Connect with us

පුවත්

රුපියල් මිලියන පන්සීයක් වැඩිපුර ගෙවා ප්‍රතිජීවක ඖෂධයක් ගේන්න යයි!

Published

on

රුපියල් මිලියන පන්සීයක් වැඩිපුර ගෙවා ප්‍රතිජීවක ඖෂධයක් මිලදී ගැනීමේ සූදානම ගැන වහාම පරීක්ෂණයක් පවත්වන ලෙස වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තිය සමිති සන්ධානය ජනාධිපතිවරයාගෙන් ඉල්ලා සිටියි.

කොළඹදී ඊයේ(24) පැවැති මාධ්‍ය සාකච්ඡාවකදී එම සන්ධානයේ විශේෂඥ වෛද්‍ය ජී.ජී. චමල් සංජීව ප්‍රකාශ කළේ ඇමැතිවරයා හා නිලධාරින්ගේ ටෙන්ඩර් මෙම කඹ ඇඳීමෙන් ප්‍රතිජීවක ඖෂධ හිඟයක් නිර්මාණය වන බවයි.

මේ වන විට Cefuroxime කාණ්ඩයේ ප්‍රතිජීවක ඖෂධ ලක්ෂ 25ක එන්නත් තොගයක් මිලදී ගැනීම සඳහා ටෙන්ඩර් කැඳවීමක් කර ඇති බවත් ඩොලර් සත විසිපහට මිලදී ගැනීම සඳහා ඉදිරිපත් වූ සමාගම වෙනුවට ඩොලර් සත 75කට ඉදිරිපත් වූ සමාගමට ටෙන්ඩර් ලබා දීම සඳහා අදිසි හස්තයක් ක්‍රියාත්මක වන්නේදැයි සැකයක් නිර්මාණය වන අන්දමට සෞඛ්‍ය අමාත‍්‍යංශය කටයුතු කරන බවද වෛද්‍යවරයා පෙන්වා දුන්නේය.

අඩු මුදලට ඖෂධ ලබාදීමට ඉදිරිපත් වී ඇති සමාගම් හරහා මීට පෙර එන්නත් අනූදහසකට ආසන්න ප්‍රමාණයක් මිලදී ගෙන ඇතත් අදාළ එන්නත් ලක්ෂ 25 ක ප්‍රමාණය මිලදී ගැනීමේදී අඩු මුදලට ලබා දී ඇති සමාගම හා ගුණාත්මකභාවය ප්‍රශ්න කරමින් වැඩි මුදලට ලබාදෙන සමාගම නිර්දේශ කිරීමට සෞඛ්‍ය අමාත්‍යාංශයේ ටෙන්ඩර් කමිටු ක්‍රියාත්මක වන්නේ ඇයි දැයි යනුවෙන් ඔහු ප්‍රශ්න කළේය.

මෙම ප්‍රශ්න සහගත ගනුදෙනුවෙන් අනතුරුව ජනාධිපති ලේකම් කාර්යාලයේ ප්‍රසම්පාදන අභියාචනා කමිටුව වෙත නිර්දේශය ලබාදෙන ලෙස ඉල්ලීමක් කර ඇති බව වාර්තා වන බවද හෙතෙම කීය. 

අදාළ නිර්දේශය කැබිනට් මණ්ඩලයට යොමු කොට ක්‍රියාත්මක කරනවා වෙනුවට අමාත්‍යවරයා වැඩි මුදලට ටෙන්ඩර් ලබාදීමට උත්සුක වන්නේ නම් ජනාධිපතිවරයා සෘජුව මැදිහත් වී මෙම ගනුදෙනුව ගැන විමර්ශනය කළ යුතු බවද ඒ මහතා අවධාරණය කළේය.

මීට පෙර ශ්‍රී ලංකාවට හදිසි ඖෂධ මිලදී ගැනීමේදී ඖෂධවල ගුණාත්මක භාවය විද්‍යාත්මකව පරීක්ෂා කිරීමට වේලාවක් නොමැති බව කියා ලිපිගොනු පරීක්ෂාවෙන් පමණක් ඖෂධ ගැනීමට යන බව සෞඛ්‍ය අමාත්‍යවරයා හා ඖෂධ නියාමන අධිකාරියේ නිලධාරීන් ප්‍රකාශ කර තිබූ බව වෛද්‍යවරයා කීය. 

මෙම ගනුදෙනුවේදී ඖෂධ නියාමන අධිකාරිය රසායනාගාර වාර්තාවලට ප්‍රමුඛතාවක් ලබාදිය යුතු බවට නිර්දේශ නිකුත් කිරීම අවශ්‍ය වූ විට එය කබරගොයා තලගොයා කර ගැනීමක් යැයි ද වැඩිදුරටත් පැවැසීය.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved