Connect with us

පුවත්

මිනුවන්ගොඩ Brandix inqube ත් වැසෙයි; මිහින්තලේ MAS අවසන් පඩිය අද?

Published

on

මිනුවන්ගොඩ පිහිටි බ්‍රැන්ඩික්ස් සමාගමට අයත් බ්‍රැන්ඩික්ස් ඉන්කියුබ් (Brandix inqube) කර්මාන්ත ශාලාවද තාවකාලික වසා දැමීම සඳහා සාකච්ඡා කරමින් ඇතැයි වාර්තා වේ.

අදාළ ආයතනය වසා දැමීමෙන් 1000 කට ආසන්න පිරිසකගේ රැකියා අහිමිවීමේ අවදානමක් ඇති බවද එහි අභ්‍යන්තර ආරංචි මාර්ගවලින් වාර්තා වේ.

මීට පෙර බ්‍රැන්ඩික්ස් සමාගමට අයත්, කහවත්ත හා වැලිසර පිහිටි කර්මාන්ත ශාලා ද එම පරිපාලනාධිකාරිය වසා දැමීමට කටයුතු කළේය.

මේ අතර, පසුගිය කාලයේදී බ්‍රැන්ඩික්ස් සමූහයේ ප්‍රධාන විධායක නිලධාරී අශ්රොෆ් ඕමාර් මහතා නිතර නිතර ඇඟලුම් කර්මාන්තය කඩා වැටෙන බවටත්, කෙටි සහ මැදි කාලීනව ඉතා විශාල රැකියා අහිමිවීමක් ඒ අනුව සිදුනන බවටත්, මාධ්‍යට ප්‍රකාශ කර කරමින් මේ සඳහා ඉඟි සැපයූ බව ක්ෂ‌ේත්‍ර ආරංචි මාර්ගවලින් වාර්තා වේ.

කෙසේවුවද ලංකාවේ ඇඟලුම් කර්මාන්ත ශාලා වසා දැමීමේදී ඒවායේ පාලකයන් ඇඟලුම් නිෂ්පාදන වෙනුවෙන් සුපුරුදු පරිදි ඇණවුම් නොලැබීම, එක්සත් ජනපදයේ ආර්ථික අර්බුදය සහ ශ්‍රී ලංකාවේ මූල්‍ය අර්බුදය නිසා පැනනැගී ඇති ඩොලරයේ අස්ථාවරභාවය හ‌ේතුවන බව ප්‍රකාශ කිරීම මේවන විට සුලබ කාරණාවක් වී තිබේ.

ආසියාව තුළ බ්‍රැන්ඩික්ස් සමාගමට අයත් කර්මාන්ත ශාලා කිහිපයක් ඉන්දියාව, බංග්ලාදේශය හා කාම්බෝජය වැනි රටවල පිහිටා ඇති අතර ඒවා ඉතා සාර්ථකව පවත්වාගෙන යනු ලබන බවද පැවසේ.

වසර 1969 දී එම්.එච්. ඕමාර් මහතා විසින් ආරම්භ කරන ලද බ්‍රැන්ඩික්ස් සමාගම දශක පහටත් වඩා වැඩි කාලයක් මෙරට මුදල් ඉපැයූ ප්‍රධානම ආයතන අතර ඉදිරියෙන්ම සිටි ආයතනයක් සේ සැලැකේ.

එසේම, ඕමාර් මහතාට මේ ව්‍යාපාරයට පදනම වැටුණේ ලංකාවේ වත්මන් නවීන ඇඟලුම් කර්මාන්තයේ පියා ලෙස සැලකෙන ඇමරිකාවේ ඉදිරි දැක්මක් සහිත ව්‍යාපාරිකයෙක් වූ මාර්ටින් ට්‍රස්ට් හරහා බව පැවසේ.

බ්‍රැන්ඩික්ස් ආයතනය 1969 දී පිහිටුවා ඇත්තේ ඔහුගේ සහායෙනි.

ඉන්පසු 1972 දී පමණ ඕමාර් ගෲප් නම් සමාගම සමග බ්‍රැන්ඩික්ස් සමූහ සමාගමක් බවට පත්ව තිබේ.

පසුව ලංකාවේ කීර්තිමත් ව්‍යාපාරිකයෙක් වූ දේශමාන්‍්‍ය කෙන් බාලේන්ද්‍රන්‍ මහතා ගේ සභාපතිත්වයෙන් සහ ප්‍රධාන විධායකත්වයෙන් යුතුව බ්‍රැන්ඩික්ස් සමාගම ලංකාවේ ඇඟලුම් ක්ෂත්‍රයේ ඉහලටම ගියේය.

කෙන් බාලේන්ද්‍රන් මහතා විශ්‍රාම ගැනීමෙන් පසු බ්‍රැන්ඩික්ස් හි අධ්‍යක්ෂ සහ ප්‍රධාන විධායක නිලධාරියා වන්නේ අශ්රොෆ් ඕමාර්ය.

එසේම, GSP ප්ලස් බදු සහනය භුක්ති විඳි ලයිස්තුවේ ඉහලින්ම සිටින සමාගම් අතර ද බ්‍රැන්ඩික්ස්ට ප්‍රධාන තැනක් හිමිවේ.

යුරෝපා සංගමයේ වෙළඳ වරණයන් පිළිබඳ පොදු ක්‍රමය හෙවත් GSP (Generalised Scheme of Preferences) යනු සංවර්ධනය වෙමින් පවතින රටවලින් යුරෝපා සංගමය වෙත කෙරෙන අපනයන වෙනුවෙන් අවම තීරුබදු මුදලක් ගෙවීම හෝ සම්පුර්ණ තීරුබදු රහිතව අපනයනය කිරීම සඳහා ඉඩ ප්‍රස්තාව ලබා දීම යි.

පණඅදින මිහින්තලේ MAS

මේ අතර, වසර 36කට ආසන්න කාලයක් මෙරට විශාලතම ඇඟළුම් අපනායන සමගමක් ලෙස විශාල ධනස්කන්ධයක් රැස්කරගත් මාස් (MAS) හෝල්ඩිංග්ස් සමූහයට අයත් මිහින්තලේ පිහිටි කර්මාන්ත ශාලාව අද (10) සිට මාස 4ක කාලයකට තාවකාලිකව වසා දැමීමට තීන්දු කර ඇති  බවද වාර්තා වේ.

එසේම එම කර්මාන්ත ශාලාවේ සේවකයන්ට සියලු දීමනා සහිතව ලබාදනෙ අවසන් වැටුප ද මෙය බව පැවසේ.

අදින් පසුව එළඹෙන මාසවලදී එහි සේවකයන්ට ලැබන්නේ මූලික වැටුප පමණක් බවද වාර්තා වේ.

එහි සේවය කරන දක්ෂ සේවකයන් අදාළ සමාගම සතු දෙස් විදෙස් කර්මාන්ත ශාලාවලට අනුයුක්ත කිරීමට ද සැලැසුමක් ඇති බව පැවසෙන අතර කෙසේවුවද, මේ කර්මාන්ත ශාලාව වසා දැමීමෙන් පසුව දහසකට ආසන්න පිරිසකට රැකියා අහිමිවන බවද ක්ෂ‌ේත්‍ර ආරංචි මාර්ගවලින් වාර්තා වේ.

තාවකාලිකව වැහුවත් රැකියාවලට බඩුම තමයි

කෙසේවුවද, තාවකාලිකව කර්මාන්ත ශාලාවක් වසා දැමීම එහි සේවකයන්ගේ රැකියා අහිමිවීමේ අවදානමට සෘජුවම බලපාන බව අප කළ විමසීමකදී නිදහස් වෙළෙඳ කලාප සහ පොදු සේවා සේවක සංගමයේ සම ලේකම් ඇන්ටන් මාර්කස් මහතා කියා සිටියේය.

මෙසේ කර්මාන්ත ශාලාව තාවකාලිකව වසා දැමූ විට කර්මාන්ත ශාලාවේ හිමිකරුවට ලබාදෙන්නේ මූලික වැටුප පමණක් බවත්, එම කර්මාන්ත ශාලාවල සේවකයන්ගේ මූලික වැටුප ඉතා අවම බවත් ඔවුන් ඔවුන්ට ඉන් ජීවත් විය නොහැකි බවත් මාකස් මහතා ‌කියා සිටී.

එම සේවකයනට මූලික වැටුපට අමතරව එකතුවන පැමිණීමේ දීමනාව, උනන්දු දීමනාව සේම ‌අඩු මිලට හෝ නොමිලේ ලැබෙන  ආහාර ‌වේල් ද වැදගත් බව  ඇන්ටන් මකස් මහතා පෙන්වා දෙයි.

කර්මාන්ත ශාලාව වැසීමෙන් පසුව ලැබෙන්නේ මූලික දීමනාව පමණක් නම් ඉන් සේවකයන්ට  ජීවත්වීම නොහැකි නිසා ඔවුන් රැකියාවෙන් ඉවත්වීමට කටයුතු කරක බවත්,  එය මෙවැනි කර්මාන්ත ශාලා හිමිකරුවන්ට වන්දි නොගෙවා සේවකයන්ව ඉවත් කිරීමට විශාල පිටුවහලක් ලැබෙන බවද ඔහු කියා සිටී.

වන්දි නොදී සේවක සංඛ්‍යාව අඩු කර ගැනීමට මෙම සමාගම මෙම සැලැසුම ම කොවිඩ් කාලයේදීත් ක්‍රියාත්මක කළ බවද ඔහු අවධාරණය කළ‌ේය.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved