Connect with us

පුවත්

මේ අවුරුද්දෙත් ආණ්ඩුවේ සුරාබදු ආදායම සරුසාරයි!

Published

on

අමුද්‍රව්‍ය මිල ඉහළ යෑම, ඉන්ධන හිඟය, රට අගුලු දැමීම ඇතුළු අභියෝගාත්මක තත්ත්වයන් රැසක් තිබියදී ද, වසර 2021 ලැබූ සුරාබදු ආදායමට සමාන මුදලක් මේ වසරේ මුල් මාස 11 තුළ එක් රැස් කර ගැනීමට සුරාබදු දෙපාර්තමේන්තුව සමත් වී තිබේ.

වසර 2021දී සුරාබදු දෙපාර්තමේන්තුව ලැබූ ආදායම රුපියල් බිලියන 139කි.

මේ වසරේ මුල් මාස 11 ඉක්ම යෑමට මත්තෙන් අපේක්ෂා කළ ආදායම් ඉලක්කය සපුරාලීමට හැකි වීම සතුටට කරුණක් බව සුරාබදු කොමසාරිස් ජනරාල් එම්.ජේ. ගුණසිරි මහතා කියා සිටී.

ඒ අනුව වසර 2022 අවසාන වන විට සුරාබදු ආදායම රුපියල් බිලියන 165ක ඉලක්කය ජය ගැනීමට හැකි වනු ඇතැයි ඔහු සඳහන් කළේය.

මෙලෙස ආදායම ඉතා ඉක්මනින් ඉහළ නංවා ගැනීමට මේ වසරේ ජනවාරි 03 වැනිදා පටන් ආරම්භ කළ දෙස් විදෙස් මත්පැන් සඳහා ස්ටිකර් ඇලවීමේ වැඩපිළිවෙළ හරහා ආදායම් කාන්දුව වැළැක්වීම ප්‍රබල හේතුවක් වූ බව ද කොමසාරිස් ජනරාල්වරයා කීය.

තම දෙපාර්තමේන්තුවේ ඇතැම් සුළු පිරිසක් වන නිලධාරීන් ස්ටිකර් ඇලවීමේ වැඩපිළිවෙළ කඩාකප්පල් කිරීමට නොයෙක් උත්සාහ ගත්ත ද ඉතා කැපවීමෙන් සහ වගකීමෙන් ක්‍රියා කරන බහුතර නිලධාරින්ගේ යහපත් ක්‍රියා කලාපය නිසා ආදායම වැඩි කර ගැනීමට හැකි වූ බව ද කීය.

විශේෂයෙන් වසර 2022 මුල පටන් මත්පැන් නිෂ්පාදන සඳහා අවශ්‍ය අමුද්‍රව්‍ය මිල, එතනෝල් මිල විශාල ලෙස ඉහළ යාම, ඉන්ධන හිඟය, රට අගුලු දැමීම, ජනතාවගේ ආදායම් වියදම් අතර පරතරය වැඩි ලෙස ඉහළ යමින් උද්ධමනකාරී තත්ත්වයක් ඇති වීම, වැට් බදු පැනවීම, සමාජ ආරක්ෂණ බදු පැනවීම සහ මත්පැන් මිල වසර තුළ තුන් වතාවක් ඉහළ යෑම, මත්පැන්වල ඉල්ලුම අඩු වීමට බලපෑ ප්‍රධාන කරුණු වේ.

ඒ අනුව පෙර වසරට වඩා 40%ක ඉල්ලුම අඩු වීමක් දක්නට ලැබේ.

Continue Reading

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved