Connect with us

පුවත්

රූප සුන්දරීට පෙම්වතුන් ගුටි ඇනගෙන; අනුග්‍රහය ශ්‍රීලංකන්?; සුන්දරී ඇන්ජලියා

Published

on

ඇමරිකාවේ සවුත්බීච් වැන්ඩර්බිලට්හි පැවති ”මිස් ශ්‍රී ලංකා නිව්යෝර්ක්” තරගාවලිය පැවැත්වෙන අතරතුර එම තරගයට සහභාගී වූ තරගකාරියකගේ කලින් පෙම්වතා සහ වත්මන් පෙම්වතා ඇතුළු පිරිසක් අතරේ ඇතිවූ ගැටුමකින් එම තරගය පැවැත්වූ උත්සව ශාලාවට දැඩි අලාභ හානි සිදුව ඇති බව වාර්තා වේ.

එම ගැටුම ඇති කරගෙන ඇත්තේ ඇමරිකාවේ සැටර්න් අයිලන්ඩ් සහ ක්වීන්ස් යන ප්‍රදේශ දෙකේ ජීවත්වන ලාංකිකයන් දෙපාර්ශ්වයක් අතරය.

එම සිදුවීමෙන් පසුව සැටර්න් අයිලන්ඩ් හි තිබෙන සුඛෝපභෝගී උත්සව ශාලා 05 ම නිවේදනයක් නිකුත් කර ඇත්තේ මින් පසු ශ්‍රී ලංකාවේ පුද්ගලයන් මැදිහත්වීමෙන් පවත්වන කිසිඳු උත්සව අවස්ථාවකට තම උත්සව ශාලාව ලබා නොදෙන බවය.

එසේම මෙම ගැටුම ඇති කරගත් උත්සව ශාලාව ආසන්නේ බෞද්ධ විහාරස්ථානයක්ද තිබෙන අතර එම විහාරස්ථානයද නිවේදනය කර ඇත්තේ මේ දිනවල එහි කඨින පින්කම් පැවැත්වෙන බවත් මින් පසු කිසිඳු මහජන ඒකරාශී කටයුත්තක් ඒ ආසන්නයේ සිදුනොවිය යුතු බවය.

මෙම කණ්ඩායම් දෙක අතර ඇතිවූ ගැටුම හේතුවෙන් එහි සිටි පනහකට අධික පිරිසකට තුවාල සිදුව ඇත.

මෙම උත්සව ශාලාවේ සිටි ආරක්ෂක නිලධාරීන් විසින් ගැටුම ඇති කරගත් සියලුම දෙනා ඉන්පසුව ශාලාවෙන් එළියට දමා ඇත.

තරග පැවැත්වූ උත්සව ශාලාවෙන් බැහැරව මහමගට පැමිණද මෙම පිරිස් ගැටුම් ඇති කරගත් ආකාරය පිළිබදව වීඩියෝවක් සමාජ මාධ්‍ය මගින් මේ වන විට ප්‍රචාරය වේ.

එහි දැක්වෙන්නේ ශාලාවේ තිබූ සැරසිලි අලංකරණ විදුරු භාණ්ඩ ඇතුළු වටපිටාවේ තිබූ සියලුම භාණ්ඩවලට ගැටුම ඇති කරගන්නා පිරිස අලාභ හානි කරන ආකාරයය.

කෙසේවෙතත් මෙම ස්ථානයට පොලිස් නිලධාරින් පැමිණ ඇති අතර දෙපාර්ශ්වයම සාමදාන වීමට එකඟවූ නිසා කිසිවෙකු අත්අඩංගුවට ගෙන නොමැත.

කෙසේ වෙතත් මෙම උත්සවයේ ප්‍රධාන ආරාධිත අමුත්තා ලෙස සහභාගී වී ඇත්තේ එක්සත් ජාතීන්ගේ නිත්‍ය නියෝජිත මොහාන් පීරිස් වන අතර මෙම උත්සවය සඳහා අනුග්‍රහය දක්වා ඇත්තේ ශ්‍රී ලංකා එයාර් ලයින් ආයතනයේ ඉහළ නිලධාරියෙකු බව වාර්තා වේ.

මේ අතර මිස් ශ්‍රී ලංකා නිව් යෝර්ක් ලෙස කිරුළු පැළඳ ඇත්තේ ඇන්ජලියා ගුණසේකර වන අතර මෙවැනි තරගයක් එරට සංවිධානය කර ඇත්තේ පළමු වරටය.

මෙම තරගය සඳහා තරගකාරියන් 14 දෙනකු සහභාගී වී ඇති අතර එම අවස්ථාව සඳහා 300කට අධික පිරිසක් පැමිණ සිටිබව පැවසේ.

මූලාශ්‍රය – අරුණ

Continue Reading

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved