Connect with us

පුවත්

ලංකාවේ සාක්ෂරතාවය අනතුරේ!

Published

on

කොළඹ දිස්ත්‍රික්කයේ ප්‍රාථමික අංශයේ අධ්‍යාපනය ලබන දරුවන්ගෙන් සියයට 50ක පමණ පිරිසක් පාසල් නොඑන බව හඳුනාගෙන ඇතැයි පවුල් සෞඛ්‍ය කාර්යාංශයේ පාසල් කටයුතු අංශයේ ප්‍රධානී ප්‍රජා වෛද්‍ය විශේෂඥ අයේෂා ලොකුබාලසූරිය මහත්මිය කියයි.

කුසට ආහාරයක් නොමැතිවීම, දෙමාපියන් රැකියාව සඳහා යාම, ප්‍රවාහන ගාස්තු සොයා ගැනීමට නොහැකිවීම සහ පාසල් උපකරණවල මිල ඉහළ යාම වැනි කාරණා ඊට හේතුවී ඇති බවද ඇය පෙන්වාදෙයි.

මේ තත්ත්වය අනෙකුත් පාසල්වලටද උදාවිය හැකි බවත්, මෙය රටක අනාගතයට අහිතකර ලෙස බලපෑම් ඇතිකරන තත්ත්වයක් බවත් ඇය කියා සිටී.

කොළඹ දිස්ත්‍රික්කයේ පමණක් නොව දිවයිනේ සියලුම පාසල් සම්බන්ධයෙන් ද අදාළ පරික්ෂා කිරීම් අධ්‍යාපන අමාත්‍යාංශය මගින් සිදුකරමින් පවතින බවද විශේෂඥවරිය හෙළිකර තිබේ.

අධ්‍යාපනය ප්‍රවීනයන්ගේ මතය වී ඇත්තේ මේ තත්ත්වය වර්ධනයවුවහොත් ඉදිරියේදී ලංකාවේ වැඩිහිටි සාක්ෂරතා අගයට ද එය බලපෑම් ඇති කළ හැකි බවයි.

වැඩිහිටි සාක්ෂරතා අනුපාතය යනු වයස අවුරුදු 15 සහ ඊට වැඩි පුද්ගලයින්ගේ එදිනෙදා ජීවිතය පිළිබඳ කෙටි සරල ප්‍රකාශයක් තේරුම් ගනිමින් කියවීමට සහ ලිවීමට හැකි පුද්ගලයින්ගේ ප්‍රතිශතයයි.

ශ්‍රී ලංකාව තුළ මෙය වසරින් වසර වර්ධනයවීම පසුගිය දශකය තුළ දක්නට ලැබුණු ප්‍රගතියක් බවද පෙන්වාදෙන ඒ සම්බන්ධ ප්‍රවීනයන් කියා සිටින්නේ 2019 දී 92.25% ක් ලෙස පැවැති එහි සාමාන්‍ය 2020 දී 0.13%ක වර්ධනයක් පෙන්නුම්කරමින් 92.34% ක් දක්වා වර්ධනය වී ඇති බවයි.

Continue Reading

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved