මොණරාගල කොට්ටාශය භාර හිටපු ජේෂ්ඨ පොලිස් අධිකාරි සිසිල කුමාර මහතාගේ නිවසේ, සිවිලම මත තිබියදි, පොලිස් විශේෂ කාර්ය බලකායේ නිළධාරින් විසින් අත්අඩංගුවට ගන්නාලද ගංජා තොගය,ඒ මහතාට සැපයිම සම්බන්ධයෙන් සැකපිට ඇතිමලේ පොලිස්ථානයේ ස්ථානාධිපති පොලිස් පරික්ෂක සංජය ධර්මදාස මහතා අපරාධ පරික්ෂන දෙපාර්තමේන්තුවේ නිළධාරින් පිරිසක් විසින් ඊයේ (12) රාත්‍රියේ අත්අඩංගුවට ගනු ලැබුහ.

ඇතිමලේ පොලිසියේ ස්ථානාධිපතිවරයා, අපරාධ පරික්ෂණ දෙපාර්තමේන්තුවේ නිළධාරින් විසින් සැකපිට අත්අඩංගුවටට ගෙන ඇත්තේ, දැනට රැදවුම් නියෝග මත, අපරාධ පරික්ෂණ දෙපාර්තමේන්තුවේ නිළධාරින් විසින් පස්සර පොලිස්ථානයේ රදවාගෙන ප්‍රශ්ණ කරන හිටපු මොණරාගල කොට්ඨාශය භාර ජේෂ්ඨ පොලිස් අධිකාරිවරයාගේ ප්‍රකාශයකට අනුවය.

මොණරාගල හිටපු කොට්ටාශය භාර ජේෂ්ඨ පොලිස් අධිකාරිවරයාගේ නිවසේ සිවිලිම තුල සගවා තිබියදි, පොලිස් විශේෂ කාර්ය බලකායේ විශේෂ පොලිස් කන්ඩායමක් විසින් ඉකුත් ජනවාරි 08දා, අත්අඩංගුවට ගන්නා ලද තරමක් වියලි ගංජා ප්‍රමානය කිලෝග්‍රෑමි 23කි.

ඇතිමලේ පොලිසියේ, පොලිස් නිළධාරින් පිරිසක් විසින් ඉකුත් 06 දා ඇතිමලේ කැබිලිත්ත ප්‍රදේශයේ සිදුකල වැටලිමකදි ගංජා හේනක් වටලා, මෙම ගංජා තොගය කපා, ට්‍රැක්ටර් රථයක පටවා පොලිසියට රැගෙනවිත් තිබු අතර, ඉන් කොටසක් ඇතිමලේ පොලිසියේ ජිප් රථයෙන්,මොණරාගල හිටපු ජේෂ්ඨ පොලිස් අධිකාරිවරයාට රැගෙනවිත් භාර දි තිබුනේ, හිටපු ජේෂ්ඨ පොලිස් අධිකාරිවරයාගේ නියෝග මතය.

හිටපු ජේෂ්ඨ පොලිස් අධිකාරිවරයා, ඇතිමලේ පොලිසියේ නිළධාරින්ට පවසා ඇත්තේ, මෙම ගංජා ජනමාධ්‍යයටද පෙන්වා ඔවුන් ඉදිරිපිට විනාශකිරිම සදහා අත්අඩංගුවට ගන්නා ලද මෙම ගංජා වලින් කොටසක් තමන්ට ගෙනවිත් භාර දෙන ලෙසය.

අපරාධ පරික්ෂණ දෙපාර්තමේන්තුවේ නිළධාරින් විසින් අත්අඩංගුවට ගන්නා ලද සැකකාර ඇතිමලේ පොලිසියේ ස්ථානාධිපතිරයා, අද (13) අධිකරනය හමුවට පැමිණවිමට නියමිතය. 

මේ අතර අපරාධ පරික්ෂන දෙපාර්තමේන්තුවේ අත්අඩංගුවේ සිටින මොණරාගල හිටපු ජේෂ්ඨ පොලිස් අධිකාරිවරයා සමග එක්ව, නිදන් ජාවාරමේ නියැලිම සමිබන්ධයෙන් මොණරාගල කොට්ඨාශයයේ තවත් පොලිස්ථානයක ස්ථානාධිපතිවරයකු අද, හෙටම අපරාධ පරික්ෂණ දෙපාර්තමේන්තුවේ නිළධාරින් විසින් අත්අඩංගුවට ගැනිමට නියමිත බව පොලිස් ආරංචි මාර්ග පවසයි.

(ලංකාදීප)