Connect with us

පුවත්

මළ කැස්බෑවෝ වෙරළට ගොඩ ගසන්නේ ඇයි?

Published

on

දින දෙකක පමණ කාලයක සිට කොළඹ ආශ්‍රිත වෙරළ තීරයට කැස්බෑ මළසිරුරු අසාමාන්‍ය ලෙස ගොඩ ගැසීමක් සිදුවන බව පරිසරවේදීහු කියති.

පසුගිය 22 වැනිදා වැල්ලවත්තේ සිට ගාලු මුවදොර දක්වා වෙරළ තීරය තුලින් කැස්බෑ සිරුරු 10 කට ආසන්න ප්‍රමාණයක් වාර්තා වී ඇති අතර ඊයේ (23) දිනයේද පමුණුගම, උස්වැටකෙයියාව, ගල්කිස්ස යන වෙරළ තීරයන් වෙතද කැස්බෑ සිරුරු විශාල ප්‍රමාණයක් ගොඩගසා තිබූ බව වාර්තා වේ.

මෙම කැස්බෑ මළසිරුරු කිහිපයක ඇස් ඉදිමී, ඇතැම් සිරුරුවලින් රුධිරය වහනය වන ආකාරයද දක්නට ලැ‍බි තිබූ අතර මිය ගිය මසුන්ගේ සිරුරු කිහිපයක්ද වෙරළ තීරයට ගොඩගසා තිබිණි.
මේ සම්බන්ධයෙන් නාවික හමුදාව කළ දැනුම්දීමකට අනුව වන ජීවී සංරක්ෂණ දෙපාර්තමේන්තුව සහ නාරා ආයතනය පොලීසිය හා නාවික හමුදාව සමග අදාළ ස්ථානවලට පැමිණ විමර්ශන ආරම්භ කර තිබේ.

ඒ අනුව වන ජීවි සංරක්ෂණ දෙපාර්තමේන්තුව කොළඹ කොටුව මහෙස්ත්‍රාත් අධිකරණය වෙත මෝසමක් ගොනු කරමින්, ගාලු මුවදොර වෙරළ තීරයට ගොඩගසා තිබූ කැස්බෑ මළසිරුරු 04 ද අධිකරණය හමුවට ඉදිරිපත් කළ අතර එහිදී කොළඹ කොටුව මහේස්ත්‍රාත් තිලිණ ගමගේ මහතා බෙල්ලන්විල පශු වෛද්‍ය නිලධාරීවරයාට නියෝග කළේ, පශ්චාත් මරණ පරීක්ෂණ සිදුකර මෙම කැස්බෑවුන්ගේ මරණවලට හේතුව සම්බන්ධයෙන් වාර්තාවක් අධිකරණයට ලබාදෙන ලෙසයි.

කැස්බෑවෝ පුපුරලා මැරෙන්නේ ඇයි?

කැස්බෑවන් මෙලෙස අසාමාන්‍ය ලෙස මිය යාමට නිශ්චිත හේතුවක් මෙතෙක් අනාවරණ වී නැතත් පරිසරවේදී නයනක රන්වැල්ල මහතා පවසන්නේ ගැඹුරු මුහුදු තීරයේ මිනිස් ක්‍රියාකාරකමක් නිසා සිදුවූ පිපිරීමක් මීට හේතුව විය හැකි බවය.

එමෙන්ම ‘ලයිලා’ වැනි ධීවර ක්‍රමයක් හෝ එක්ස්ප්‍රස් පර්ල් නෞකාවෙන් සිදු වූ යම් කාන්දුවක් මීට හේතුව විය හැකි යැයි ද ඔහු සැක පළකරයි.

මේ අතර, කොළඹ දිස්ත්‍රික් අඩවි වන ආරක්ෂක නිලධාරී සමන් ලියනගම මහතා  කියා  සිටින්නේ කැස්බෑවුන්ගේ කට්ට පිපිරීම සිදුවිය හැකි ක්‍රම කිහිපයක් ඇති බවයි.

ඉන් එකක් ඩයිනමයිට් වැනි පිපිරීමක් නිසා සිදු විය හැක බවත්, ඉක්මන් පීඩන තත්ත්වයක් ඇතිවීමෙන් පෙනහළ්‍ර වලට වන හානි නිසා එය සිදුවන බව සමන් මහතා  පෙන්වා දෙයි.

එසේම මියගොස් දින කිහිපයක් ගිය පසුව කට්ට පිපිරීම සිදුවන බව ඔහු කියා සිටියේය.

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved