Connect with us

පුවත්

මේවා කාගෙ ප්‍රොජෙක්ට් ද?; වාර්ගා, කෙරෝ, සුජී, ඇලෙක්ස් හා ශාන් කවුද? – සජිත්

Published

on

කිළිනොච්චිය පූණකරී වැව මතුපිට ඔස්ට්‍රේලියාවේ යුනයිටඩ් සෝලාර් එනර්ජි නැමැති සමාගමක් විසින් ඉදිකිරීමට යෝජිත මෙගාවොට් 700කින් සමන්විත සූර්යය බලශක්ති ව්‍යාපෘතිය බරපතල දූෂිත ගනුදෙනුවකට මඟ පෑදීමක් දැයි සැකයක් මතුවන බව විපක්ෂ නායක සජිත් ‌ප්‍්දාස මහතා කියා සිටී.

ඔහු පෙන්වා දෙන්නේ යුනයිටඩ් සෝලාර් එනර්ජි නම් මේ සමාගම විසින් සිදුකරනු ලබන්නේ සොලා පැනල් බෙදා හැරීම බවත්, මේ සමාගම බැටරිවල විදුලිය ගබඩා කිරීමේ (Battery Storage) ව්‍යාපෘතියක් හෝ ඒවායේ බෙදාහැරීමේ ක්‍රියාවලියක් සිදු කිරීමේ කටයුතුවලට හවුල් නොවූ එකක් බවයි.

ඔහු කියා සිටින්නේ ඔස්ට්‍රේලියාවේ ඇති විශාලතම ‌සෝලා ෆාම් එකේ ධාරිතාවත් මෙගාවොට් 400ක් බවත්, මෙය ඊටත් වාඩා විශාල මෙගාවොට් 700ක එකක් බවත් අත්දැකීම් නොමැති මෙවැනි සමාගමක් එවැනි ව්‍යාපෘතියක් සිදු කරන්නේ කෙසේදැයි ප්‍රශ්නකරසිටී.

විපක්ෂ නායකවරයා පෙන්වා දෙන්නේ මේ ව්‍යාපෘතියට අවම වශයෙන් සිදුකර ඇති ගණනය කිරීම අනුව අක්කර 782ක් අවශ්‍ය බවත්, සූර්ය කෝෂයක ආයු කාලය අවුරුදු 25ක් වුවත් මොවුන් මේ ව්‍යාපෘතියේ ආයුකාලය වසර 35ක් ලෙස සටහන් කර ඇති බවත් එයද සැක සහිත බව ඔහු කියා සිටී.

යුනයිටඩ් සෝලාර් එනර්ජි නම් මේ සමාගමේ ප්‍රධානියා ලෙස රිචඩ් වාර්ගාස් නැමැත්තෙක් සිටින බවත්, ඔහු සෝලා පැනල් නියෝජිතයකු හා බෙදා හරින්නෙකු බවත්, ඒ සමාගමේ ගණකාධිකාරීවරයා තංගල්ලේ සුජීව නිශාන්ත බවත්, අධ්‍යක්ෂ මණ්ඩලයේ සිටින කෙරෝ තිලකරත්න නැමැත්තා ඔස්ට්‍රේලියාවේ වික්ටෝරියා හී ඉඩම් ද‌ේපල ඒජන්තයකු බවත්, එහි අධ්‍යක්ෂ මණ්ඩලයේ සිටින ඇලෙක්ස් චන්ද්‍රසිරි නැමැත්තා ඔස්ට්‍රේලියාවේ හෝටලයක ආහාර පාන කළමනාකරුවක් (Food and Beverage Manager) බවත්, හා ශාන් බාලසූරිය නැමැත්තා වික්ටෝරියා හි සිටින වෙබ් අඩවි නිර්මාණ කරුවෙකු බවත් මෙවැනි පුද්ගලයන්ට මේතරම් සුවිශාල ව්‍යාපෘතියක් කළ හැකි දැයි විපක්ෂ නායකවරයා ප්‍රශ්නකර සිටී.

අදාළ කැබිනට් පත්‍රිකාව ඉදිරිපත් කර ඇත්තේ විදුලි බල හා බලශක්ති අමාත්‍ය කාංචන විජේසේකර මහතා විසින් වන අතර එම ව්‍යාපෘතියෙන් විදුලිය මිල දී ගැනීම සඳහා ද ගිවිසුම් ගත වීමට කැබිනට් අනුමැතිය මේවන විට හිමිව ඇති බව පැවසේ.

විපක්ෂ නායක සජිත් ප්‍රේමදාස මහතා මේ සම්බන්ධයෙන් වැඩිදුරටත් අදහස් දක්වමින්.

පුවත්

සෞඛ්‍ය ඇමති හා සෞඛ්‍ය ක්ෂේත්‍රයේ පුටු පෙරළියක්!

Published

on

By

ඉදිරි සතිවලදී සෞඛ්‍ය අමාත්‍යාංශයේ ඉහළ තනතුරු රැසක වෙනස්කම් සිදුවිය හැකි බව වාර්තා වේ.

ඒ අනුව දැනට ආන්දෝලනයට ලක්ව ඇති ඖෂධ සැපයුම් ඒකකය, ඖෂධ නියාමන අධිකාරිය, රාජ්‍ය ඖෂධ සංස්ථාව, වෛද්‍ය පර්යේෂණ ආයතනය මෙන්ම රාජ්‍ය ඖෂධ නීතිගත සංස්ථාව ආදි ආයතනයන්හී ඉහළ තනතුරු රැසක් වෙනස්වීමට නියමිතව ඇතැයි පැවසේ.

පසුගිය කාලය පුරාවට සෞඛ්‍ය අමාත්‍යාංශය සතුව ඇති අදාල ආයතනවල ඇතිවූ වංචා දූශණ සහ අක්‍රමිකතා හේතුවෙන් මෙන්ම බාල ඖෂධ ගෙන්වීම ඇතුලු විවිද අක්‍රමිකතා හේතුවෙන් අදාල තනතුරු වෙනස් කරන ලෙස බොහෝ පාර්ශවයන් රජයෙන් ඉල්ලා ඇතැයි ද පැවසේ.

මේ අතර ඇතැම් වාර්තාවල දැක්වෙන්නේ මෙම තනතුරුවලට අමතරව සෞඛ්‍ය අමාත්‍යවරයාගේද වෙනසක් සිදුවිය හැකි බවත් එසේ වෙනසක් සිදුවුවහොත් එම අමාත්‍යධූරය සඳහා පසුගිය සමයේ බොහෝ සෙයින් කතා බහට ලක්වූ විපක්ෂ මන්ත්‍රීවරයෙකු අර්බුදයට ලක්ව ඇති සෞඛ්‍ය සේවය නගා සිටුවීම සඳහා එම අමාත්‍යධූරය ලබා ගැනීමට කැමැත්ත පළ කර ඇති බවත් පැවසේ.

මූලාශ්‍රය – මොණරා

Continue Reading

පුවත්

ලියනගේ මුල්ලේදී කතක් අභිරහස් ලෙස මරාදාලා!

Published

on

By

රාත්‍රී සමාජ ශාලාවක ඇති වූ ගැටළුවක් මුල් කර ගනිමින් හට ගත් ආරවුලක් දුර දිග යාමෙන් කටුනායක නිදහස් වෙළෙඳ කළාපයේ සේවයේ නියුතු සේවිකාවක අද (28) දින අලුයම සීදුව ලියනගෙමුල්ල ප්‍රදේශයේ දී මරා දමා තිබේ.

36 හැවිරිදි එක් දරු මවක වන බටහිර බටුවත්ත නෙළුව, ගාල්ල යන ලිපිනයෙහි පදිංචි උස්ගොඩ මානගේ තිසාරා මධුවන්ති නැමැති කාන්තාව මෙසේ මරා දමා තිබේ.

ඇය මීට වසර 06 කට පමණ පෙර කටුනායක නිදහස් වෙළෙඳ කළාපයේ සේවය සදහා පැමිණ තිබූ අතර පසුව ඇය සීදුව සංචාරක හෝටලයක සේවය කරන පුද්ගලයෙකු සමග සීදුව , ලියනගෙමුල්ල , ජූඩ් මාවත ප්‍රදේශයේ නේවාසිකාගාරයක තාවකාලිකව පදිංචි වී සිට තිබේ.

ඇය රාත්‍රී සමාජ ශාලාවක සිදු වූ සිදු වීමක් මුල් කර ගෙන මෙම පුද්ගලයා සමග ආරවුලක් ඇති කර ගෙන ඇති අතර අද (28) දින අලුයම 02.00 ත් 03.00 ත් අතර කාළයේ ඇය සහ එම පුද්ගලයා සාන්ත සෙබස්තියන් දේවස්ථානයේ ඉදිරිපිටින් ගමන් කරන ආරක්ෂිත කැමරා දර්ශන සීදුව පොලිසිය විසින් සොයා ගෙන තිබේ.

ඒ අනුව මෙම දේවස්ථානය ඉදිරිපිට මාර්ගය අසළ දරුණු කැපුම් තුවාල සහිතව ඇය මරා දමා තිබුණි.

මීගමුව වැඩබලන මහේස්ත්‍රාත් ඉන්දික සිල්වා මෙම ස්ථානයට පැමිණ ස්ථානීය පරීක්ෂාව සිදු කළ අතර ඇයගේ සිරුර අධිකරණ වෛද්‍ය පරීක්ෂණය සදහා මීගමුව මහ රෝහල වෙත යොමු කර තිබේ.

Continue Reading

පුවත්

ජාතික ජන බලවේගය ශ්‍රේෂ්ඨාධිකරණයට

Published

on

By

ඉදිරි මැතිවරණ සමයේ  ආණ්ඩු පක්ෂයේ දේශපාලන පක්ෂවලට වාසි සහගත වන ආකාරයේ ව්‍යාපෘතීන් ක්‍රියාත්මක කිරීම සඳහා අනුමැතිය නොදෙන ලෙසත් මෙම කරුණට අදාළව මැතිවරණ කොමිෂන් සභාව විසින් නිකුත් කර ඇති ලිපියට අනුකූලව කටයුතු කරන ලෙසත් ජනාධිපති ලේකම් ඇතුළු පිරිසකට නියෝග නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබේ.

ජාතික ජන බලවේගයේ කඩුවෙල හිටපු නාගරික මන්ත්‍රී අසිත නිරෝෂන් මහතා විසින් පෙත්සම ඉදිරිපත් කළේය.

එහි වගඋත්තරකරුවන් ලෙස නීතිපතිවරයා, අග්‍රාමාත්‍යවරයා ඇතුළු අමාත්‍ය මණ්ඩල සාමාජිකයින්, ජනාධිපති ලේකම්වරයා, මුදල් අමාත්‍යාංශයේ ලේකම්වරයා ඇතුළු පිරිසක් නම්කර තිබේ.

මුදල් අමාත්‍යංශයේ ලේකම්වරයා විසින් 2024 අයවැය යෝජනා යනුවෙන් චක්‍රලේඛයක් නිකුත් කර ඇති අතර ඒ යටතේ ග්‍රාමීය ප්‍රදේශවල සංවර්ධන ව්‍යාපෘති ක්‍රියාත්මක කිරීමට යෝජනා කර ඇතැයි පෙන්වා දෙන පෙත්සම්කරු ඊට අමතරව “කඳුකර දශකය” නමින් තවත් චක්‍රලේඛයක් නිකුත් කරමින් ග්‍රාමීය ප්‍රදේශවල ජනතාවගේ ජීවන තත්ත්වය උසස් කිරීම සඳහා මූල්‍ය පහසුකම් ලබා දීමට යෝජනා කර ඇති බවත් සඳහන් කළේය.

මෙම ව්‍යාපෘති 2කම මෙම වසරේ ජූලි 31 වනදා වනවිට අවසන් කළ යුතු බවට ද නිවේදනය කර ඇති බවත් මෙම ව්‍යාපෘතී ඉටුකිරීම සඳහා ප්‍රජා කමිටුවලට මිලියන 10 බැගින් මුදල් වෙන්කිරීමටද තීරණය කර ඇති බවත් පෙත්සමේ සඳහන් වෙයි.

පළාත් පාලන ඡන්ද විමසීම සඳහා නාමයෝජනා බාරදුන් අපේක්ෂකයින් මෙම ප්‍රජා කමිටුවල කටයුතු කරන බවත් මෙම ව්‍යාපෘති හරහා ඔවුන්ට දේශපාලනික වශයෙන් වාසි ලබාගැනීමට අවස්ථාව ලැබෙන බවත් පෙත්සමේ පෙන්වා දී තිබේ.

එම නිසා එවැනි අපේක්ෂකයින්ට රාජ්‍ය ප්‍රතිපාදන වෙන්කිරීමට පියවර නොගන්නා ලෙස රාජ්‍ය ආයතන සහ ඒවායේ ප්‍රධානීන් දැනුවත් කරන්නැයි දන්වා මැතිවරණ කොමිසමේ සභාපතිවරයා විසින් ජනාධිපති ලේකම්වරයා වෙත ඉකුත්දා ලිපියක් යොමුකර තිබෙන බවත් පෙත්සම්කරු සඳහන් කරයි.

ඉදිරියේදී පැවැත්වීමට නියමිත ජනාධිපතිවරණයේදී හා පළාත් පාලන ඡන්ද විමසීමේදී දේශපාලන වාසියක් ලබාගැනීමේ අරමුණින් එම ව්‍යාපෘති ක්‍රියාත්මක කෙරෙන බවත් ඒ තුළින් සිය මූලික මිනිස් අයිතීන් උල්ලංඝනයවීමක් සිදුවන බවට තීන්දුවක් ලබාදෙන ලෙසත් පෙත්සම්කරු ශ්‍රේෂ්ඨාධිකරණයෙන් ඉල්ලා  සිටියි.

Continue Reading
Advertisement

Trending

Copyright © 2023 Sri Lanka Mirror. All Rights Reserved