Connect with us

පුවත්

මෙරට දූෂණ විරෝධී ප්‍රතිපත්තිවලට සහාය දීමෙන් ආර්ථික පාලනය ප්‍රවර්ධනය කිරීමට ව්‍යාපෘතියක්

Published

on

ශ්‍රී ලංකාවේ ජපාන තානාපති මිසුකෝෂි හිඩේකි මහතා සහ එක්සත් ජාතීන්ගේ සංවර්ධන වැඩසටහනේ (UNDP) ශ්‍රී ලංකාවේ නේවාසික නියෝජිත අසුසා කුබෝටා මහත්මිය විසින් ‘දූෂණ විරෝධී ප්‍රතිපත්තිවලට සහාය දීම ඔස්සේ ආර්ථික පාලනය ප්‍රවර්ධනය කිරීම’ යන නව ව්‍යාපෘතිය දියත් කරන ලදී. 

ජ්‍යෙෂ්ට රාජ්‍ය නිලධාරීන් රැසක් ද එම අවස්ථාවට සහභාගී විය.ශ්‍රී ලංකාවේ පවතින සමාජ-ආර්ථික අර්බුදය හේතුවෙන් මෙතෙක් අත්පත් කරගන්නා ලද සංවර්ධන ජයග්‍රහණ ආපසු හැරී තිබේ. රටේ ආර්ථික අර්බුදයට ප්‍රධාන දායකත්වයක් සපයන ගැඹුරු මුල් බැසගත් හේතු ලෙස විනිවිදභාවය සහ වගවීම සම්බන්ධ අඩුපාඩු හඳුනාගෙන තිබේ. නව ව්‍යාපෘතිය මගින් නිශ්චිත කාලයක් තුළ ජාතික ප්‍රතිපත්ති ප්‍රතිසංස්කරණ සිදුකිරීම, පාර්ශ්වකරුවන් අතර සහයෝගීතාව සහ වැඩිදියුණු කළ ආයතනික හැකියාව ඔස්සේ ශ්‍රී ලංකාවේ දූෂණ විරෝධී සමාජ පද්ධතිය ශක්තිමත් කිරීම සඳහා කටයුතු කරනු ලැබේ. අස්ථාවරත්වයෙන් ගොඩ ඒමට සහ ඔරොත්තු දෙන, විශ්වාසවන්ත ප්‍රජාතන්ත්‍රවාදී සමාජයක් නිර්මාණය කිරීම සඳහා අවශ්‍ය මාර්ග සිතියමක් එමගින් ශ්‍රී ලංකාවට ලබා දෙනු ඇත.  

ජපන් රජය විසින් ජපන් පරිපූරක අයවැයෙන් (JSB) වෙන් කරන ලද යෙන් මිලියන 137ක (ආසන්න වශයෙන් එක්සත් ජනපද ඩොලර් 931,000 ) ආධාර මගින් ‘දූෂණ විරෝධී ප්‍රතිපත්තිවලට සහාය ලබාදීම හරහා ආර්ථික පාලනය ප්‍රවර්ධනය කිරීමේ ව්‍යාපෘතිය’ ශ්‍රී ලංකා රජය සහ ශ්‍රී ලංකාවේ එක්සත් ජාතීන්ගේ සංවර්ධන වැඩසටහන විසින් ක්‍රියාත්මක කරනු ලැබේ. යෝජිත ව්‍යාපෘතිය විසින් (1) නෛතික සහ ප්‍රතිපත්ති රාමු ශක්තිමත් කිරීමට උත්සාහ කරයි; (2) මූල්‍ය හා බදු අපරාධවලට එරෙහිව සටන් කරන ප්‍රධාන ආයතන අතර සම්බන්ධීකරණය වැඩි දියුණු කරයි; (3) ප්‍රධාන ප්‍රතිඵල තුනක් යටතේ ක්‍රියාත්මක කරනු ලබන උපාය මාර්ගික ක්‍රියාමාර්ග හරහා දූෂණයට එරෙහිව සටන් කිරීමට උපාය මාර්ගික ආයතනවල සහ පුද්ගලයන්ගේ කුසලතා සහ හැකියාවන් වැඩි දියුණු කරයි.

ශ්‍රී ලංකාවේ ජනතාවට සහය දැක්වීමට ජපානයේ කැපවීම අවධාරණය කරමින් ශ්‍රී ලංකාවේ ජපාන තානාපති මිසුකොෂි හිදේකි මහතා මෙසේ සඳහන් කළේය: “විදේශීය ආයෝජකයින්ට වඩාත් ව්‍යාපාරික හිතකාමී පරිසරයක් නිර්මාණය කිරීම සඳහා දූෂණ විරෝධී පියවර ඉතා වැදගත් වේ. ජපානය මෙම අංශයේ වැඩිදියුණු කිරීම්වලට සහාය වීමට කැමතිය. එමගින් අපගේ ව්‍යාපාරික සබඳතා පුළුල් කරගැනීමට අපේක්ෂා කරයි. ශ්‍රී ලංකාවේ සාධාරණ ආර්ථික පාලනය සහ දූෂණ විරෝධී මුලපිරීම් ප්‍රවර්ධනය කිරීම සඳහා ජපන් රජය කැපවී සිටින බවත්, අපගේ සාමූහික ප්‍රයත්නවල ප්‍රත්‍යක්ෂ බලපෑම දැකීමට අපි උනන්දුවෙන් අපේක්ෂා කරන බවත් මම නැවත වරක් තහවුරු කිරීමට කැමැත්තෙමි.”

දූෂණ විරෝධී පරිසර පද්ධතිය තුළ ඉලක්කගත, නිශ්චිත කාලයක් තුළ සිදුවන, ධාරිතා සංවර්ධනය ඔස්සේ දූෂණ වැළැක්වීම, විමර්ශනය සහ නඩු පැවරීම හරහා දූෂණයට එරෙහිව සටන් කිරීම සඳහා පුළුල් ප්‍රවේශයක් නිර්මාණය කිරීමට ශ්‍රී ලංකාවට හැකි වනු ඇත. කාර්යක්ෂම සහ පුරෝකථනය කළ හැකි රාජ්‍ය සේවා සැපයීමක් උදෙසා මෙය දායක වනු ඇත. දූෂණයට එරෙහිව ආරක්ෂාවක් ලෙස ක්‍රියා කරන නීතියේ ආධිපත්‍යය ප්‍රවර්ධනය කරනු ඇත. සමාජ-ආර්ථික අර්බුදයෙන් ශ්‍රී ලංකාව ගොඩගැනීම සඳහා තීරණාත්මක වන සෘජු විදේශ ආයෝජන දිරිමත් කරනු ඇත. 

එක්සත් ජාතීන්ගේ සංවර්ධන වැඩසටහනෙහි කාර්යභාරය පිළිබඳව අදහස් දක්වමින් එහි ශ්‍රී ලංකාවේ නේවාසික නියෝජිත අසුසා කුබෝටා මහත්මිය පහත දැක්වෙන කරුණු අවධාරණය කළාය: “ශ්‍රී ලංකාවට අවශ්‍ය ප්‍රතිසංස්කරණ ඵලදායී ලෙස ක්‍රියාත්මක කිරීම සහ එහි ආර්ථිකය යථා තත්ත්වයට පත් කිරීම සඳහා, වගවීමෙන් යුක්ත සහ විනිවිද පෙනෙන පද්ධති සහ ආයතන අතිශයින්ම අත්‍යවශ්‍ය බව පැහැදිලිය. ජපානය සමඟ හවුල්කාරිත්වය විසින් ආර්ථික පාලනය ශක්තිමත් කිරීම සඳහා අපගේ දැනට ක්‍රියාත්මක සහ සැලසුම් කර ඇති ක්‍රියාකාරකම් සම්පූර්ණ කරනු ලැබේ. බාධාවකින් තොරව සහයෝගයෙන් කටයුතු කිරීමට ආයතන සවිබල ගැන්වීමේ පරිපූර්ණ ප්‍රවේශයක් එමගින් ප්‍රවර්ධනය කරනු ඇත. JSB සහාය උත්ප්‍රේරකයක් ලෙස සේවය කරනු ඇත. එමගින් පුද්ගල හැකියාවන් වැඩිදියුණු කරයි. එපමණක් නොව, වඩාත්ම තීරණාත්මක කාරණය වන්නේ, දූෂණයට එරෙහි සටනේදී එක්සත් වීම සඳහා සාමූහික හැකියාව වැඩි දියුණු කිරීමයි. එක්සත් ජාතීන්ගේ සංවර්ධන වැඩසටහනේ අපි ඒ සම්බන්ධයෙන් ජපාන රජයට බෙහෙවින් ස්තූතිවන්ත වෙමු.

තිරසාර සංවර්ධනය සඳහා සාමකාමී සහ සියල්ලන් ඇතුළත් සමාජයන් ප්‍රවර්ධනය කිරීම, සැමට යුක්තිය සඳහා ප්‍රවේශය ලබා දීම සහ ඵලදායී, වගවීමෙන් යුක්ත සහ සියල්ලන් ඇතුළත් කරගන්නා ආයතන සෑම මට්ටමකදීම ගොඩනැගීම මගින් තිරසාර සංවර්ධන ඉලක්කවල 16වන ඉලක්කය (SDG16) සාක්ෂාත් කර ගැනීම සඳහා මෙම ව්‍යාපෘතිය යටතේ අපේක්ෂා කරන මැදිහත්වීම් සැලකිය යුතු ලෙස දායක වනු ඇත.

පුවත්

නීතිපති තවත් මාස 6ක් තියාගන්න ජනපතිට හිත ගිහින්?

Published

on

By

නීතිපති, ජනාධිපති නීතිඥ සංජේ රාජරත්නම් මහතාගේ ධුර කාලය මාස හයකින් දීර්ඝ කිරීමට ජනාධිපති රනිල් වික්‍රමසිංහ මහතා නිර්දේශ කර ඇතැයි ජනාධිපති කාර්යාල ආරංචි මාර්ගවලින් වාර්තා වන බව “දිනපතා අරුණ” පුවත්පත වාර්තා කර තිබේ.

මෙම නිර්දේශය ආණ්ඩුක්‍රම ව්‍යවස්ථා සභාවට ඉදිරිපත් කර ඇති බවත්, ලබන මස මුල් සතියේ පාර්ලිමේන්තුව රැස්වන විට එම ඉල්ලීම සලකා බැලීමට ආණ්ඩුක්‍රම ව්‍යවස්ථා සභාව අපේක්ෂා කරන බවත් එහි වැඩිදුරටත් දැක්වේ.

නීතිපතිවරයා ලබන ජුනි 27 වැනිදා විශ්‍රාමයාමට නියමිතය.

Continue Reading

පුවත්

තවත් ශ්‍රී ලාංකිකයකු ඉන්දියවේදී අත්අඩංගුවට

Published

on

By

ව්‍යාජ ලිපි ලේඛන සකස් කිරීමේ ජාවාරමක නිරත වූ ශ්‍රී ලාංකිකයෙකු ඉන්දියාවේ කර්නාටක ප්‍රාන්තයේදි අත්අඩංගුවට ගෙන ඇතැයි වාර්තා වේ.

මෙසේ  අත්අඩංගුවට ගෙන ඇත්තේ ශරන් කුමාර් කාලිදාස් නොහොත් උමේෂ් බාලා රවීන්ද්‍රන් නැමැති හතලිස් පස්වැනි වියේ පසුවන්නෙකි.

ඉන්දියාවේ මධ්‍යම අපරාධ කාර්යාංශය මගින් මේ අත්අඩංගුවට ගැනීම සිදු කර ඇති බව ඉන්දීය මාධ්‍ය වාර්තා කර තිබේ.

2010 වසරේ ඉන්දියාවට ගොස් ඇති මෙම ශ්‍රී ලාංකිකයා රජයේ ලියකියවිලි නීති විරෝධි ලෙස සකස් කිරීමේ ජාවාරම සම්බන්ධයෙන් 2014 වසරේදී ද අත්අඩංගුවට ගෙන ඇති අතර පසුව ඔහුව ශ්‍රී ලංකාවට පිටුවහල් කර සිටි අයකු බවද පැවසේ.

2016 වසරේදි යලිත් නීති විරෝධීව ඉන්දියාවට සංක්‍රමණය වී ඇති මොහු කර්නාටක ප්‍රාන්තයේ නිවාස සංකීර්ණයක රැඳී සිටිමින් එම ජාවාරම සිදුකර ඇති බවට එරට පොලීසිය සිදුකළ විමර්ශනවලදී අනාවරණය වී ඇති බව පැවසේ.

සැකකරු සතුව තිබී නීති විරෝධි ලෙස සකස් කරන ලද ලිපි ලේඛන, රියදුරු බලපත්‍ර, ජංගම දුරකථන මෙන්ම පිස්තොල වර්ගයේ ගිනි අවියක්ද පොලිස් භාරයට ගෙන තිබේ.

සැකකාර ශ්‍රී ලාංකිකයා අත්අඩංගුවට ගැනීමත් සමග ඔහුගේ බිරිඳ, දරුවන් තිදෙනාද සමග ශ්‍රී ලංකාවට පළායාමට උත්සාහ දරා ඇති අතුර ගුවන්තොටුපළේ රැඳි සිටියදී ඔවුන් ආරක්ෂක අංශ භාරයට ගෙන ඇති බව ඉන්දීය මාධ්‍ය වාර්තා කර තිබේ.

Continue Reading

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

IPL ඉතිහාසයේ තරගවාරයකදී වාර්තා වූ වැඩිම හයේ පහරවල් වාර්තා වූ තරගවාරය මෙවර ලෙස ද ඉතිහාසයට එක්විය.

මෙම තරග වාරයේදී හයේ පහරවල් 1260 ක් සහ හතරේ පහරවල් 2174 ක් වාර්තා වී තිබිණි.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved