පුවත්
මනූෂගෙන් දොස් මුරයක්
විදේශගත ශ්රමිකයන් සදහා සුබසාධන යෝජනා ක්රම ක්රියාත්මක කිරීමේදී ඇතැම් රාජ්ය නිලධාරීන් ඊට සහය නොදැක්වූ බව කම්කරු හා විදේශ රැකියා අමාත්ය මනූෂ නානායක්කාර මහතා පවසයි.
ඔහු ප්රකාශ කළේ ආණ්ඩුව විදේශගත ශ්රමිකයන්ගේ සුබසිද්ධිය වෙනුවෙන් විවිධ තීන්දු තීරණ ගෙන තිබුණ ද මෙතෙක් ඒවා ක්රියාත්මක නොවන බවය.
කම්කරු හා විදේශ රැකියා අමාත්යාංශ ශ්රවණාගාරයේ පැවති උත්සවයකට එක්වෙමින් මනූෂ නානායක්කාර අමාත්යවරයා මේ බව සඳහන් කළේය.
“විදේශගත ශ්රමිකයන්ට විවිධ යෝජනා ක්රියාත්මක කරද්දි අපිට හම්බවුණේ, ඒවට සහයෝගයක් නෙමෙයි. ඒවට හම්බවුණේ බාධා කිරීම් තමයි. අපි සමහර නිලධාරීන් එක්ක රණ්ඩු කර කර, විදේශගත ශ්රමිකයන්ට සහන සලසන්න කටයුතු කළා. ඒ අයට නිවාස ණය ලබාදෙන්න අවශ්ය අයට අපි කටයුතු සුදානම් කරලා තියෙනවා. බැංකුවලට අපි යෝජනා කරලා, බැංකු එක්ක සාකච්ඡා කරලා මහ බැංකුව එක්ක කතා කරලා, කැබිනට් මණ්ඩලයේ අනුමැතිය අරගෙන විදේශ සේවා නියුක්ති කාර්යාංශයේ බිලියන 5ක් අඩු පොළියට ලබාදෙන්න අපි ලෑස්ති කරලා තිබුණට භාණ්ඩාගාරයටයි, මහ බැංකුවටයි, බැංකු ටිකටයි තාම බැරිවුණා අපේ ශ්රමිකයන්ට අඩුපොළියට ණය ටික දෙන්න. එතකොට විදේශගත ශ්රමිකයෝ එවපු සල්ලි ගානට ගුවන්තොටුපොළින් එනකොට ටොෆි, චොක්ලට් ටික ගේන්න වැඩි තීරුබදු සහනයක් දෙන්න කැබිනට් මණ්ඩලය මට අනුමත කරලා දුන්නේ මාස 14කට විතර ඉස්සෙල්ලා. හැබැයි ලංකායට එවපු සල්ලි ටික බලලා මෙයාට මෙච්චර දෙන්න ඕනේ කියලා සියල්ල යෝජනා කරලා, ජනාධිපතිතුමා ගැසට් එකත් ගහලා තියෙද්දි අපේ කස්ටම් එකේ අයට බැරි වුණා අපේ විදේශගත ශ්රමිකයන්ට සලකන්න.”
මහජන උපයෝගිතා කොමිසම ඉදිරිපත් කළ විදුලි ගාස්තු සංශෝධනය පිළිබඳ මුදල් අමාත්යංශයේ උපදෙස් අනුව ක්රියාත්මක වන බව බලශක්ති අමාත්යංශය පවසයි.
නිවේදනයක් නිකුත් කරමින් අද (17) පස්වරුවේ එම අමාත්යංශය පවසා තිබුණේ උපයෝගිතා කොමිසමේ නිර්දේශ නිල වශයෙන් ලැබීමෙන් පසුව ඒ පිළිබඳව කටයුතු කරන බවයි.
————————————————-
(පෙර පුවත : 2025 ජනවාරි 17 ප.ව. 3:43)
අද මධ්යම රාත්රියේ සිට විදුලි ගාස්තුව 20%කින් පහළට
ශ්රී ලංකා මහජන උපයෝගීතා කොමිෂන් සභාව සියයට 20ක ප්රතිශතයකින් විදුලි ගාස්තුව අඩු කිරීමට පියවර ගෙන ඇත.
මේ සඳහා මහජන උපයෝගිතා කොමිසමේ අනුමැතිය ලැබුණු බව ලංකා විදුලිබල මණ්ඩලය පවසයි.
එහිදී ගෘහස්ථ කාණ්ඩය යටතේ 0-30ත් අතර ඒකකයට තිබූ ගණන රුපියල් 6ක් දක්වා පැවැති ගාස්තුව රුපියල් 4ක් දක්වාත්, 31-60ත් අතර තිබූ රුපියල් 9 සිට ගාස්තුව 6 දක්වාත් අඩු කිරීමට පියවර ගෙන තිබේ.
මෙම මිල ගණන් අද (17) මධ්යම රාත්රියේ සිට ක්රියාත්මක වනු ඇත.
ඉතිහාසයේ මතද්රව්ය ජාවාරම්කරුවකු ලඟ තිබූ විශාලම මුදල සොයා ගනියි
විදුලි බිල අඩුවෙන්නේ මුදල් අමාත්යංශයේ උපදෙස් මතයි (Update)
චීන – ශ්රී ලංකා ද්විපාර්ශ්වික මුදල් හුවමාරු ගිවිසුම දීර්ඝ කරයි
-
පුවත්1 week agoචතුරිකා සිරිසේනගේ ආරක්ෂකයා අල්ලන්න සොයයි
-
පුවත්6 days agoඅලුත් වාහන බද්ද
-
පුවත්1 week ago2025 වසරේ වැඩිම මුදල් වෙන්කිරීම මුදල් සහ ක්රමසම්පාදන සහ ආර්ථික සංවර්ධන අමාත්යාංශයට
-
ව්යාපාර2 days agoසිමෙන්ති මිල අඩු වෙයි ද?
-
පුවත්2 days ago“රජයේ ප්රවෘත්ති දෙපාර්තමේන්තුවේ හැඳුනුම්පත ක්රියාකාරී මාධ්යවේදීන්ට පමණයි”