පුවත්
බහාලුම් පුරවා රටින් ගෙනත් අතේ මාට්ටු වූ හොර බඩුවල NOLIMIT ලේබල්!
රේගුවට ව්‍යාජ තොරතුරු ඉදිරිපත් කර වෙළෙඳාම සඳහා ආනයනය කරන ලද රුපියල් කෝටි විස්සකට අධික වටිනාකමකින් යුතු භාණ්ඩ තොගයක් රේගු අභ්‍යන්තර කටයුතු ඒකකයට ලද තොරතුරකට අනුව එම නිලධාරීන් භාරයට ගෙන තිබේ.
අඩි 40ක් දිගැති බහලුම් දෙකක තිබී රේගුව විසින් මෙම භාණ්ඩ තොගය සොයාගෙන ඇති අතර මෙවැනි භාණ්ඩ සහිත තවත් බහලුම් 03ක් තිබෙන බවත්, ඒවා ඉදිරියේදී පරීක්ෂාකර නීතිමය පියවර ගන්නා බවත් රේගුව සඳහන් කියා සිටී.
මෙසේ සොයාගන්නා ලද එක් බහාලුමක තිබී මෙරට ප්‍රධානතම ඇඟළුම් ආයතනයක් වන නොලිමිට් (NOLIMIT) නැමැති ආයතනයේ ලේබල (Tag) යොදන ලද සපත්තු ද සොයාගෙන ඇති අතර එම බහාලුම තුළ තිබී තවත් සුවඳවිලවුන් තොගයක්ද සොයාගෙන තිබේ.
අනෙක් බහලුම්වල තිබූ විශාල පෙට්ටි තුළ වෙළෙඳාම සඳහා ආනයනය කරන ලද විවිධ වර්ගයේ භාණ්ඩ රැසක් ද සොයාගෙන ඇත.
එම භාණ්ඩ අතර පාවහන්, මුහුණු ආලේපන, මිල අධික සුවඳ විලවුන්, සත්ව ආහාර, නිමි ඇඳුම්, වියළි කහ කැබලි, මිලෙන් අධික චොකලට් ආදිය ද තිබීම විශේෂිතය.
මෙලෙස රේගු භාරයට ගන්නා ලද පාර්සල් තොගය කොළඹ, බ්ලූමැන්ඩල් ප්‍රදේශයේ පිහිටි භාණ්ඩ නිෂ්කාශනය කරන පෞද්ගලික ආයතනයකදී කම්කරු ඇමැති සහ ආර්ථික සංවර්ධන නියෝජ්‍ය ඇමැති මහාචාර්ය අනිල් ජයන්ත මහතා ඊයේ (27) දහවල් පරීක්ෂා කළේය.
එම අවස්ථාවට ජනාධිපති ලේකම් ආචාර්ය නන්දික සනත් කුමානායක මහතා, රේගු අධ්‍යක්ෂ ජනරාල් සරත් නෝනිස් මහතා, රේගු මාධ්‍ය ප්‍රකාශක, අතිරේක රේගු අධ්‍යක්ෂක ජනරාල් සීවලී අරුක්ගොඩ මහතා ඇතුළු පිරිසක් සහභාගී වූහ.
මැද පෙරදිග ඇතුළු රටවල සේවය නිමවා මෙරටට පැමිණෙන පිරිස් එරටදී භාවිත කරන ලද භාණ්ඩ ගුදම් මගින් නිෂ්කාශනය කෙරේ. ඒ අනුව මෙම භාණ්ඩ ඩුබායි, මැලේසියාව, තායිලන්තය ආදී රටවල සිට මෙරටට ගෙන්වා තිබිණි.
මෙම භාණ්ඩ නම්කර ඇත්තේ ‘කැටුව නොයන ගමන් භාණ්ඩ’ ලෙසයි.
එලෙස රේගුවට ව්‍යාජ තොරතුරු ඉදිරිපත් කර වෙළෙඳ වටිනාකමක් සහිත භාණ්ඩ තොගයක් බහලුම්වල පටවා ආනයනය කර තිබිණි.
මෙම භාණ්ඩවල භාරකරුවන් ලෙස යොදා තිබූ ලිපින සහ නම් ව්‍යාජ ඒවා බවද එම භාණ්ඩ භාර ගැනීම සඳහා පැමිණෙන ලෙස අදාළ ලිපිනයන්ට දැනුම් දුන්නද මෙතෙක් කිසිවකු නොපැමිණි බවද රේගුව සඳහන් කළේය.
ආනයනය කර තිබූ විවිධ වර්ගයේ සුවඳ විලවුන්, මුහුණු ආලේපන ආදිය සඳහා ජාතික ඖෂධ නියාමන අධිකාරියේ (NMRA) අවසරයක් ලබාගෙන නොමැති බැවින් ඒවා ඉදිරියේදී රාජසන්තක කර විනාශ කරන බවද රේගු නිලධාරිහු සඳහන් කළහ.
තවද මෙම භාණ්ඩ තොගය රේගු භාරයට නොගත්තේ නම් රජයට අහිමිවීමට තිබූ බදු මුදල අති විශාල බවද ඔවුහු පැවසූහ.
විදෙස් රටක සිට පාවහන් ආනයනය කිරීමේදී පාවහන් යුවළක් සඳහා සෙස්, වැට් ඇතුළු සියලු බදු ලෙස රුපියල් 1,200 ක පමණ මුදලක් රජයට ගෙවිය යුතුය. එ
මෙන්ම රූපලාවණ්‍ය ආලේපන ආනයනය කිරීමේදී කිලෝග්‍රෑමයකට රුපියල් 1,500 ක පමණ බදු මුදලක් රජයට ගෙවිය යුතුය.
මෙලෙස රේගුවට ව්‍යාජ තොරතුරු ඉදිරිපත් කර ඇත්තේ ඒවායින් අධික ලාභයක් ඉපැයීමේ අරමුණින් බව රේගු නිලධාරිහු කීවෝය.
මේ අතර, රේගු ආරංචි මාර්ගවලින් වාර්තාවන්නේ බදු වංචාකරමින් කටයුතු කිරීම සම්බන්ධයෙන් මෙරට විශාල ඇඟලුම් ආයතන කිහිපයකටම මීට පෙරද චෝදනා එල්ලවී ඇති බවයි.
වසර 1992 දී දෙහිවල දී සේවකයින් පස් දෙනෙකුගෙන් යුත් තනි සාප්පුවක් ලෙස ආරම්භ කරන ලද නොලිමිට් ආයතනය මේවන විට දිවයින පුරා පිහිටි ඇඟලුම් සාප්පු ජාලයක් බවට පත්ව තිබේ.
නොලිමිට් හි නිර්මාතෘ සහ සභාපති මෙන්ම ප්‍රධාන විධායක නිලධාරියා වන්නේ ද එන්.එල්.එම්. මුබාරක් මහතාය.
බාල එන්නත් සිද්ධියට කෙහෙළියට අධිචෝදනා ගොනු කරන්න යයි
කොටස් වෙළෙඳපොළ ඉතිහාසයේ ඉහළම අගයට
වැස්සෙන් වුන වගා හානි ගැන කියන්න 1918 ට කතා කරන්න
-
පුවත්3 days agoකඩුවෙල NSB බැංකු ශාඛාවේ කෝටි 13ක වංචාවේ කත රිමාන්ඩ්
-
කැබිනට් තීරණ16 hours agoබඩඉරිඟු ආනයනයට කැබිනට් අනුමැතිය
-
පුවත්6 days ago“පත්තර මල්ලී” හෙටින් ඉවරයි
-
පුවත්7 days agoNEXTට පසු සේවක බිල්ල වැලිගම MICHELIN?; MICHELIN හි වැඩි කොටස ඉන්දියානු සියැට් ගනියි
-
පුවත්5 days agoආනයනික පළමු පොල් කිරි තොගය හෙට මුදා හැරේ