Connect with us

පුවත්

මිහින්තලේ MAS ෆැක්ට්‍රි දෙකක වහයි; දහසකගේ රැකියා ඉවරයි

Published

on

වසර 36කට ආසන්න කාලයක් මෙරට විශාලතම ඇඟළුම් අපනායන සමගමක් ලෙස විශාල ධනස්කන්ධයක් රැස්කරගත් මාස් (MAS) හෝල්ඩිංග්ස් සමූහයට අයත් මිහින්තලේ පිහිටි කර්මාන්ත ශාලා දෙකක් වසා දැමීමට ‌තීරණය කර ඇතැයි වාර්තා වේ.

මේ තීන්දුවත් සමඟ එහි සේවය කළ දහසකට ආසන්න පිරිසකගේ රැකියා අහිමිවන බවද පැවසේ.

කෙසේවුවද, එහි බලධාරීන් සේවකයන් දැනුවත් කර ඇත්තේ අදාළ ඇඟළුම් කර්මාන්ත ශාලා මාස 4කට වසා දමන බවටය.

ඇඟලුම් නිෂ්පාදන වෙනුවෙන් සුපුරුදු පරිදි ඇණවුම් නොලැබීම මෙලෙස කර්මාන්තශාලා තාවකාලිකව වසාදැමීමට හේතුවී ඇති බව ඇඟළුම් නිෂ්පාදකයින්ගේ මතය වී තිබේ.

එසේම විශේෂයෙන් එක්සත් ජනපදයේ ආර්ථික අර්බුදය සහ ශ්‍රී ලංකාවේ මූල්‍ය අර්බුදය නිසා පැනනැගී ඇති ඩොලරයේ අස්ථාවරභාවය ශ්‍රී ලංකාවේ ඇඟලුම් කර්මාන්තයට සෘජුව බලපා ඇතැයි එම කේෂත්‍රයේ ප්‍රවීනයන්ගෙන් කොටසක් කියා සිටී.

කෙසේවුවද, ඇතැමෙක් පෙන්වා දෙන්නේ මේ ආයතන සඳහා ලැබෙන ඇනවුම්වල අඩුවක් නොවන බවත්, ලංකාවේ විදුලිය ඇතුළු සේවාවන්වල මිල ඉහලයාම නිසා ලංකාවේ ඇඟළුම් නිෂ්පාදනය කිරීම ඒවායේ පිරිවැය වැඩි කරන බැවින් නිෂ්පාදකයින් ලංකාවෙන් පිට පිරිවැය අඩු ඔවුන්ගේම කර්මාන්ත ශාලාවෙත අදාළ ඇනවුම් ලබාගනිමින් පාඩු ලබන ශ්‍රී ලංකාවේ කර්මාන්ත ශාලා වසා දැමීමට කටයුතු කරන බවයි.

කවුද මේ MAS

ලංකාවේ ඇඟළුම් නිෂ්පාදනයේ නියැලී සිටින

මාස් (MAS) හෝල්ඩිංග්ස් යනු දකුණු ආසියාවේ විශාලතම යට ඇඳුම් නිෂ්පාදකයා වේ.

මෙම සමාගම 1987 දී මහේෂ්, ෂේරාඩ් සහ අජේ අමලීන් විසින් ආරම්භ කරන ලද අතර එහි නම සහෝදරයන් තිදෙනාගේ මුලකුරු වලින් ලබා ගන්නා ලදී ( MAS).

මාස් හෝල්ඩින්ග්ස් සමීප ඇඟලුම් නිෂ්පාදකයෙකු ලෙස ආරම්භ වූ අතර පසුව ක්‍රී ඇඳුම්, කාර්ය සාධන ඇඳුම් සහ පිහිනුම් ඇඳුම් සඳහා විවිධාංගීකරණය විය.

මාස් (MAS) හෝල්ඩිංග්ස් රටවල් 17 ක නිෂ්පාදන පහසුකම් 53 ක් ඇත මාස් හෝල්ඩිංග්ස් හි ගෝලීය වශයෙන් 93,000 කට අධික පිරිසක් සේවය කරයි.

සමාගමට නිව්යෝර්ක්, ලන්ඩන්, හොංකොං සහ කොළඹ යන රටවල සැලසුම් හා සංවර්ධන කේන්ද්‍රස්ථාන ඇත. එහි ගනුදෙනුකරුවන් අතර වික්ටෝරියා සීක්‍රට්, නයික්, පෝලෝ , ලූලුමෙමන් සහ පීවීඑච් ඇතුළත් වේ.

සමාගම ඇඟලුම් උපාංග සහ රෙදි නිෂ්පාදනය කරන අතර ඇඟලුම් නිෂ්පාදනයෙන් ඔබ්බට සේවා සපයයි.

ශ්‍රී ලංකාවේ එල්එම්ඩී සඟරාව සහ නීල්සන් සමාගම විසින් 2017 දී කරන ලද සමීක්ෂණයකින් ශ්‍රී ලංකාවේ දෙවන වඩාත් ගෞරවනීය ආයතනික ආයතනය ලෙස මාස් පිළිගැනීමට ලක්විය.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved