Connect with us

පුවත්

මුදල් අමාත්‍යංශය එපා කිව්වත් ප්‍රමිති ආයතනය බඳවා ගැනීම් නොනවතියි

Published

on

ආර්ථික අර්බුදය හමුවේ රාජ්‍ය සේවයට බදවා ගැනිම් සම්පුර්ණ නතරකරන ලෙසට දන්වා තිබියදී මුදල් අමාත්‍යංශයේ හෝ කළමණාකරණ සේවා දෙපාර්තමේන්තුවේ අනුමැතියකින් තොරව ශ්‍රී ලංකා ප්‍රම්ති ආයතනයට පුහුණු උපාධිදාරින් ලෙස දිගින් දිගටම ඉහළ නිලදාරින්ගේ ඥතින් හා හිතවතුන් බදවා ගැනීම් සිදුකර ඇතැයි වාර්තා වේ.

හිටපු ජනාධිපති ගෝඨාභය රාජපක්ෂ මහතා විසින් පුහුණු උපාධිධාරින් ලෙස මසකට රුපියල් විසිදහසක දීමනාවක් යටතේ උපාධීධාරින් බදවා ගත් අතර පසුව ප්‍රමිති ආයතනය ඊට මුවාවෙමින් දිගින් දිගටම එම බදවා ගැනිම් සිදු කරන බව එහි සේවකයෝ පවසති.

මේ වනවිට හතලිහකට වැඩි පිරිසක් එසේ බදවාගෙන ඇති අතර ඔවුන්ට මසකට රුපියල් තිස්පන්දහසක දීමනාවක්ද ගෙවන බව වාර්තා වේ.

ඊට අමතරව රාත්‍රි මුර සේවය සදහා සාමාන්‍ය සේවකයෙකුට ගෙවන අතිකාල දීමනාවද සමග පුහුණු උපාධිධාරින්ට ගෙවන බව සදහන් වේ.

මීට අදාල වියදම් ආයතනයේ වෙනත් වියදම් යටතේ සදහන් කිරිම සම්බන්දයෙන්ද මුදල් අමාත්‍යංශය මීට පෙර අවාවද කර ඇති බව වාර්තා වේ.

මෙවැනි තත්නයක් යටතේ පසුගිය සතියේද තවත් උපාධිධාරින් අට දෙනෙකු බදවා ගැනිම සදහා සම්මුඛ පරික්ෂණයක් පවත්වා ඇති අතර ඊට තාක්ෂණ අමාත්‍යංශයේ ඉහළ නිළධාරින්ගේ දුවා දරුවන් හා ඥතින්ද පැමිණ ඇතැයි පැවසේ.

Continue Reading

පුවත්

IMF මීළඟ සමාලෝචනය ජනපතිවරණයෙන් පසුවයි – ජූලී කෝසැක්

Published

on

By

ශ්‍රී ලංකාවේ ඉදිරි මැතිවරණයේ ජයග්‍රහකයා තීරණය කළ යුත්තේ, ජනතාව බවත්, මීළඟ සමාලෝචනය ජනාධිපතිවරණයෙන් පසුව සිදුකරන බවත් ජාත්‍යන්තර මූල්‍ය අරමුදල පවසයි.

එහි මාධ්‍ය ප්‍රකාශක ජූලී කෝසැක් මේ බව සඳහන් කළේ, ඊයේ (12) පැවති මාධ්‍ය හමුවකදී මාධ්‍යවේදියෙකු නැඟූ ප්‍රශ්නයකට පිළිතුරු දෙමින් මේ බව පැවසීය.

Continue Reading

පුවත්

 මුතියංගණ විහාරයේ ‘මධූ’ වලකට වැටී මරුට!

Published

on

By


මහියංගණ රාජමහා විහාරයේ ඇසළ පෙරහර මංගල්‍යයට රැගෙනවිත් සිටි බදුලු මුතියංගණ රාජමහා විහාරයට අයත් ‘මධූ’ නමැති ඇතින්න ඊයේ (12) පස්වරුවේ හසලක සෙවෙල බෝක්කුව ප්‍රදේශයේදී පැරැණි වැසිකිළි වළකට වැටී එහි සිරවී ජීවිතක්ෂයට පත්ව ඇතැයි හසලක පොලීසිය පවසයි.

ඇසළ පෙරහර මංගල්‍යයට පැමිණ සිටි අලි ඇතුන්ට ආහාර පිණිස ලබාදීම සඳහා කිතුල් කොට තොගයක් ඇතින්න ලොරියකට පටවන අතරතුර මෙම අනතුර සිදුව ඇතැයි පොලීසිය පවසයි.

වයස අවුරුදු පහක් පමණ වන විට එම ඇතින්න බදුලු මුතියංගණ රාජමහා විහාරයට ලැබී ඇති අතර මිය යන විට අවුරුදු තිහක් පමණ වයසෙහි පසු වූ බව පොලිසිය කියයි.

වැසිකිළි වළකට ඇදවැටුණු ‘මධූ’ ඇතින්න ගොඩට ගැනීමට ප්‍රදේශවාසීන්, පොලිසිය, වනජීවී දෙපාර්තමේන්තුවේ නිලධාරීන් ඇතුළු පිරිසක් බැකෝ යන්ත්‍ර යොදා ගනිමින් මහත් ප්‍රයත්නයක් දැරූ අතර රාත්‍රී හතට පමණ ඇතින්න මියගිය බව පොලිසිය පවසයි.

වනජීවී දෙපාර්තමේන්තුවේ නිලධාරීන් පශ්චාත් මමරණ පරීක්ෂණය සිදු කිරීමට නියමිතව ඇත.

හසලක පොලීසියේ ස්ථානාධිපති ප්‍රධාන පොලිස් පරීක්ෂක දිසානායක මහතාගේ උපදෙස් මත විමර්ශන සිදුකෙරේ.

Continue Reading

පුවත්

ඇල්පිටිය ප්‍රාදේශීය සභා මැතිවරණයට දින නියම වෙයි

Published

on

By

ඇල්පිටිය ප්‍රාදේශීය සභා මැතිවරණය ඔක්තෝබර් 26 වෙනිදා පැවැත්වීමට දින නියම කර තිබේ.

ඇල්පිටිය ප්‍රාදේශීය සභා ඡන්ද විමසීමට අදාළ ව නාමයෝජනා භාරගැනීම ඉකුත් 09 වනදා ආරම්භ විය.

එය අද (12) මධ්‍යහ්න 12න් අවසන් කෙරුණි

Continue Reading

Trending

Copyright © 2023 Sri Lanka Mirror. All Rights Reserved