Connect with us

පුවත්

රූපවාහිනියේ මනි ලොන්ඩ්‍රියක් දාලා?: කාටද මේ බොරු කරන්නේ

Published

on

ශ්‍රී ලංකා රූපවාහිනි සංස්ථාව සතු ‘චැනල් අයි’ නාලිකාවේ ගුවන් කාලය බදු පදනම යටතේ ‘ලයිකා ගෲප්’ (LYCA)  වෙත ලබා දී ඇති ගිවිසුම මසක දැනුම්දීමකින් අවසන් කළ හැකි බවට විශයභාර අමාත්‍ය බන්දුල ගුණවර්ධන මහතා කියා සිටියද එය සැබෑ වශයෙන්ම බදු දී ඇත්තේ මාස තුනක කාලයකට බව රූපවාහිනියේ අභ්‍යන්තර ආරංචි මාර්ගවලින් වාර්තා වේ.

එසේම ඒ සඳහා අකුරු තුනක නමක් සටහන්ව ඇති සමාගමකින් රුපියල් මිලියන 50ක මුදලක් රූපවාහනියට මේවන විටත් ලබාදී ඇති අතර එම මුදල් රූපවාහිනිය විසින් මේවන විටත් වියදම්කර හමාර බව පැවසේ.

ඉන් රුපියල් මිලියන 25ක මුදලක් වැය කර ඇත්තේ රූපවාහිනියේ හිඟ විදුලි බිල්පත ගෙවා දැමීම සඳහාය.

ඒ අතරම තවත් රුපියල් මිලියන 25ක මුදලක් සටහන් කරන ලද ඉදිරියට නිදහස් කර ගැනීමට ඇති චෙක් පතක් ද මේ බදු දීම වෙනුවෙන් අකුරු තුනක් සඳහන් සමාගම විසින් ලබාදී තිබේ.

රුපවාහිනීයේ වත්මන් සභාපති හා අධ්‍යක්ෂ ජනරාල් තනතුරු දෙකම දරනු ලබන ද්විත්ව පුරවැසියකු වන ආචාර්ය ප්‍රසාද් සමරසිංහ මහතා විසින් අදාළ සියලු සැලැසුම් සකස් කර ඇති බව පැවසේ.

එසේම ලොව පුරාම ලයිකා ආයතනයට එල්ලව ඇති ප්‍රධාන චෝදනාවක් වන කළු සල්ලි සුදු කිරීමේ කටයුතු සඳහා මෙසේ වැඩිපුර මුදල් ලබා දුන්නේද යන්න පිළිබව ද එම ආයතනයේ සේවකයන්ට සැකයක් මතුව තිබේ.

මේ අතර, රූපවාහනියේ සභාපති මේවන විට වැඩිපුර ලබාගත් මුදල වන මිලියන 50 ක මුදල නැවත වරක් අකුරු තුනක නම සඳහන් සමාගමට ලබාදීමට සූදානම් වන්නැයි රූපවාහිනියේ කාර්යය මණ්ඩලයට දන්වා ඇති බව පැවසේ.

කෙසේවුවද, ලයිකා වෙත ප්‍රසාද් චැනල් අයි නාලිකාව බදු දී ඇත්තේ පසුගිය පෙබරවාරි මාසයේදී එය බදුදීම සඳහා ටෙන්ඩරයක් කැඳවා ඒ සඳහා අයැදුම්පත් දෙකක් ඉදිරිපත්ව තිබියදීය.

එසේ අයැදුම්පතක් ඉදිරිපත් කළ ආයතන අතර ලයිකා නොතිබූ බවද පැවසේ.

චැනල් අයි දෙනව කියල ස්විච් කළේ නේත්‍රා

මේ අතර, චැනල් අයි නාලිකාව බදු දුන් බවට අමාත්‍යවරයා ඇතුළු පිරිසට ආචාර්ය ප්‍රසාද් සමරසිංහ මහතා විසින් දැනුම් දී තිබුණ ද ලයිකා වෙත ඇත්තටම ලබා දී ඇත්තේ මුළු දිවයිනම ආවරණය වන නේත්‍රා හි සංඛ්‍යාත බවද මේ වන විට හෙළිව තිබේ.

චැනල් අයි නාලිකාව සතු සංඛ්‍යාත මුළු දිවයිනම ආවරණය නොවීම එසේ සිදු කිරීමට හේතුව බව පැවසේ.

සමරසිංහ චීනයට පැනලා

මේ අතර, අදාළ ගිවිසුමට කැබිනට් අනුමැතිය ලබා ගැනීමට නොහැකිවුවහොත් ඒ සම්බන්ධයෙන් ඇති වන තත්ත්වය සමනය කර ගැනීම සඳහා ආචාර්ය ප්‍රසාද් 16 වැනිදා සිට විදේගතවීමට කර තිබූ සැලැසුමට අනුව ඔහු ඊයේ (15) රාත්‍රියේ විදෙස්ගතව ඇතැයි පැවසේ.

ඔහු මෙසේ විදෙස්ගතව ඇත්තේ චීන රූපවාහිනියකින් නොමිලේ ලබාදෙන වීඩියෝ වැඩසටහන් කිහිපයක් සඳහා ගිවිසුම් අත්සන් කිරීම වැනි අනවශ්‍ය කාරණාවකට බවද පැවසේ.

රූපවාහිනී වැඩසටහන් ලබා ගැනීම වැනි කාර්යන්වලට මීට පෙර සාමාන්‍යයෙන් වැඩසටහන් ප්‍රධානියා හා එම වැඩසටහන් වලට අදාල ඒකක ප්‍රධනියා සහභාගි වුවත් මෙවර ආචාර්ය ප්‍රසාද් හා ඔහුගේ කිට්ටුවන්තයකු වන මොතිලාල් හිස්වැල්ල (අන්තර් ජාතික කටයුතු ඒකක ප්‍රධානියා) සහභාගි වීම සම්බන්ධයෙන්ද රූපවාහිනී සේවකයන්ගේ අප්‍රසාදය මතුව තිබේ.

මෙහි වඩාත් හාස්‍යජනක තත්ත්වය වන්නේ මේ වන විටත් එම වැඩසටහන් රූපවාහිනියට මීටර් 500ක් පමණ ඈතින් පිහිටි මෙරට චීන තානාපති කාර්‍යාලයට සපයා තිබියදීත්, අදාළ ගිවිසුම අවශ්‍යනම්  zoom තාක්ෂණය ඔස්සේ අත්සන් කිරීමට අවස්ථාව තිබියදීත් මෙසේ එය අත්සන් කිරීමට චීනයට යාමයි.

රූපවාහිනීයේ දැඩි ඉල්ලීම මත චීන රූපවාහිනිය ඔවුන්ට මෙම සංචාරය සංවිධානය කර ඇති බවද එරටින් ලැබෙන ආරංචි මාර්ගවලින් වාර්තා වේ.

එසේම ‌ප්‍රසාද් හා මොතිලාල් මෙසේ විදෙස්ගතව ඇත්තේ වැඩසටහන් ප්‍රධානියා වන සුමේධ හා හඩකැවීම් එකක ප්‍රධානි වජිරා කුමාරි විතානගේ යන ‌දෙදෙනා මේ සදහා විරුද්ධත්වය ප්‍රකාශකර තිබියදී බවද පැවසේ.

සබැඳි පුවත්

බද්දට දුන්නෙ අයි නාලිකාවේ ගුවන්කාලය – බන්දුල (වීඩියෝ)
ලයිකා හා ප්‍රසාද්‌‌ගේ ඩීල් එක අගමැති කැබිනට්ටුවේදී කුඩුකරයි

රූපවාහිනියට ප්‍රසාද්; ලේක්හවුස් ඒකට කාරියවසම්; දෙන්නම බන්දුලගේ යාළුවෝ 

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved