Connect with us

පුවත්

මහ බැංකු ලොක්කෝ වාහන උස්සන්න ලීසිං-සීසර්ලා හා ඩීල් දාලා!

Published

on

ලීසිං වාරික ගෙවාගැනීමට නොහැකිව අසරණ වූ පුද්ගලයින්ගේ රථ වාහන සීසර්වරුන් වෙත පවරාගැනීමට කිසිදු බලයක් නොමැති බව ඒකාබද්ධ ප්‍රවාහන මෙහෙයුම් මධ්‍යස්ථානයේ සභාපති සම්පත් රණසිංහ මහතා පෙන්වාදෙයි.

ඊයේ (24) පෙරවරුවේ පැවති මාධ්‍ය හමුවකට එක්වෙමින් ඔහු මේ බව පැවසීය.

කොළඹ ඇන්.ඇම්.පෙරේරා කේන්ද්‍රයේදී මෙම මාධ්‍ය හමුව පැවති අතර එයට පොලිස් ආරක්ෂාව ලබාගෙන තිබීම ද විශේෂත්වයකි.

එහිදී වැඩිදුරටත් අදහස් දැක්වූ ඒකාබද්ධ ප්‍රවාහන මෙහෙයුම් මධ්‍යස්ථානයේ සභාපති සම්පත් රණසිංහ මහතා.

වාහන උස්සන සීසර්ලාට ජනතාව එරෙහි වෙන්න ඕන

“අද අපි මේ මාධ්‍ය සාකච්ඡාව පවත්වන්නේ කිසිදු මාධ්‍ය සාකච්ඡාවක් පවත්වලා නැති ආකාරයකට. විශේෂ පොලිස් ආරක්ෂාවක් අද අපි ලබාගෙන තිබෙනවා. මේ ලීසිං මාෆියාව කෙතරම් දරුණු තත්ත්වයකට පත්වෙලා ද කියන එකට හොඳම උදාහරණය තමයි අද අපිට මාධ්‍ය සාකඡාව පවත්වන්න වෙලා තියෙන්නේ පොලීසියේ ආරක්ෂාව යටතේ. අද මේ රටේ කිසිම වාහනයක් උස්සන්න සීසර්ලට අවස්ථාවක් නෑ. නීතිමය බලයක් නෑ. සියලුම ලීසිං වාරික ගෙවන්නන්ගෙන් ඉල්ලා සිටිනවා ඔබගේ වාහනය කිසිදු ආකාරයකට සීසර්ලාට කුළී හේවායන්ට අත්පත් කරගැනීමේ බලයක් මේ චක්‍රලේඛනය තුළ නෑ. මේ චක්‍රලේඛනයෙන් ඒ බලය අහෝසි කරලා තියෙනවා. වාහන භාරදෙන්න හෝ වාහන උස්සන් යන්න කිසිම අවස්ථාවක ඉඩ ප්‍රස්ථාවක් ලබදෙන්න එපා. නමුත් මේ චක්‍රලේඛනයට පටහැනිව යමින් සමහර ලීසිං ආයතන වාහන අත්පත් කරගැනීම් කරනවා. අපි දිගින් දිගටම මේ ගැන පොලිස්පතිවරයාට දැනුවත් කළා. අපිට විශාල සැකයක් තියෙනවා මහබැංකුවේ ඉහළ නිලධාරීන් මේ ලීසිං කොම්පැනිත් එක්ක ඩීල් එකක් දාගෙන ද ? ඒ ඩීල් එකටද මේ නිද්‍රාශීලීව මේ දෙස බලාගෙන සිටින්නේ. මහපොළොවේ මේක යථාර්තයක් නෙවෙයි නම් මේ වගේ පුහු ලියවිලි අපිට වැඩක් නෑ. මේ වගේ පුහු ලියවිලිවලින් වෙන්න තව තවත් රටේ ජනතාව අසීරුවට පත්කරන එක සහ ජනතාව නොමග යැවීමක්, ඒ නිසා මේ වගේ පුහු ලියවිලි ඉදිරිපත් කරන්න එපා කියලා අපි මහ බැංකුවේ අධිපතිතුමාට දැනුම්දීමක් කරනවා.”

“ඇරියස් වෙච්ච වාහන හිමිකරුවන් දැන් මේ වෙනකොට ඒ රියදුරන් අයිතිකරුවන් වාහනය ධාවනය කරන්නේ තමන්ගේ රියදුරු ආසනය ගාව මොනයම් හෝ ආයුධයක් තියාගෙන, ඒ තමන්ගේ ආරක්ෂාවට තියාගෙන යන්නේ. බල්ලන්ට වගේ ගහලා පොලුවලින් ගහලා වාහන අත්පත් කරගන්නවානම්. ඒකට විරුද්ධව මේ වෙනකොට සියලුම ජනතාව නැගී සිටින්න ඕන.”

ක්‍රීඩා

රෝම් ස්ප්‍රින්ට් ෆෙස්ටිවල් හිදී යුපුන්ට 4වැනි ස්ථානය

Published

on

By

ඉතාලියේ පැවැත්වෙන රෝම් ස්ප්‍රින්ට් ෆෙස්ටිවල් හි මීටර 100 පිරිමි ඉසව්වට තරගවැදි ශ්‍රී ලංකාවේ කෙටි දුර ධාවන ශූර යුපුන් අබේකෝන් එම තරගය තත්ත්පර 10:21කින් නිමා කරමින් එහි සිව්වැනි ස්ථානයට පත්ව තිබේ.

කෙසේවුවද, ඔහුට මේ තරගයේදී ඔහුගේ හොඳම කාලය වන තත්ත්පර 10:18 සීමාව පසු කිරීමට නොහැකි වී ඇත.

ඔලිම්පික් වරම් අපේක්ෂාවෙන් ඔහු මේ තරගය සඳහා සහභාගි විය.

මේ අතර ජපානයේ පැවැත්වෙන සීකෝ ගෝල්ඩන් ග්‍රෑන්ඩ් ප්‍රික්ස් මළල ක්‍රීඩා තරඟාවලියේ මීටර 400 පිරිමි ඉසව්ව සඳහා කාලිංග කුමාර අද (19) ශ්‍රී ලංකා වේලාවෙන් පෙරවරු 11.47ට තරඟ වදීමට නියමිත බවද වාර්තා වේ.

Continue Reading

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading
Advertisement

Trending

Copyright © 2023 Sri Lanka Mirror. All Rights Reserved