක් වෙනුවෙන් ”අරුණලු ජනතා පක්ෂය”නම් දේශපාලන පක්ෂයක්ද ‌යොමුකර ඇති බවද පැමිණිල්ලෙන් හෙළිකර ඇත.

අදාළ තැනැත්තා ඉකුත් පාර්ලිමේන්තු මැතිවරණයේදී පාර්ලිමේන්තු මන්ත්‍රී නාලක ගොඩහේවා මහතාගේ ඡන්ද ව්‍යාපාරය වෙනුවෙන් රුපියල් මිලියන 30ක පමණ මුදලක් වියදම් කර ඇති බවත්, ගොඩහේවා මහතා රාජ්‍ය අමාත්‍ය ධූරය දැරූ සමයේ ඒ වෙනුවෙන් අමාත්‍ය උපදේශක තනතුරක් හා නාගරික සංවර්ධන අමාත්‍යංශයේ අධ්‍යක්ෂ ධුරයක් ලබාදී ඇති බවද පැමිණිල්ලෙන් වැඩිදුරටත් කියා සිටී.

ඔහුගේ ව්‍යාපාර හා දේශපාලන මූලස්ථානය ලෙස දැනට වසරකට වැඩි කාලයක සිට කොළඹ ඇක්සස් ගොඩනැගිල්ලේ 6 වැනි මහල වෙන්කර ගනිමින් පවත්වාගෙන යන බවත්, මේ සදහා දලවශයෙන් මිලියන 5ක් හෝ ඊට වැඩි මුදලක් ගෙවන බවද පැමිණිල්ලෙන් කියා සිටී.

ඊට අමතරව On 320 නැමැති මහල් නිවාසයේ හා ෂැංග්‍රිලා නිවාස සංකීර්ණයේ ද අදාළ අයට නිවාස ඇතැයි එහි වැඩිදුරටත් දක්වා ඇත.

ඇමෙරිකාවේ නිව්යෝක් හි මංජුට නිවසක් තිබුණ ද එම නිවසට ද ඔහු ඩොලර් ලක්ෂ 6කට වැඩි මුදලක් ණයවී සිටින බවත්, ඒ අනුව ඔහු ලංකාව තුළ සිදුකරනු ලබන වියදම් වලට ඔහුට විදෙස් රටවලින් මුදල් ලැබෙන මූලාශ්‍ර සම්බන්ධයෙන් සැකයක් ඇතැයි ද ඒවා සොයා බලන්නැයිද අදාළ පැමිණිල්ලෙන් ඉල්ලා ඇත.

පුවත්

තීරුබදු අඩු කරගන්න බැරි වුණේ අහංකාරකම හින්දා

Published

on

By

අමෙරිකානු ජනාධිපති ඩොනල්ඩ් ට්‍රම්ප් විසින් ශ්‍රී ලංකාවේ ආනයන සඳහා වන තීරුබදු සියයට 30කින් ඉහල නැංවීම රජයේ නියෝජිතයින්ගේ දුර්වල හා ආත්මාර්ථකාමී සාකච්ඡාවල ප්‍රතිඵලයක් බව විපක්ෂ නායක සජිත් ප්‍රේමදාස මහතා පවසයි.

පෙළපොත් විශේෂඥයින්, සැබෑ ලෝකයේ සංකීර්ණ සාකච්ඡා සඳහා යොමුකිරීමේ අයහපත් ප්‍රතිඵල මින් පෙන්නුම් කෙරෙන බව විපක්ෂ නායකවරයා සිය එක්ස් ගිණුමේ සටහනක් තබමින් සඳහන් කර තිබේ.

Continue Reading

පුවත්

ඔටිසම් තත්ත්වයෙන් පෙළෙන ළමුන් වෙනුවෙන් දිවා සුරැකුම් මධ්‍යස්ථාන

Published

on

By

ඔටිසම් තත්ත්වය සහ ස්නායු සංවර්ධනය පිළිබඳ ගැටලුවලින් පෙළෙන ළමුන් වෙනුවෙන් ප්‍රතිකාර හා දිවා සුරැකුම් මධ්‍යස්ථාන පිහිටුවීම සඳහා ජාතික මට්ටමේ යාන්ත්‍රණයක් සකස් කිරීමේ ඒකාබද්ධ සැලැස්මක සංකල්පීය යෝජනාව සති දෙකක් ඇතුළත ඉදිරිපත් කරන කරන ලෙස ජනාධිපති ලේකම් ආචාර්ය නන්දික සනත් කුමානායක මහතා අදාළ නිලධාරීන්ට උපදෙස් ලබා දුන්නේය.

ජනාධිපති අනුර කුමාර දිසානායක මහතාගේ සංකල්පයකට අනුව ක්‍රියාත්මක කරන මෙම වැඩසටහන පිළිබඳව ප්‍රජාශක්ති ලේකම් කාර්යාලයේ මෙහෙයවීමෙන් ඊයේ (09) පස්වරුවේ පැවති සාකච්ඡාවකදී ජනාධිපති ලේකම්වරයා විසින් මෙලෙස අදාළ නිලධාරීන්ට උපදෙස් ලබා දෙන ලදී. මෙම වැඩසටහන, ඊට අදාළ රේඛීය අමාත්‍යාංශ සහ ආයතන මගින් ක්‍රියාත්මක කෙරෙන අතර ජනාධිපති ලේකම් කාර්යාලය මගින් සම්බන්ධීකරණ කටයුතු සිදු කෙරේ.

මෙහිදී, මෙවර අයවැයෙන් කාන්තා හා ළමා කටයුතු අමාත්‍යාංශයට වෙන් කර තිබෙන රුපියල් මිලියන 250ක ප්‍රතිපාදන සමාජසේවා දෙපාර්තමේන්තුව මගින් දිස්ත්‍රික් ලේකම්වරුන්ට ලබා දීම, එම දිවා සුරැකුම් මධ්‍යස්ථාන ක්‍රියාත්මක කිරීමට අවශ්‍ය මානව සම්පත් සංවර්ධන සැලැස්මක් සකස් කිරීම, මෙම වැඩසටහන අදාළ රේඛීය ආයතන සම්බන්ධ කර ගනිමින් ක්‍රියාත්මක කිරීමට විද්‍යාත්මක පසුබිමක් සහිත නව මොඩලයක් සකස් කිරීම ඇතුළු කරුණු පිළිබඳව සාකච්ඡා විය. එම කරුණුවලින් සමන්විත යාන්ත්‍රණයක් සකස් කිරීමේ සංකල්පීය යෝජනාව සති දෙකක් ඇතුළත සකස් කරන ලෙසට ජනාධිපති ලේකම් ආචාර්ය නන්දික සනත් කුමානායක මහතා එහිදී නිලධාරීන්ට වැඩිදුරටත් උපදෙස් ලබා දුන්නේය.

ජනාධිපති ජ්‍යෙෂ්ඨ අතිරේක ලේකම් කපිල ජනක බණ්ඩාර, කාන්තා හා ළමා කටයුතු අමාත්‍යාංශයේ ලේකම් කේ.ඩී.ආර්. ඔල්ගා, ග්‍රාමීය සංවර්ධන, සමාජ ආරක්ෂණ සහ ප්‍රජා යටිතල පහසුකම් අමාත්‍යාංශයේ ලේකම් සම්පත් මන්ත්‍රීනායක, අතිරේක ලේකම්  එච්.ඒ.හේමා පෙරේරා,  සමාජ සේවා දෙපාර්තමේන්තුවේ අධ්‍යක්ෂ දර්ශනී කරුණාරත්න, සෞඛ්‍ය හා ජනමාධ්‍ය අමාත්‍යාංශයේ ප්‍රජා සෞඛ්‍ය අංශයේ අධ්‍යක්ෂ විශේෂඥ වෛද්‍ය වරුණි රසාදරි, ප්‍රජා සෞඛ්‍ය නියෝජ්‍ය අධ්‍යක්ෂ විශේෂඥ වෛද්‍ය ආසිරි හේවාමාලගේ සහ රිජ්වේ ආර්යා රෝහලේ නියෝජ්‍ය අධ්‍යක්ෂ වෛද්‍ය සංතුශිත සේනාධිපති යන මහත්ම මහත්මීහු ඇතුළු පිරිසක් මෙම අවස්ථාවට එක්ව සිටියහ.

Continue Reading

පුවත්

සිංගිමලේ ජලාශයෙන් ජලය ලබා ගැනීම තාවකාලිකව නතර කරයි

Published

on

By

හැටන් – සිංගිමලේ ජාලාශයෙන් ජලය ලබා ගැනීම ජල සම්පාදන මණ්ඩලය විසින් තාවකාලිකව නතර කර තිබේ.

ඒ සිංගිමලේ ජලාශයට පාසල් සිසුවෙකු වැටී ජීවිතක්ෂයට පත්වීමත් සමගය.

එම සිද්ධියෙන් පසු අඹගමුව ප්‍රාදේශිය සෞඛ්‍ය වෛද්‍ය නිලධාරිවරයා ඇතුලු පිරිසක් අද එම ජලාශ පරීක්ෂාවක යෙදී ඇති බව සඳහන්ය.

අනතුරුව සිදුකළ පරික්ෂාවකදී අනාවරණය වී ඇත්තේ දැනට සිංගිමලේ ජලාශයේ ජලය පානය සදහා සුදුසු නොවන බවටය.

එතෙක් වෙනත් ජල මූලාශ්‍රයකින් ජලය ලබා ගෙන පිරිපහදු කොට පාරිභෝගිකයන්ට සීමා සහිතව පානීය ජලය නිකුත් කිරීමට බලධාරීන් තීරණය කර තිබේ.

පසුගිය 09 වනදා සිංගිමලේ ජලාශයට වැටීමෙන් 18 හැවිරිදි පාසල් සිසුවෙකු ජීවිතක්ෂයට පත් විය.

Continue Reading
Advertisement

Trending

Copyright © 2023 Sri Lanka Mirror. All Rights Reserved