Connect with us

පුවත්

රුපියල් 55කට වැඩියෙන් බිත්තර ගන්න එපා!

Published

on

රුපියල් 55.00 කට වඩා වැඩි මිලකට බිත්තර මිලදී නොගන්නැයි සමස්ත ලංකා බිත්තර නිෂ්පාදකයන්ගේ සංගමයේ සම ලේකම් දුමිෂ්ක සුභසිංහ මහතා ඉල්ලා සිටී.

ගොවිපොළක බිත්තරයක් නිෂ්පාදනය කිරීම සඳහා වැයවන්නේ රුපියල් 46.95 ක් බවත්, ගොවිපොළෙන් වෙළෙන්දන්ට බිත්තරයක් අලෙවි කරනු ලබන්නේ රුපියල් 49.00 කට බවද, සම ලේකම්වරයා පවසයි.

කොළඹ බිත්තර හිඟයට හේතුව මෙම උත්සව සමයේදී බේකරිවලට දෛනිකව බිත්තර ලක්ෂ 30 කට අධික ප්‍රමාණයක් සැපයීම බවත්, ලබන වසරේ (2023) අලුත් අවුරුදු සමය වන විටදී බිත්තර හිඟය සහ මිල ඉහළ යෑම සම්පූර්ණයෙන්ම විසඳෙනු ඇතැයි ඔහු කියා සිටී.

උත්සව සමයේ කේක් සහ බිස්කට් ආදී විවිධ රස කැවිලි නිෂ්පාදනය සඳහා බේකරිවලින් බිත්තර ඉල්ලුම වැඩිවී තිබෙන බවද ඔහු සඳහන් කරයි.

රටේ කොවිඩ් වසංගතයට පෙර දිනකට බිත්තර ලක්ෂ 85 ත් 90 ත් අතර ප්‍රමාණයක් නිෂ්පාදනය කළ නමුත්, බිත්තර සඳහා නිසි මිලක් නොමැතිවීම නිසා කුකුළු ගොවිපොළ හිමියන් සතුන් මසට අලෙවි කිරීම නිසා බිත්තර නිෂ්පාදනය කඩා වැටුණු බවද ඔහු කියා සිටී.

ඇතැම් සිල්ලර වෙළෙඳුන් සහ අතරමැදියන් බිත්තර මිල කූඨ ලෙස රුපියල් 57.00 ක් දක්වා ඉහළ දමා තිබෙන බවත්,ඇතැම් අතරමැදියන් කුකුළු ගොවිපොළ හිමියන්ගෙන් බිත්තරයක් රුපියල් 52.00 කට හෝ 53.00 කට මිලදී ගෙන බිත්තර මිල ඉහළ දැමීමේ උත්සාහයක නිරත වන බවද ඔහු කීවේය.

කෙසේ නමුත්, බිත්තර මිල මේ මස 25 වැනිදායින් පසුව යම් අඩුවීමක් සිදුවනු ඇති බවට අපේක්ෂා කරන සම ලේකම්වරයා කුකුළු පැටවුන් නඩත්තු වියදම මේ වන විට තුන් ගුණයකින් ඉහළ ගොස් ඇතැයිද කියා සිටී.

පුවත්

වෙසක් වෙනුවෙන් බඩු මිල පහලට

Published

on

By

එළඹෙන වෙසක් උත්සවය අරමුණු කරගනිමින් ලංකා සතොස ආයතනය භාණ්ඩ කිහිපයක මිල අඩු කර තිබේ.

Continue Reading

පුවත්

“ග්‍රාම නිලධාරීන්ගේ ප්‍රශ්නය ගැන බලන්න”

Published

on

By

ග්‍රාම නිලධාරීන්ගේ ප්‍රශ්න විසඳුවේ නැතොත් ඔවුන්ගේ වෘත්තිය ක්‍රියාමාර්ග දැඩි කරන බව පවසා ඇතැයි ජාතික ජන බලවේගයේ මන්ත්‍රී අනුර දිසානායක මහතා පාර්ලිමේන්තුවේ දී පැවසීය.

ග්‍රාම නිලධාරී සේවය ස්ථාපිත නොවීම, අනන්‍ය වැටුප් නොලැබීම මෙන්ම රාජකාරී සදහා අයුතු බලපෑම් එල්ලවීම ආදී ගැටලු ග්‍රාම නිලධාරීන්ට මතුව තිබෙන්නේ යැයිද පසුගිය දිනවල ඔවුන් රාජකාරී නිවාඩු සහ අකුරට වැඩ කිරීමේ ක්‍රියාමාර්ග ගෙන තිබෙන්නේ යැයිද දිසානායක මහතා කීය.

ග්‍රාමීය මට්ටමේ රාජ්‍ය පරිපාලන නියෝජිතයා වන ග්‍රාම නිලධාරී සේවය පැය අටකට සීමා වන්නේ නැතැයි ද ඔවුන්ගේ වෘත්තීය ගැටලු දිගු කාලයක් තිස්සේ විසඳී නැතැයි ද දිසානායක මහතා පැවසීය.

Continue Reading

පුවත්

ධීවරයින්ට හදිසි දැනුම්දීමක්

Published

on

By

අද (22)  දින සිට ක්‍රියාත්මක වන පරිදි නැවත දැනුම්දෙනතුරු බහුදින ධීවර යාත්‍රා ඇතුළුව සියලුම ධීවර යාත්‍රා සඳහා රැකියාවට පිටත්වීම සඳහා අවසර ලබා නොදෙන බව ධීවර හා ජලජ සම්පත් දෙපාර්තමේන්තුව පවසයි.

අද මාධ්‍ය වෙත අදහස් දක්වමින් එම දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා මේ බව පැවසීය.

දිවයින වටා මුහුදු ප්‍රදේශවල ඉදිරි දින කිහිපයේදී දැඩි වර්ශාපතනයත් දැඩි සුළං තත්ත්වයක් ඇතිවිය හැකි බවට වාර්තාවීමත් සමග එම දෙපාර්තමේන්තුව මෙම තීරණය ගෙන ඇත.

එසේම මේ වනවිට රැකියාවේ නිරතව සිටින බහුදින ධීවර යාත්‍රා වෙත ද ආරක්‍ෂිත ප්‍රදේශ හරහා ගමන්කරන ලෙසට දැනුම්දී ඇති බව එහි අධ්‍යක්ෂවරයා වැඩිදුරටත් සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved