පුවත්
ලංකාවෙන් ඔන්ලයින් ණය ගත්ත පවුලක්ම සියදිවි නසාගෙන
2019 වර්ෂයේ දී ශ්රී ලංකා මහ බැංකුව විසින් නිකුත් කරන ලද අනත්ර් ජාලය (ඔන්ලයින්) හෝ දුරකථනය භාවිත කර ණය ලබාදීමේදී ගතයුතු අවසරය නොගෙන මෙරට ක්රියාත්මක වන ඔන්ලයින් ණයදීමේ සමාගම් නිසා ජනතාව දැඩි අපහසුතාවයකට ලක්ව සිටින බව වාර්තා වේ.
“ඉලෙක්ට්රොනික ගනුදෙනු පනත අනුව ඔන්ලයින් ගනුදෙනු කිරීමේ හැකියාව ඇතත්, ණයදීමේදී මහ බැංකු චක්රලේඛය පිළිපැදීම අනිවාර්ය වේ.
මෙසේ ණය දෙන සමාගම් බොහොමයක් ලංකාවේ සමාගමක් ලෙස මෙරට සමාගම් ලියාපදිංචිය ලබාගෙන ඇතත් ඒවායේ මව් සමාගම් විදෙස් රටවල සිට ක්රියාත්මක වන ආයතන බව මේවන විට හෙළිව තිබේ.
ඒ අනුව බරපතල ලෙස කඩා වැටී ඇති මෙරට ආර්ථිකයට අදාළ ඔන්ලයින් ණය තවත් විශාල බරක් වනු ඇතැයි ආර්ථික විශේෂඥයින් පෙන්වා දෙති.
ඒ 50% හෝ 100% පොලිය මත පාරිභෝගිකයන් සූරාකන අදාළ ආයතනවල අවසන් මුදල් තැන්පතුව පිටරටකට යාම නිසාය.
අදාළ ආයතන කිසිවක් ශ්රී ලංකා මහ බැංකුවේ ලියාපදිංචිවී නොමැතිවීම නිසා එම සමාගම් උපයන මුදල් සල්ලි කොහෙන්ද එන්නේ කොහෙටද යන්නේ යන විශාල ගැටලුව ද මතුව ඇති බව පැවසේ.
මේ මුදල්වලින් කොටසක් පාතාලය හා මත්ද්රව්ය ජාවාරම්කරුවන් නඩත්තු කිරීමට යොදාගන්නේද යන්න පිළිබඳව ද මේවන විට සැක මතුව ඇතැයි පැවසේ.
සයිබර් අපරාධ ඒකකය පවසන්නේ කුමක්ද?
මෙසේ ඔන්ලයින් ණය ලබා ගැනීමෙන් පසුව ඒවා නොපියවීම හේතුවෙන් අදාළ ආයතන සිදුකරන අපහාස, බලපෑම් හා වෙනත් කරදර සම්බන්ධයෙන් අත්විදින්න වූ තත්ත්වයන් පිළිබඳව අපහසුතාවයට පත්වන බල ප්රදේශයේ පොලිසිය වෙතට ගොස් පැමිණිලි කිරීමේ හැකියාව ඇති බව අපරාධ පරීක්ෂණ දෙපාර්තමේන්තුවේ සයිබර් අපරාධ ඒකකය කියා සිටී.
පොලිසියේ වැඩෙත් කරන ඔන්ලයින් ණය කාරයෝ
මේ අතර, මෙසේ ණයගත් අයට එරෙහිව පොලිසියේ පැමිණිලි ඇති බවට ව්යාජ SMS පණිවුඩ යොමුකරමින් බිය ගැන්වීමේ කටයුතු ද අදාළ ආයතන විසින් සිදුකරනු ලබන අතර ඔවුන් එසේ යොදා ඇති බව පැවසෙන පැමිණිලි අංක ද යොමුකරනු ලබයි.
මේ කණ්ඩායම් සඳහා දූෂිත පොලිස් නිලධාරීන්ගේ සහයද ලැබෙන බව මේවන විට හෙළිව තිබේ.
අදාළ සමාගමක් විසින් එසේ ඒවන ලද ව්යාජ පැමිණිලි අංකයක් සහිත SMS පණිවුඩයක් පහත දැක්වේ.
රටවල් අතරත් ගැටුමකට පොට පාදන ඔන්ලයින් ණය
මේ අතර, ඉන්දියාවේ කේරළ ප්රාන්තයේ සිව් දෙනකුගෙන් යුත් පවුලක් දිවි නසාගැනීමේ සිද්ධිය ගැන විමර්ශනය කරන එරට පොලිසියේ අවධානය අන්තර්ජාලය හරහා ක්ෂණික ණය ලබාදෙන ශ්රී ලංකාවේ සිට ක්රියාත්මක කණ්ඩායමක් වෙත යොමුවී ඇතැයි ඉන්දීය මාධ්ය වාර්තා කර තිබේ.
එසේ පලව ඇති වාර්තාවක් පහත දැක්වේ.
පසුගිය සැප්තැම්බර් මස 12 වැනිදා 39 හැවිරිදි නිජෝ, ඔහුගේ බිරිඳ ශිල්පා (32) සහ ඔවුන්ගේ දරුවන් වන එබල් (7) සහ ආරොන් (5) සියදිවි නසාගෙන තිබූ අතර ඔවුන්ගේ සිරුරු නිවසේ තිබියදී සොයාගෙන ඇත.
මියගිය එක් අයකුගේ අසභ්ය පින්තූර ඥාතීන්ට යැවීමට භාවිත කළ අංකය පොලිසිය විසින් සොයා ගැනීමත් සමඟ විමර්ශනය වෙනත් අතකට යොමුවිය.
“පරීක්ෂණයේදී අපට වැටහුණා ශිල්පා අන්තර්ජාල ණය දෙන ආයතනවලින් ණය ලබාගෙන තිබෙන බව. ඇයට ඒවා ආපසු ගෙවීමට අපහසු වෙලා. පසුව ශිල්පාට හා සහ ඔවුන්ගේ ඥාතීන්ට අසභ්ය පණිවිඩ යැවීමට මේ සමාගම් යොමු වෙලා තියනවා. ඒ ජංගම දුරකථන අංකය සොයා බලන විට එය ශ්රී ලංකාවේ එකක් බව අපට වැටහුණා. ඇත්තෙන්ම එම කණ්ඩායම් ලංකාවේ සිට ක්රියාත්මක වෙලා තියෙනවා” යැයි ඉන්දීය පොලිස් ප්රකාශකයකු සඳහන් කර තිබේ.
මේ තත්ත්වය, රටවල් අතර හොඳහිත පලුදුවීමට ද බලපෑම් ඇති කළ හැකි බව තානාපති ආරංචි මාර්ගවලින් වාර්තා වේ.
අදාළ සමාගම්වල අධ්යක්ෂ මණ්ඩල ඇතුළු පූර්ණ හෙළිදරව්වක් අප විසින් ඉදිරියේදී සිදු කරනු ලබයි.
පනත් කෙටුම්පත් දෙකකට කතානායකගේ සහතිකය
පුද්ගල ආදායම් බදු ව්යුහය සංශෝධනය සඳහා අමාත්ය මණ්ඩල අනුමැතිය
