Connect with us

පුවත්

මහා වංචාවකට හයිවේ කැෂියර්ලා 22කගේ වැඩ තහනම් කරයි

Published

on

අධිවේගි කොළඹ පිටත වටරවුම් මාර්ගයේ අතුරුගිරිය අන්තර් හුවමාරු මධ්‍යස්ථානයේ සිදු වී ඇති බව කියන රුපියල් කෝටි ගණනාවක මුදල් වංචාවක් සම්බන්ධයෙන් ප්‍රධාන මුදල් අයකැමි ඇතුළු අයකැමිවරුන් 22කුගේ වැඩ තහනම් කළ බව මාර්ග සංවර්ධන අධිකාරියේ අධ්‍යක්ෂ ජනරාල් එස්.පී.එම්. සූරිය බණ්ඩාර මහතා කියයි.

අධ්‍යක්ෂ ජනරාල්වරයාගේ අනුමැතියෙන් (අධ්‍යක්ෂ, අධිවේගි මාර්ග මෙහෙයුම් නඩත්තු හා කළමනාකරණ අංශයේ) නියෝජ්‍ය අධ්‍යක්ෂ ජනරාල් පී.එච්. ගුණසිංහ මහතා විසින් එම වැඩ තහනම සිදු කර තිබේ.

2020 වසරේ රටේ විදුලි අර්බුදයක් පැවැති අවස්ථාව ප්‍රයෝජනයට ගනිමින් සිදු කළ බව කියන මෙම මුදල් වංචාව විදුලි අර්බුදය අවසන් වීමෙන් අනතුරුව ද සිදු කර ඇති බව මූලික විමර්ශනවලදී හෙළිව ඇත.

විදුලිය විසන්ධි කරමින් මෙම වංචාව සිදු කර ඇති බව අනාවරණය වී තිබේ.

අතුරුගිරිය අන්තර් හුවමාරු මධ්‍යස්ථානයේ මුදල් අයකැමිවරු 27 දෙනකු සේවයේ යෙදෙන අතර ඉන් 22ක් මෙම වංචාවට සම්බන්ධ බව විමර්ශනවලදී අනාවරණය වී ඇත.

එම සේවකයන් විසින් විදුලිය විසන්ධි කර ආරක්ෂිත කැමරා අක්‍රිය වීමෙන් අනතුරුව අතුරුගිරිය අන්තර් හුවමාරු මධ්‍යස්ථානයෙන් පිටවීම සඳහා පැමිණෙන පාරිභෝගිකයන්ට ප්‍රවේශපත්‍ර නිකුත් නොකර මුදල් අය කර ගනිමින් මෙම වංචාව සිදු කර ඇතැයි හෙළි වී තිබේ.

මේ සම්බන්ධයෙන් කළ විමර්ශනවලින් පෙනී ගොස් ඇත්තේ 2024 ජනවාරි මස අග භාගයේ දින කීපයක් තුළ පමණක් ආරක්ෂිත කැමරා අක්‍රිය කිරීමෙන් රුපියල් ලක්ෂ 20කට ආසන්න මුදලක් වංචා කර ඇති බවය.

මෙම වංචනික ක්‍රියාව හසු කර ගැනීම සඳහා විදුලිය අක්‍රිය කළ විට ආරක්ෂිත කැමරා පද්ධතිය ක්‍රියාත්මක වීම සඳහා විකල්ප ක්‍රමවේදයක් උසස් නිලධාරීන්ගේ උපදෙස් මත විදුලි අංශය විසින් ක්‍රියාත්මක කර තිබේ. 

මුදල් අයකැමිවරයන් විදුලිය විසන්ධි කර සිදු කරන මෙම වංචාව ඒ තුළින් ඉතා පැහැදිලිව ඒ අනුව ආරක්ෂක කැමරා මඟින්ම අතටම අල්ලා ගැනීමට හැකි වී තිබෙන බව සඳහන්ය.

පසුගිය ජනවාරි මස 20 වැනි දින විනාඩි 16ක කාලයක් තුළ ආරක්ෂිත කැමරා දර්ශන පරීක්ෂා කිරීමේදී අතුරුගිරිය අන්තර් හුවමාරු මධ්‍යස්ථානයෙන් පිටවීම සඳහා පැමිණි වාහන 23කින් මුදල් ලබාගෙන ඇතත් මුද්‍රිත ටිකට්පත් දී ඇත්තේ වාහන 04කට පමණක් බව පෙනී ගොස් තිබේ.

එදින පෙරවරු 11.30 සිට 2.30 දක්වා කාලය තුළ අයකැමි විසින් වාහන 38කට මෙසේ ටිකට්පත් නිකුත් නොකර සිදු කර ඇති වංචාවේ ප්‍රමාණය රුපියල් 19,500ක් බව ද අනාවරණය වී ඇත.

මාර්ග සංවර්ධන අධිකාරියේ නිලධාරීන් කෝප් කමිටුව හමුවට කැඳවූ අවස්ථාවේදී ද අතුරුගිරිය අධිවේගි පිවිසුමේ සිදු වූ එම වංචාවන් සම්බන්ධයෙන් ප්‍රශ්න කිරීමට ද ලක්ව ඇත. 

විගණන දෙපාර්තමේන්තුවේ වාර්තාවලින් ද මේ බව අනාවරණය වී තිබිණි.

වසර ගණනාවක සිට කෙරණ මෙම වංචාවට සම්බන්ධ සේවකයන් වාහන මිල දී ගෙන නිතර සාද පවත්වමින් සුපිරි ජීවිතයක් ගත කරමින් සිටි බව ද පෙනී ගොස් ඇත.

වැඩ තහනම් වූ කාලය තුළදී පූර්ව අනුමැතියකින් තොරව අධිවේගි මාර්ග මෙහෙයුම් නඩත්තු කළමනාකරණ අංශයට හෝ අධිකාරියේ ප්‍රධාන කාර්යාලයට හෝ වෙනත් කිසිදු කාර්යාල භූමියකට මෙම සේවකයන්ට ඇතුළු වීම තහනම් කර ඇත.

එසේම ඔවුන්ට පුද්ගලික කටයුත්තක් සඳහා වුවත් විදේශගත වීම තහනම් බවත් වැඩ තහනම් කාලය තුළදී වැටුප් ගෙවනු නොලබන බවත් ඉදිරියේදී විනයානුකූලව කටයුතු කරන බවත් සඳහන් කරමින් මාර්ග සංවර්ධන අධිකාරියේ අධ්‍යක්ෂ ජනරාල්වරයාගේ අත්සනින් යුතුව ලිපියක් ද නිකුත් කර තිබේ.

මූලාශ්‍රය – දිනමිණ

පුවත්

ජාතික ජනමාධ්‍ය ප්‍රතිපත්තිය ගැන ජනමාධ්‍ය අමාත්‍යාංශයෙන් නිවේදනයක්

Published

on

By

ජාතික ජනමාධ්‍ය ප්‍රතිපත්තියක් සකස් කිරීමේ වගකීම ජනමාධ්‍ය ක්ෂේත්‍රයේ ප්‍රවීණයින්, විද්වතුන් හා මාධ්‍ය සංවිධාන වෙත පැවරෙන බව ජනමාධ්‍ය අමාත්‍යාංශය විසින් නිවේදනයක් නිකුත් කරමින් කියා සිටී.

ඊට පහසුකම් සැලසීම පමණක් ජනමාධ්‍ය අමාත්‍යාංශය විසින් සිදු කරන බවද එම නිවේදනයේ වැඩිදුරටත් සඳහන් වේ.

සම්පූර්ණ නිවේදනය පහත දැක්වේ.

Continue Reading

පුවත්

ශ්‍රී ලංකාව BRICS වලට උනන්දුවක් තියෙනවද? මට නම් දැනෙන්නෙ නැහැ – රුසියානු තානාපති

Published

on

By

BRICS සම්මුතිය සමග එක්වීමට උනන්දුවක් දක්වන්නේ නම් රටක් ලෙස ශ්‍රී ලංකාව ඊට ප්‍රායෝගිකව පියවර ගත යුතු බව ශ්‍රී ලංකාවේ රුසියානු තානාපති ලෙවාන් ජගර්යාන් මහතා පවසයි.

කොළඹදී ඊයේ පැවති විශේෂ සමුළුවක ප්‍රශ්නෝත්තර වටයේදී ඔහු මේ බව කියා සිටියේය.

“ජාත්‍යන්තර නීතීය තුළ බලය යෙදවීම රුසියානු කෝණයෙන්” යන විශේෂ සම්මන්ත්‍රණයක් කොළඹ බණ්ඩාරනායක ජාත්‍යන්තර අධ්‍යයන මධ්‍යස්ථානයේදී ඊයේ පැවැත්වුණි.

එහිදී  මාධ්‍යවේදීයෙකු විසින් ශ්‍රී ලංකාව BRICS සමග සම්බන්ධ වෙන්නේ කවදාදැයි විමසා සිටියේය.

ශ්‍රී ලංකාවේ රුසියානු තනාපති ලෙවාන් ජගර්යාන් මහතා – “මේ ප්‍රශ්නය මගෙන් කිහිප සැරයක්ම අහලා තියෙනවා.මම පසුගිය වසරේ ඔක්තෝබර් මාසයේ 01 වැනිදා ජනාධිපති අනුර කුමාර දිසානායක මහතා හමුවෙන්න ගියා රුසියානු ජනාධිපතිතුමාගේ ආරාධනා පත්‍රයකුත් අරගෙන BRICS සමුළුවට සහභාගී වෙන්න කියලා. මම භාෂා පරිවර්තක සමඟ තමයි කතා කළේ. මම දන්නේ නෑ එයා හරියට පරිවර්තනය කළාද කියලා.ජනාධිපතිවරයා මට කිව්වා මහ මැතිවරණය පැවැත්වෙන නිසා ඔහුට රුසියාවට එන්න වෙන්නේ නැහැ කියලා. BRICS සමඟ සම්බන්ධ වෙනවා නම් රුසියාවෙන් විතරක් නෙවෙයි සාමාජික රටවල් සියලුදෙනාගේ සම්මුතියක් තියෙන්න ඕනේ සහ ඒකට පියවර ගණනාවක් තියෙනවා.”

“රුසියාව,චීනය ශ්‍රී ලංකාවට සහයෝගය දෙනවා නමුත් ඒක කරන්න ඉතින් ඔබගේ පැත්තෙනුත් උනන්දුවක් තියෙන්නේ ඕනේ.එහෙම උනන්දුවක් තියෙනවාද? මට නම් දැනෙන්නේ නැහැ.කරුණාකරලා ප්‍රායෝගික පියවර ටිකක් ගන්න. තව දෙයක් ෂැංහයි සහයෝගිතා සංවිධානය ගැනත් ටිකක් අවධානය දෙන්න කියලා ඔබේ රටට කියනවා.”

මාධ්‍යවේදියා – වසර 3ක පමණ සිට යුක්‍රේනයේ කලාප කිහිපයක රුසියාව සිය අණසක පැතිරවූවා. ඒ කලාපවල අනාගතය කුමක්ද?

“ශ්‍රී ලංකාවේ රුසියානු තනාපති – රුසියානු ව්‍යවස්ථාවට අනුව ඩොනෙස්ක්,ලොහාන්ස්ක්,කර්ෂෝන් සහ සපොරෂියා කලාපය අයිති වෙන්නේ රුසියාවට. යුක්‍රේන හමුදාව සමහර තැන්වල ඉන්නවා ඒ අය ඉවත්විය යුතුයි. ඒ කලාප පිළිබඳ අපි සාකච්ඡා කරන්නේ නැහැ, විශේෂයෙන් ඒවා යළි ලබාදීම පිළිබඳව සාකච්ඡා කරන්නේ නැහැ.”

මූලාශ්‍රය  – අද දෙරණ

Continue Reading

පුවත්

පළාත් පාලන සභාපතිලාගේ නම් අතුළත් ගැසට්ටුව නිකුත් කරයි

Published

on

By

පසුගිය පළාත් පාලන මැතිවරණයෙන් ජයග්‍රහණය කර බහුතරය ලබා ගත් පළාත් පාලන ආයතන සඳහා නගරාධිපති, නියෝජ්‍ය නගරාධිපති, සභාපති සහ උප සභාපතිවරුන්ගේ නම් ඇතුළත් ගැසට් පත්‍රයක් නිකුත් කර තිබේ.

ඒ අනුව දිස්ත්‍රික්ක 21ක් සඳහා පසුගියදා පැවැති පළාත් පාලන මැතිවරණයෙන් ජයග්‍රහණය කර බහුතරය ලබා ගත් දේශපාලන පක්ෂ සහ ස්වාධීන කණ්ඩායම් අතුරින් අදාළ තනතුරු සඳහා වූ නම් ගැසට් කිරීමට මැතිවරණ කොමිෂන් සභාව කටයුතු කර ඇත.

එම ගැසට් නිවේදනය පහතින්,

පළාත් පාලන ආයතනවල සභාපතිවරුන්ගේ නම් ඇතුළත් ගැසට් පත්‍රය නිකුත් කෙරේ by poornima

Continue Reading
Advertisement

Trending

Copyright © 2023 Sri Lanka Mirror. All Rights Reserved