Connect with us

පුවත්

ලංකාව, න්‍යෂ්ටික බලය ගැන ජගත් සම්මුතීන් 2ක පාර්ශවකරුවන් වෙන්න යයි

Published

on

අනාගත බලශක්ති අවශ්‍යතාවය සපුරාලීම සඳහා න්‍යෂ්ටික බලශක්තිය විකල්පයක් ලෙස සලකා බැලිය යුතු බවට මීට පෙර ගත් අමාත්‍ය මණ්ඩල තීරණය අනුව න්‍යෂ්ටික බලශක්තිය භාවිත කරමින් විදුලිය ජනනය කිරීමට කරුණු අධ්‍යයනය කිරීම සඳහා මෙහෙයුම් කමිටුවක් හා ක්‍රියාකාරී කණ්ඩායම් 9ක් පත්කළ බව කැබිනට් ප්‍රකාශක – අමාත්‍ය බන්දුල ගුණවර්ධන මහතා පවසයි.

ඔහු මේ බව අද (28) පැවති කැබිනට් තීරණ දැනුම්දීමේ මාධ්‍ය හමුවට එක්වෙමින් පැවසීය.
එම කණ්ඩායම් විසින් සකස් කර ඇති ස්වයං ඇගයීම් වාර්තාව සම්බන්ධයෙන් ජාත්‍යන්තර පරමාණු බලශක්ති නියෝජිතායතනය මගින් ලබාදී ඇති නිර්දේශ අනුව න්‍යෂ්ටික බලයෙන් විදුලිය නිපදවීමේ ව්‍යාපෘතිය ඉදිරියට කර ගෙන යෑමට ශ්‍රී ලංකාවට හැකියාව පවතින බව ද අමාත්‍යවරයා මෙහිදී පැවසීයත

ඒ අනුව ඉදිරි පියවර ගැනීම සඳහා න්‍යෂ්ටික හානි සඳහා සිවිල් වගකීම් පිළිබඳ වියානා සම්මුතියේ සහ න්‍යෂ්ටික හානි සඳහා පරිපූරක වන්දි සම්මුතියේ පාර්ශවකරුවෙකු වීම වඩා යෝග්‍ය බවට හඳුනාගෙන ඇති බවත්, 
එම සම්මුතීන්ගේ පාර්ශවකරුවෙකු වීම සඳහා විදේශ කටයුතු අමාත්‍යවරයා හා විදුලිබල හා බලශක්ති අමාත්‍යවරයා විසින් ඉදිරිපත් කළ ඒකාබද්ධ යෝජනාවට අමාත්‍ය මණ්ඩල අනුමැතිය හිමිව ඇති බවත් කැබිනට් ප්‍රකාශකවරයා වැඩිදුරටත් පැවසීය.

පුවත්

කැඳ­වීම් කර තිබු­ණත්,  රාජිත-විමල් අල්ලස් කොමි­ස­මට ඇවිත් නෑ

Published

on

By

අල්ලස් කොමි­සම සිදු කරන විම­ර්ශ­න­යක් සඳහා ප්‍රකා­ශ­යක් ලබා දෙන ලෙස හිටපු ධීවර ඇමැති රාජිත සේනා­රත්න මහ­තාට දැනුම්දී තිබුණ ද අස­නීප තත්ත්ව­යක සිටින බව පව­ස­මින් ඊයේ (02) අල්ලස් හෝ දූෂණ චෝදනා විම­ර්ශන කොමි­ෂන් සභාව හමු­වට පැමිණ තිබුණේ නැත.

කිරින්ද ධීවර වරායේ වැලි කැණීමේ ව්‍යාපෘ­ති­යක් රජයේ ප්‍රස­ම්පා­දන ක්‍රියා­ව­ලීන් උල්ලං­ඝ­නය කර­මින්, අත්ත­නෝ­ම­ති­කව සහ නීති විරෝ­ධීව කොරි­යානු සමා­ග­ම­කට දීමෙන් රජ­යට පාඩු­වක් සිදු කළ බවට ලද පැමි­ණි­ල්ලක් සම්බ­න්ධ­යෙන් සිදු කරන විම­ර්ශ­න­ය­කට අදා­ළව ඔහුට චෝදනා එල්ල වී තිබේ.

අල්ලස් කොමි­සමේ විශේෂ විම­ර්ශන ප්‍රධාන පොලිස් පරී­ක්ෂ­ක­ව­රයා විසින් ඊයේ උදෑ­සන 9ට ප්‍රකා­ශ­යක් ලබා දෙන ලෙස රාජිත සේනා­රත්න මහ­තාට ලිඛි­තව දැනුම්දී තිබුණු අතර ඔහු වෙනු­වෙන් ඔහුගේ නීති­ඥ­යකු උදෑ­සන කොමි­සම හමුවේ පැමිණ, සේනා­රත්න මහතා අස­නීප තත්ත්ව­යක සිටින බවට දැනුම දෙමින් විම­ර්ශ­න­යට සහ­භාගි විය නොහැකි බවට ලිපි­යක් භාර දී තිබේ.

එමෙන්ම හිටපු නිවාස හා ඉදි­කි­රීම් අමා­ත්‍ය­ව­රයා වන විමල් වීර­වංශ මහ­තාට ද අල්ලස් කොමි­සම හමුවේ පෙනී සිටින ලෙස දැනුම් දී තිබේ. ඔහු අමා­ත්‍ය­ව­රයා ලෙස කට­යුතු කළ කාලය තුළදී ඇතැම් වෙළෙ­ඳ­සල් විකි­ණීම සිදු කරන විම­ර්ශන සම්බ­න්ධ­යෙන් ප්‍රකා­ශ­යක් දෙන ලෙස ඔහුට දැනුම් දී ඇත.

ඔහු ද ලබා දුන් දිනයේ පැමි­ණිය නොහැකි බව දන්වා දින­යක් ඉල්ලා ඇති බව වාර්තා විය.

මූලාශ්‍රය – දිනමිණ

Continue Reading

පුවත්

දෙවැනි වටයේ අභි­යා­චනා ඉදි­රි­පත් කිරීම අද සිට Online ක්‍රම­යට

Published

on

By

2024 පහ ශ්‍රේණියේ ශිෂ්‍යත්ව පරී­ක්ෂ­ණයේ ප්‍රති­ඵල මත පාස­ල්වල 2025 වර්ෂයේ 6 ශ්‍රේණි­යට ඇතු­ළත් වීමේ දෙවැනි වටයේ අභි­යා­චනා ඉදි­රි­පත් කිරීම අද (03) සිට 17 වැනිදා දක්වා මාර්ග­ගත ක්‍රම­වේ­දය ඔස්සේ සිදු කළ හැකි බව අධ්‍යා­පන අමා­ත්‍යාං­ශය දැනුම් දෙයි.

අධ්‍යා­පන අමා­ත්‍යාං­ශයේ නිල වෙබ් අඩ­විය වන www.moe.gov.lk වෙත පිවිස උප­රිම පාසල් 3ක් සඳහා අභි­යා­චනා ඉදි­රි­පත් කිරීමේ හැකි­යාව පව­තියි. g6application.moe.gov.lk දිගුව ඔස්සේ ඍජු­වම අභි­යා­චනා යොමු කිරීමේ හැකි­යාව ඇත

Continue Reading

පුවත්

වැසි වාර කිහිපයක්

Published

on

By

බස්නාහිර, සබරගමුව සහ වයඹ පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවන බව කාලගුණවිද්‍යා දෙපාර්තමේන්තුව පවසයි.

ඌව පළාතෙත් අම්පාර සහ මඩකලපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැක.

මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව වැඩිදුරටත් දැනුම්දී තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved