Connect with us

පුවත්

යාපනය සරසවියේ අඩු ආදායම්ලාභී සිසුසිසුවියන්ට මූල්‍ය සවියක්

Published

on

යාපනය විශ්ව විද්‍යාලයේ අධ්‍යාපනය ලබන අඩු ආදායම්ලාභී පවුල්වල ශිෂ්‍ය ශිෂ්‍යාවන් සඳහා නව මූල්‍ය යෝජනා ක්‍රමයක් ආරම්භ කිරීමට මෙරට පිහිටි ඉන්දීය මහ කොමසාරිස් කාර්යාලය පියවර ගෙන තිබේ.

ඉන්දීය මහ කොමසාරිස් – ගෝපාල් බාග්ලේ මහතාගේ ප්‍රධානත්වයෙන් අද (01) පැවති මෙම අවස්ථාවට යාපනය සරසවියේ උප කුලපති – මහාචාර්ය එස්. ශ්‍රීසත්ගුණරාජා මහතා, පීඨාධිපතිවරු සහ ප්‍රතිලාභ හිමිවන සිසු සිසුවියන් සහභාගී විය.

මෙහිදී ඉන්දීය මහ කොමසාරිස් කාර්යාලය විසින් රු. මිලියන 03ක ප්‍රදානයක් සිදුකරනු ලැබීය.

එසේම, Knowledge India සංචාරක වැඩසටහන යටතේ ඉන්දියාවේ සංචාරය කිරීම සඳහා ලිපි ද විශ්ව විද්‍යාලයේ මහාචාර්යවරුන් දෙදෙනෙකුට මහකොමසාරිස්වරයා විසින් මෙහිදී ප්‍රදානය කෙරුණි. මෙම වැඩසටහන ඉන්දියානු සංස්කෘතික සබඳතා සඳහාවු කවුන්සිලය විසින් සංවිධානය කරන්නකි.

(ඡායා : ඉන්දීය මහ කොමසාරිස් කාර්යාලයේ X ගිණුමෙනි)

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved