Connect with us

පුවත්

මධුර හා සනත්ලාගේ කුණු කේස් ආණ්ඩුකාරවරු ගෙදර යවයි?

Published

on

මේවන විට බස්නාහිර පළාත හා වයඹ පළාත තුළ අකුරට නීතිය ක්‍රියාත්මක කරමින් සිටින ආණ්ඩුකාරවරුන් දෙදෙනෙකු වන හිටපු ගුවන් හමුදාපති, මාර්ෂල් ඔෆ් ද එයා ෆෝස් රොෂාන් ගුණතිලක මහතා හා වයඹ පළාත් ආණ්ඩුකාර අද්මිරාල්  වසන්ත කරන්නාගොඩ යන මහත්වරුන් ඉවත් කිරීමට දැඩි උත්සාහවයක සිටින බව වාර්තා වේ.

මේ පිරිස ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවති ආණ්ඩු පක්ෂ මන්ත්‍රී කණ්ඩායමේදී ද දැඩි දෝෂා රෝපනයක් එල්ලකර ඇතැයි වාර්තා වේ.

මෙම ආණ්ඩුකාරවරුන් දෙදෙනා බස්නාහිර හා වයඹ පළාත්වල හමුදා පාලනයක් වැනි පාලනයක් ගෙන යන බවට මන්ත්‍රීහු එහිදී චෝදනා කර ඇති බව පැවසේ.

කෙසේවුද, ශ්‍රී ලංකා මිරර් වෙත වාර්තාවන්නේ අදාල ආණ්ඩුකාරවරුන් විසින් මන්ත්‍රීවරුන් රැගෙන එන නීතිවිරෝධී ගොඩනැගිලි අනුමත කිරීම්, ව්‍යාපාරිකයන්ගේ ඉල්ලීම් ඇතුළු දූෂණ අක්‍රමිකතා සම්බන්ධයෙන් මොවුන් තදින් ක්‍රියා කිරීම මෙසේ චෝදනා එල්ලවීමට හේතුව බවයි.

අදාළ ආණ්ඩුකාරවරුන් දෙදෙනාගේ ක්‍රියාකලාපය ගැන තදින්ම කරුණු දක්වා ඇත්තේ අක්‍රමිකතා සම්බන්ධයෙන් නම ගිය මන්ත්‍රීවරුන්  හා රාජ්‍ය ඇමැතිවරුන් කිහිපදෙනෙකු වන මධුර විතානගේ, සනත් නිශාන්ත, ගාමිණී ලොකුගේ, ඩී. වීරසිංහ, ඩී.බී. හේරත්, ජයන්ත කැටගොඩ ඇතුළු පිරිස බවයි.

ආණ්ඩුකාරවරුන් සම්බන්ධව ඇති විවේචන සභාවට ගෙන ඒමේ මූලිකයා බවට පත්ව ඇත්තේ මධුර විතානගේ පාර්ලිමේන්තු මන්ත්‍රීවරයා බව පැවසේ.

“මේ බස්නාහිර ආණ්ඩුකාරවරයා පළාතේ දේශපාලනඥයන් කාටවත් ඇහුම්කන් දෙන්නේ නෑ. කොටිකාවත්ත, කෝට්ටේ වගේ ප්‍රාදේශීය සභා, නගර සභාවල කොමසාරිස්වරුන් මාරු කරලා. දැන් කතරගම ප්‍රාදේශීය ලේකම් මෙතනට ගෙනත් දාලා තියෙනවා. ඒ මහත්මයා හොඳ කෙනෙක් වෙන්න ඇති, නමුත් එතුමා දන්නේ නෑ මේ වැඩේ කරන්න. අපි මේක වෙනස් කරන්න කියලා කිව්වා. ඒත් ඔහු සූදානම් නෑ කිසිසේත්ම ඒක වෙනස් කරන්න. දැන් අපිත් එක්ක ප්‍රශ්න ඇති කරගෙන තියෙනවා. මෙහෙම අයත් එක්ක කොහොමද දේශපාලනය කරන්නේ.”

මේ අතර රාජ්‍ය අමාත්‍ය සනත් නිශාන්ත මහතා ද කල් බලා ආණ්ඩුකාර හබයට පැටලෙමින් මෙසේ පවසා ඇත.

“බස්නාහිර විතරක් නෙවෙයි, වයඹ ආණ්ඩුකාරවරයත් මේ වගේ. මහජන නියෝජිතයන් කියන කිසිදේකට සවන්දීමක් නෑ. ජනාධිපතිතුමා සහභාගි වෙන එක්තරා රාජ්‍ය උත්සවයකටත්, රාජ්‍ය නිලධාරින්ට සහභාගි වෙන්න එපා කියලා වෙනත් කෙනෙක් හරහා ලියුම් ගැස්සුවා. වයඹ ආණ්ඩුකාරවරයා ආණ්ඩුව ගණන් ගන්නෙත් නෑ, පළාතේ මන්ත්‍රීවරු ගණන් ගන්නෙත් නෑ. දවසක් ආශු මාරසිංහ ජනාධිපති උපදේශකතුමා ජනාධිපති කාර්යාලය හරහා ආණ්ඩුකාරවරයාට උපදෙසක් ලබා දෙනකොට, එයාට කියපු දේ මං එතන අහගෙන හිටියා. ආශු මාරසිංහ මහත්තයාටත් එයා කිව්වේ, ඔය උපදෙස් මට වැඩක් නෑ වගේ කතාවක්. බොරු නම් අහන්න.”

මෙසේ ආණ්ඩුකාරවරුන්ට චෝදාන එල්ලකළ මන්ත්‍රීවරුන් බහුතරයටම විවිධ අක්‍රමිකතා සම්බන්ධයෙන් චෝදනා එල්ලවූ රාජ්‍ය අමාත්‍යවරුන් හා මන්ත්‍රීවරුන් බව පැවසේ.

කෙසේවුවද, මෙම ආණ්ඩුකාරවරුන් දෙදෙනා ජනතාව අතර ඉතාම ජනප්‍රියත්වයට හා ජනාදරයට ලක්ව සිටින බවද වාර්තා වේ.

පුවත්

යුද හමුදා සෙබලු අඩු කිරීමේ සැලැසුමක් ශවේන්ද්‍ර හෙළිකරයි

Published

on

By

2030 වසර වන විට යුද හමුදා සාමාජිකයින් යම් මට්ටමක් දක්වා අවම කිරීමට සැලසුම් සකසා ඇති බව ආරක්ෂක මාණ්ඩලික ප්‍රධානි ජෙනරාල් ශවේන්ද්‍ර සිල්වා සඳහන් කරයි.

ඒ අනුව විශ්‍රාමික හමුදා නිලධාරින්ගෙන් සමන්විත කමිටුවක් හරහා ඊට අදාළ සැලසුම් සකස් කර ඇති බවත් එම කමිටු සැලසුම් මේ වන විට ආරක්ෂක මාණ්ඩලික ප්‍රධානි කාර්යාලය වෙත ලැබී ඇති බවත් හෙතෙම පැවසීය.

එසේම ත්‍රිවිධ හමුදාපතිවරුන් සමඟ සාකච්ඡා සිදුකර ආරක්ෂක කවුන්සිලයේ නිගමනයන්ට අනුව ඉදිරියේදී හමුදාවේ කටයුතු සඳහා අවශ්‍ය නිලධාරීන් ප්‍රමාණය කොපමණද යන්න තීරණය කර බඳවා ගැනීම් සිදුකිරීමට නියමිතව ඇත.

මෙම ක්‍රමවේදයට අනුව ඉදිරියේදී පාබල හමුදාවන් සහ විශේෂ බළකා සොල්දාදුවන් වැඩිකිරීමටත් භට කාර්ය සම්පාදන නිලධාරීන් අඩු කිරීමටත් තීරණය කර ඇති බව හෙතෙම වැඩිදුරටත් ප්‍රකාශ කළේය.

මූලාශ්‍රය – අරුණ

Continue Reading

පුවත්

පරිප්පු පිට පාරේ යැවූ රේගුවට පරිප්පුවක්

Published

on

By

ශ්‍රී ලංකා රේගුව විසින් රාජසන්තක කෙරුණු පරිප්පු කන්ටේනර් පහක් එංගලන්තයේ පාතාල නායකයකුගේ මැදිහත්වීමෙන් පාතාල ක්‍රියාකාරීන් පිරිසක්  වෙනත් පාර්ශවයකට රුපියල් දෙකෝටි අසූ ලක්ෂයකට විකුණා ඇතැයි ආරංචි මාර්ග පවසයි.

මෙම පරිප්පු තොගයේ  තක්සේරු වටිනාකම ලෙස සඳහන් වී ඇත්තේ රුපියල් එක්කෝටි දහතුන්  ලක්ෂයකි.

මෙම ගනුදෙනුවෙන් රුපියල් එක්කෝටි හැත්තෑ ලක්ෂයක පමණ ලාභයක් ලබාගෙන ඇති බවත් ලාභය ඇතැම් නිලධාරීන් අතරේ ද බෙදී ගොස් ඇති බවත් පැවැසේ.

මෙම එක් කන්ටේනරයක පරිප්පු කිලෝ 23000ක් තිබී ඇත.

මෙයට අමතරව මෙම කණ්ඩායම  රාජ සන්තක කෙරුණු තලපත් බහාලුමක්  ලබාගෙන  තලපත් කිලෝව 400 බැගින් විකුණා ඇතැයි ද වාර්තා වේ.

මීට පෙර ටයිල් කන්ටේනර් 15 ක් පාතාලේ මැදිහත්වීමෙන්  මේ ආකාරයට  විකිණීමට සූදානම් වීමේ දී මුදල් රාජ්‍ය අමාත්‍ය රංජිත් සියඹලාපිටිය  මහතා මැදිහත්වී එම කටයුත්ත වහාම නතර කරනු ලැබීය.

කොළඹ නගර සභාවේ හිටපු නාගරික මන්ත්‍රීවරයකු වන ඔහුගේ සමීපතමයකු ද මෙදින රේගුවට පැමිණ සිට ඇති බව වාර්තා වේ.

මෙම ටෙන්ඩර් ලබා ගැනීම සඳහා කිසිදු ලියාපදිංචි සහතිකයක්, බදු අංකයක් හෝ වැට් අංකයක් හෝ අවශ්‍ය නොවීම මෙවැනි ක්‍රියාමාර්ගවලට ප්‍රධාන හේතුවක් බව ද ඉහත ආරංචි මාර්ග පැවසීය.

ආනයන ක්‍රියාවලිය සඳහා විධිමත් ක්‍රමවේදයක් නොතිබීම මෙවැනි ජාවාරම්වලට මූලිකම හේතුව බව රත්නපුර දිස්ත්‍රික් මන්ත්‍රි ගාමිණී වලේබොඩ ද පසුගිය දා පාර්ලිමේන්තු කාරක සභාවක දී පැවසීය. මන්ත්‍රිවරයා පෙන්වා දුන්නේ බදු අංකයක් හෝ නොමැති පුද්ගලයන්ගේ නමින් බහාලුම් ආනයනය කෙරෙන බවත් ඒවා නිශ්කාෂණයේ දී කිසිදු බදු මුදලක් ආණ්ඩුවට නොලැබෙන බවත් ය. දළ වශයෙන් එලෙස ආනයනය කෙරෙන බහාලුම් ප්‍රතිශතය සියයට හැටක් පමණ වන බවත් මන්ත්‍රිවරයා කීවේය.

Continue Reading

පුවත්

සා / පෙළට කුසලතා හෝ වෘත්තීය විෂය ධාරාවක්

Published

on

By

සමාජය සවිබලගැන්වීම වෙනුවෙන් ඉඩම තීරණාත්මක සාධකයක් වන බවත් එබැවින් වගා කර නොමැති ඉඩම් වගා කටයුතු සඳහා යොදා ගැනීමට හැකිවන නව නීති හඳුන්වා දීමට කටයුතු කරන බවත් සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා සඳහන් කළේය.

එමෙන්ම සමාජ සවිබලගැන්වීම් උදෙසා අධ්‍යාපන සහතික පත්‍ර සමාන්‍ය පෙළ විභාගයට ද කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර ඇති බව ද රාජ්‍ය අමාත්‍යවරයා පැවසීය. 

“සමාජය සවිබලගැන්වීම සඳහා අධ්‍යාපන ක්‍රමයේ වෙනසක් ඇති විය යුතු බව අප විසින් ඉදිරිපත් කළ ප්‍රධාන මතවාදයක් ලෙස දැක්විය හැකියි. ඊට අනුව සාමාන්‍ය පෙළ ගණිතය, ආගම සහ භාෂාව වැනි විෂයන් අසමත් වූවත් ඔවුන් විභාගය අසමත්වූවන් ලෙස නොසැලකිය යුතුයි. එබැවින් අ.පො.ස සාමාන්‍ය ‍පෙළ විභාගයේ විෂය මාලාවට කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර තිබෙනවා. එය සමාජය පිළිගත් අදහසක් ලෙස ද හැඳින්විය හැකියි. ඒ අනුව නව වසරේ සිට එය ක්‍රියාත්මක කිරීමට අධ්‍යාපන අමාත්‍යාංශය විසින් තීරණය කර තිබෙනවා. ඒ අනුව කුසලතා පූර්ණ වෘත්තිකයෙකු බිහි කිරීමට අවශ්‍ය අධ්‍යාපන ප්‍රතිසංස්කරණ ඉදිරියේ දී සිදුවන බව සඳහන් කළ යුතුයි.”

සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (21) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved