Connect with us

පුවත්

මිතුරියගේ පැමිණිල්ල විභාග නොකළැයි ASP පිළියන්දල ‌‌පොලිසියේ ඩෙඟා නටලා

Published

on

හිතවතියක් කරන ලද පැමිණිල්ලක් විභාග නොකළැයි උරණ වූ සහකාර පොලිස් අධිකාරිවරයකු ඇසළ පොහෝ දින පිළියන්දල පොලිසියට පැමිණ එහි නිලධාරින්ට බැණ වැදී ආවේගශීලීව හැසිරීම සම්බන්ධයෙන් පොලිස් මූලස්ථානයේ විශේෂ විමර්ශන ඒකකය මගින් පරීක්ෂණයක් ආරම්භ කර ඇතැයි වාර්.ා වේ.

එම අවස්ථාවේදී එම කාන්තාවද සහකාර පොලිස් අධිකාරිවරයා සමග සිට ඇතැයි දැනගන්නට ඇත.

බස්නාහිර පළාත් ප්‍රජා පොලිස් කොට්ඨාසයේ සහකාර පොලිස් අධිකාරිවරයකු මෙලෙස පොලිස් නිලධාරියකුට සුදුසු නොවන අන්දමින් හැසිරී ඇති බව එම ආරංචි මාර්ග සඳහන් කරයි.

රෙදිපිළි අලෙවි කිරීමක ඇති වූ මුදල් ආරවුලක් සම්බන්ධයෙන් පැලැන්වත්ත පොල්හේන ප්‍රදේශයේ කාන්තාවක් විසින් ඉකුත් 3 වැනි දින සිදුකරන ලද පැමිණිල්ලකට අදාළව සහකාර පොලිස් අධිකාරිවරයා එලෙස කටයුතු කර තිබූ බව එම ආරංචි මාර්ග සඳහන් කරයි.

“තමුසෙලා ඕයි ඇහැට කනට පේන පාට කෑල්ලක් ආවොත් විතරද වැඩ කරන්නේ”

“උඹලා සල්ලි අරගෙන තමයි වැඩ කරන්නේ උඹලගෙ හැටි මම දන්නවා” යැයි පවසමින් සුළු පැමිණිලි අංශයේ වැඩබලන ස්ථානාධිපති ලෙස කටයුතු කළ උප පොලිස් පරික්ෂකවරයාට මෙන්ම අනෙකුත් නිලධාරින්ට බැණවදිමින් පොලිස් භූමිය තුළ ඒ මේ අත ඇවිදිමින් පැයකට අධික කාලයක් සහකාර පොලිස් අධිකාරිවරයා ආවේගශීලී ලෙස හැසිරී ඇති බව එම ආරංචි මාර්ග පවසයි.

එම අවස්ථාවේදී සුළු පැමිණිලි අංශය සහ අනෙකුත් අංශ වෙත විවිධ අවශ්‍යතා සඳහා මහජනයා විශාල පිරිසක් පැමිණ සිට ඇති අතර පොලිස් නිලධාරියාගේ එම හැසිරීම හේතුවෙන් රාජකාරියේ යෙදී සිටි පොලිස් නිලධාරින් දැඩි අපහසුතාවට පත්වී ඇත.

සිවිල් ඇඳුමින් සැරසුණු සහකාර පොලිස් අධිකාරීවරයා පොලිසිය වෙත පැමිණ ඇත්තේ ප්‍රජා පොලිස් ඒකකයේ ස්ථානාධිපතිවරයාගේ නිල ජීප් රථයෙන් බවත් එය ඔහු ස්ථානාධිපතිවරයාගෙන් ඉල්ලාගෙන ඇත්තේ එම ප්‍රදේශයේ විහාරස්ථානයකට යන බව පවසා යැයිද පොලිස් ආරංචි මාර්ග සඳහන් කරයි.

සහකාර පොලිස් අධිකාරිවරයාගේ හිතවතියගේ පැමිණිල්ල පොලිසියට ලැබී පැය විසිහතරක් ගතවීමටත් පෙර විභාග නොකළ බව ඔහු විසින් බස්නාහිර පළාතේ දකුණු දිසාව භාර නියෝජ්‍ය පොලිස්පතිවරයාට මෙන්ම ගල්කිස්ස කොට්ඨාස භාර ජ්‍යෙෂ්ඨ පොලිස් අධිකාරිවරයාට ද දුරකථනයෙන් ඒ මොහොතේම දැනුම් දී ඇති බව එම ආරංචි මාර්ග සඳහන් කරයි.

උසස් පොලිස් නිලධාරියාගේ මේ නොමනා හැසිරීම සම්බන්ධයෙන් බුද්ධි අංශ නිලධාරීන් මෙන්ම අනෙකුත් නිලධාරීන් උසස් නිලධාරීන්ට පැමිණිලි කිරීමේ ප්‍රතිඵලයක් ලෙස විශේෂ විමර්ශන ඒකකයේ විශේෂ පොලිස් කණ්ඩායමක් පිළියන්දල පොලිසිය වෙත ඊයේ (4වැනිදා) පැමිණ පරීක්ෂණ ආරම්භ කර මේ වන විට පිළියන්දල පොලිසියේ ස්ථානාධිපතිවරයා ඇතුළු පොලිස් නිලධාරීහු අටදෙනකුගෙන් පමණ ඒ සම්බන්ධයෙන් ප්‍රකාශ ලබාගෙන ඇති බව උසස් පොලිස් නිලධාරියා වැඩිදුරටත් පැවසීය.

මූලාශ්‍රය – අරුණ

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved