පුවත්

රොෂාට ඇමතිකම නැතිවූ ඇත්ත හේතුව; සජබය – එජාපය හා දීග යයි?

Published

2 years ago

December 4, 2023

editor

හිටපු ක්‍රීඩා ඇමැති රොෂාන් රණසිංහ මහතා අදාළ ධූරයෙන් ඉවත් කිරීමට හේතුවී ඇත්ත‌ේ ඔහු විපක්ෂනායක සජිත් ප්‍රේමදාස මහතාගේ සහය ඇතිව ඉන්දීය තානාපති කාර්යාලය අමතා ක්‍රිකට් තහනම ඉවත් කර ගැනීමට ජේ. ෂාගේ සහයෝගය ලබාදෙන්නැයි කරන ලද ඉල්ලීමක් හේතුවෙන් බවට රාවයක් පැතිර තිබේ.

ඉන්දීය තානාපති කාර්යාලය ඔස්සේම මෙම සිදුවීම සම්බන්ධව ජනාධිපතිවරයාට තොරතුරු ලැබීමත් සමඟ ජනපතිවරයා හිටපු ක්‍රීඩා අමාත්‍යවරයා අවසන් වරට සහභාගී වූ කැබිනට් හමුවේදී මේ පිළිබඳ ප්‍රශ්න කර ඇතැයි ද පැවසේ.

එම ප්‍රශ්නවලට නිසි පිළිතුරක් ලබාදීමට රොෂාන් අපොහොසත්ව ඇති බවට ද මාධ්‍ය වාර්තා පැතිර තිබේ.

මීට අමතරව විපක්ෂයට සහයෝගය දැක්වීම, වාරිමාර්ග අමාත්‍යවරයා ලෙස සිය හිතවතුන්ට ඥාතීන්ට ඉඩම් ලබාදීම ආදී චෝදනා රොෂාන් රණසිංහ වෙත මේවන විට එල්ලව ඇතැයි පැවසේ.

එසේම හිටපු ක්‍රීඩා ඇමතිවරයා ආණ්ඩුපක්ෂයේ කිසිදු අයකුට නොදන්වා විපක්ෂ නායක කාර්යාලයට ‌‌ගොස් එහි සාකච්ඡාවක් පවත්වා ඇති බවට ද ඔහුට චෝදනාවක් එල්ලව තිබේ.

තත්ත්වය එසේ තිබියදී අද දෙරණ වාර්තා කර ඇත්තේ එක්සත් ජාතික පක්ෂය සහ සමගි ජන බලවේගය එක්කිරීමේ උත්සහයක් පවතින බවයි.

මෙහි මුලිකත්වය මලික් සමරවික්‍රම මහතා විසින් ගෙන ඇති අතර මේ සඳහා තවත් කිහිපදෙනෙකු එක් වී ඇති බවද එහි දැක්වේවේ

ජනාධිපති රනිල් වික්‍රමසිංහ මහතාගේ මෙන්ම විපක්ෂ නායක සජිත් ප්‍රේමදාස මහතාගේ සමීපතමයෙකු වන මලික් සමරවික්‍රම මහතා එක්සත් ජාතික පක්ෂ පාලන සමය තුළ අමාත්‍යවරයෙකු ලෙස ද කටයුතු කළේය.

කෙසේ වෙතත් මෙම ක්‍රියාදාමය සඳහා සමගි ජනබලවේගය පක්ෂයේ සැලකිය යුතු පිරිසකගේ කැමැත්ත පළ වී ඇති බවද අද දෙරණ කියයි.

එහෙත් විපක්ෂ නායකවරයා මේ සම්බන්ධයෙන් අවසන් එකඟතාවක් පළ කර නොමැති බවද එහි දැක්වේ.

මේ අතර, මධ්‍යස්ථ විචාරකයින් පවසන්නේ සමගි ජන බලවේගයට එජාපය සමඟ එක්වුවහොත් පොහොට්ටු පක්ෂයේ දූෂිතයන් සමඟ ද කටයුතු කිරීමට සිදුවනු ඇති බවයි.

පුවත්

සෑම පාසල් සිසුවෙකුටම දත්ත ගොනුවක්

Published

2 minutes ago

June 4, 2025

editor

පාසල් පද්ධතියට ඇතුළත් වන සෑම සිසුවෙකු සඳහා ම අනන්‍ය වූ දත්ත ගොනුවක් සකස් කිරීම සහ අද්විතීය හැඳුනුම්පතක් (Unique Identity Card) මෙමගින් හඳුන්වාදීමට නියමිත බව උසස් අධ්‍යාපන හා වෘත්තීය අධ්‍යාපන අමාත්‍යංශය පවසයි.

2026 වසරේ ක්‍රියාත්මක කිරීමට නියමිත අධ්‍යාපන පරිවර්තය යටතේ අධ්‍යාපන ක්ෂේත්‍රයේ අධ්‍යයන, අනධ්‍යන සේවකයින්, දරුවන් සහ පාසල් ඇතුළු සමස්ත තොරතුරු ඇතුළත් ජාතික අධ්‍යාපන දත්ත කළමනාකරණ පද්ධතියක් නිර්මාණය කිරීම සම්බන්ධයෙන් උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරියගේ ප්‍රධානත්වයෙන් පෙරේදා (02) අමාත්‍යාංශයේ දී පැවති සාකච්ඡාවකදී මේ බව තීරණය කර තිබේ.

ජාතික උප්පැන්න සහතිකය, විභාග ප්‍රතිඵල, කුසලතා, නිපුණතා ඇතුළු දරුවන්ගේ සියලු දත්ත මෙම පද්ධතියට ඇතුළත් කිරීමට මෙහි දී යෝජනා කළ බව පැවසේ.

2026 වර්ෂයේ දී සිදුකරන අධ්‍යාපන පරිවර්තයට සමගාමීව දරුවන් පාසලට ඇතුළත් කර ගැනීමේ කටයුතු පහසු කර ගැනීම, ගුරු සහ විදුහල්පති පුරප්පාඩු හදුනාගැනීම, පත්වීම් ලබාදීම, උසස් කිරීම, ස්ථානමාරු සිදු කිරීම, අඛණ්ඩ ඇගයීම් ක්‍රමවේදය ක්‍රියාත්මක කිරීම, පාසල්වල භෞතික සම්පත් සංවර්ධනය ඇතුළු පාසල් පද්ධතියේ සියලු කාර්යයන් කාර්යක්ෂමව සහ ඵලදායීව ක්‍රියාත්මක කිරීම සඳහා මෙම දත්ත පද්ධතිය මගින් හැකි වන බව අග්‍රාමාත්‍යවරිය මෙහිදී පවසා තිබේ.

ලබන වසරේ සිට පළමු වසරට සහ හයවන වසරට ඇතුළත්වන දරුවන් මූලික කර ගනිමින් මෙම දත්ත පද්ධතිය ආරම්භ කිරීමටද මෙහි දී සාකච්ඡා කර ඇත.

ජාතික අධ්‍යාපන දත්ත කළමනාකරණ පද්ධතිය සැකසීම සඳහා අවශ්‍ය සහාය ශ්‍රී ලංකා ගුවන් හමුදාවේ තොරතුරු තාක්ෂණ අංශය මගින් ලබා දෙනු ඇත.

පුවත්

හිටපු ඇමති ඩලස්ගේ WhatsApp හැක් වේ

Published

51 minutes ago

June 4, 2025

editor

හිටපු අමාත්‍ය ඩලස් අලහප්පෙරුම මහතාගේ වට්ස්ඇප් ගිණුම අනවසර පුද්ගලයින් විසින් හැක් කර ගෙන ඇති බව වාර්තා වේ.

හිටපු අමාත්‍යවරයා ද සිය ෆේස්බුක් සමාජ මාධ්‍ය ඔස්සේ සටහනක් තබමින් සිය වට්ස් ඇප් අංකයෙන් ලැබෙන පණිවුඩ සඳහා ප්‍රතිචාර නොදක්වන ලෙස ඉල්ලීමක් සිදුකර තිබේ.

මෙම ගිණුම භාවිතා කරමින් වංචනික පණිවිඩ හරහා මුදල් ඉල්ලීම් සිදුවෙමින් පවතී. පැතිරෙන පණිවිඩයේ අන්තර්ගතය මෙසේය:

“මම මිතුරෙකුට මුදල් යැවීමට උත්සාහ කළනවා, නමුත් එය යැවිය නොහැකියි. මගේ විස්තරවල ගැටලුවක් ඇති බව පෙනෙනවා. ඔබට හැකි නම්, එම පුද්ගලයාගේ විස්තරවලට රු.100,000ක් යැවීමට උපකාර කරන්න. මම හෙට උදේම එම මුදල ආපසු ගෙවනවා.”