Connect with us

පුවත්

මුලතිව් සමූහ මිනීවලේ කැනීම්වලට ලැබුණු මුදල ප්‍රමාණවත් සති දෙකකටයි

Published

on

මුලතිව් කොක්කුතුඩුවායි සමූහ මිනි වලේ කැණීම් කටයුතු  ඊයේ (20)  සිට යළි ආරම්භ කළ බව මුලතිව් විශේෂඥ  අධිකරණ වෛද්‍ය නිලධාරී කනක සභාපති වාසුදේව මහතා පවසයි.

 මෙම කැණීම් කටයුතු සදහා අධිකරණයට රුපියල් ලක්ෂ විසිපහක මුදලක් ලැබී ඇති බවත් එම මුදල සති දෙකක කැණීම් කටයුතු සදහා ප්‍රමාණවත් බවත් ඔහු පැවසීය.

 මේ දිනවල මුලතිව් දිස්ත්‍රික්කයට ඇද හැලෙන වර්ෂාව නිසා  සමූහ මිනී වල පිහිටි ස්ථානයේ කූඩාරම තවත් අඩි 10 කින් දික් කිරීමට සිදුව තිබේ.

 මුලතිව් කොක්කුතොඩුවායි මිනිස් සුසාන භූමියේ කැණීම් කටයුතු පසුගිය සැප්තැම්බර් මස 6 වැනි දින ආරම්භ වූ අතර සැප්තැම්බර් 15 දක්වා කැණීම් කටයුතු සිදු කරන ලදී.

 මෙම කැණීම් කටයුතුවලින් අස්ථි කොටස් 17ක් සොයාගෙන ඇති අතර, තුවක්කු,  එල්.ටී.ටී.ඊ.ය භාවිත කළ අංක තහඩු, ඇඳුම් පැළඳුම් ඇතුළු ද්‍රව්‍ය රැසක් හමු වී ඇත.

 එම ස්ථානයට පැමිණි  උතුරු සංවර්ධනය භාර අතිරේක ලේකම් එල්. ඉලංගෝවන්, මුලතිව් දිස්ත්‍රික් අතිරේක ආණ්ඩුකාර කේ. කනකේෂ්වරන්, ජනාධිපති නීතීඥ එම්.ඒ. සුමන්තිරන්, අතුරුදන්වූවන් පිළිබඳ කාර්යාලයේ අධ්‍යක්ෂ දයාබරන්, අධිනීතිඥ වී.කේ.නිරන්ජන්,  කෝකිලායි පොලිස් ස්ථානාධිපති අධිකරණ වෛද්‍ය නිලධාරී, විශේෂ කි‍්‍රයාකාරී බළකායේ  නිලධාරීන් ,   උතුරු පළාත් සභා හිටපු මන්ත්‍රී ටී. රවිහරන්  ඇතුළු පාර්ශ්ව කැණීම් කටයුතු ආරම්භ කිරීමට පෙර සාකච්ඡාවක් පවත්වා එම කටයුතු ආරම්හ කළේය.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved