Connect with us

පුවත්

ලබන ඔක්තෝබරයේදී ජනපති චීනයට !

Published

on

ලබන ඔක්තෝබර් මාසයේදී ජනාධිපති රනිල් වික්‍රමසිංහ මහතා චීනයේ සංචාරයක නිරතවීමට නියමිතය.

වික්‍රමසිංහ මහතා පසුගිය වසරේ රාජ්‍ය නායකයා ලෙස පත්වීමෙන් පසු චීනයේ සිදු කරන පළමු නිල සංචාරය ද මෙය වේ. 

මේ සංචාරයේ ඔහුග‌ේ ප්‍රධාන ඉලක්කය වනුයේ නව ආයෝජන සෙවීම, වෙළෙඳ ගිවිසුම්වලට එළැඹීම සහ ඇනහිට ඇති ව්‍යාපෘති සඳහා අරමුදල් නැවත ලබා ගැනීමට කටයුතු කිරීම බව රජයේ ආරංචි මාර්ගවලින් වාර්තා වේ.

ඒ් අතරින් කොළඹ වරාය මූල්‍ය නගරය සඳහා ආයෝජන කඩිනම් කිරීම සහ මධ්‍යම අධිවේගී මාර්ගය – කඩවත – මීරිගම කොටස සඳහා අරමුදල් නැවත ලබා ගැකීම පිළිබඳව Exim බැංකුව සමඟ සාකච්ඡා කිරීම හා හම්බන්තොට ප්‍රදේශය අවට නව ආයෝජනයන් සඳහා ආයෝජකයන් සෙවීම මෙම සංචාරයේදී සාකච්ඡාවට බඳුන්  ප්‍රමුඛතා ලැයිස්තුව බව එම ආරංචි මාර්ගවලින් වැඩිදුරටත් වාර්තා වේ.

ඇමෙරිකානු ඩොලර් බිලියන හතරක අරමුදල් ලබා ගැනීමට අපේක්ෂිත හම්බන්තොට පිරිපහදු ව්‍යාපෘතිය සඳහා චීන ආයෝජනයක් ද මෙම සංචාරයේදී සාකච්ඡා කර අවසන් කිරීමට අපේක්ෂිත බව පැවසේ.

අපනයනය ඉලක්ක කරගත් ඛනිජ තෙල් පිරිපහදුවක් සහ ඒ ආශ්‍රිත නිෂ්පාදන සැකසුම් මධ්‍යස්ථානයක් හම්බන්තොට ප්‍රදේශයේ ස්ථාපිත කිරීම සඳහා වන යොමු නියමයන් විදුලිබල හා බලශක්ති අමාත්‍යාංශය විසින් දැනටමත් අවසන් කර තිබුණි.

ජනාධිපතිවරයාගේ සංචාරයට පෙර චීන විදේශ අමාත්‍යවරයා හා දූත පිරිසක් ද ශ්‍රී ලංකාවට පැමිණීමට නියමිත බව වාර්තා වේ.

එම චීන නියෝජිත පිරිස අධිවේගී මාර්ග ව්‍යාපෘතිය, කොළඹ වරාය මූල්‍ය නගරය යෝජිත ව්‍යාපෘති සහ හම්බන්තොට ප්‍රදේශය ආශ්‍රිත ආයෝජන පිළිබඳව සොයා බැලීමට අමතරව නව ව්‍යාපෘති පිළිබඳව සොයා බැලීමට අපේක්ෂා කරන බවද පැවස‌ේ.

පුවත්

රුසියාවට සෙබළු යැවූ අයෙක් දෙහිවලදී අත්අඩංගුවට

Published

on

By

විශ්‍රාමලත් ත්‍රිවිධ හමුදා සෙබළු සංචාරක වීසා මත රුසියාව සහ යුක්රේනය වෙත රැගෙන ගොස් කුලී හේවායන් ලෙස යෙදවීමේ මිනිස් ජාවාරමට සම්බන්ධ තවත් පුද්ගලයකු දෙහිවල ප්‍රදේශයේදී ඊයේ (මැයි 20) අත්අඩංගුවට ගත් බව පොලිසිය නිවේදනය කළේ ය.

මේ සම්බන්ධයෙන් සැකපිට අත්අඩංගුවට ගත් පුද්ගලයා සංචාරක වීසා මත රුසියාවට පුද්ගලයන් 120 දෙනෙකු පමණ යැවූ බවට තොරතුරු අනාවරණය වී ඇති බවත් ඒ අනුව ඊට සැකපිට අදාළ පුද්ගලයා මෙලෙස අත්අඩංගුවට ගෙන ඇති බවත් පොලිස් මාධ්‍ය කොට්ඨාසය සඳහන් කළේය.

සැකකාර පුද්ගලයා රුසියානු තානාපති කාර්යාලය ඉදිරිපිට සිට සංචාරක වීසා මත රුසියාව සඳහා යාමට පුද්ගලයන්ට ආධාර අනුබල දී ඇති බව විමර්ශනවලදී අනාවරණය වී ඇති අතර අපරාධ පරීක්ෂණ දෙපාර්තමේන්තුවේ “තැනැත්තන් වෙළෙඳාම සහ සමුද්‍රීය අපරාධ විමර්ශන අංශය” විසින් එම සැකකරු අත්අඩංගුවට ගන්නා ලදී.

අත්අඩංගුවට ගත් සැකකරුගෙන් වැඩිදුර ප්‍රශ්න කිරීමෙන් අනතුරුව අද දිනයේ (21) අධිකරණය වෙත ඉදිරිපත් කිරීමට නියමිත බව අපරාධ පරීක්ෂණ දෙපාර්තමේන්තුවේ ආරංචි මාර්ග සඳහන් කරයි.

අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නියෝජ්‍ය පොලිස්පති රොහාන් ප්‍රේමරත්න මහතාගේ උපදෙස් මත “තැනැත්තන් වෙළෙඳාම සහ සමුද්‍රීය අපරාධ විමර්ශන අංශයේ” අධ්‍යක්ෂ ජ්‍යෙෂ්ඨ පොලිස් අධිකාරි සමරකෝන් බණ්ඩා මහතාගේ අධීක්ෂණය යටතේ වැඩිදුර පරීක්ෂණ පවත්වන බව පොලිසිය පැවසීය.

Continue Reading

පුවත්

කළුතර වෙඩි තැබිමක්

Published

on

By

කළුතර, කටුකුරුන්ද ප්‍රදේශයේ ඊයේ (20) රාත්‍රීයේ සිදුවූ වෙඩිතැබීමකින් පුද්ගලයෙකු මියගොස් ඔහුගේ 08 හැවිරිදි දියණිය තුවා ලබා තිබේ.

කටුකුරුන්ද දුම්රිය පොළ පාර ප්‍රදේශයේ දී යතුරුපැදියකින් පැමිණි නාඳුනන පුද්ගලයින් දෙදෙනකු විසින් නිවසකට ඇතුළු වී එම වෙඩිතැබීම සිදුකර පළාගොස් ඇති බව පොලීසිය පවසයි.

මියගොස් ඇත්තේ 39 හැවිරිදි තස්මින් මදුවන්ත සිල්වා නමැති කටුකුරුන්ද ප්‍රදේශයේ පදිංචිව සිටි තිදරු පියෙකි.

පොලීසිය සඳහන් කලේ අදාළ පුද්ගලයා සිය නිවසේ දරු තිදෙනා සමඟ රාත්‍රි ආහාරය ලබා ගනිමින් සිටියදී යතුරුපැදියකින් පැමිණි පුද්ගලයින් දෙදෙනෙකු වෙඩිතබා පළාගොස් තිබෙන බවය.

ටී – 56 වර්ගයේ ගිනිඅවියකින් වෙඩිතැබීම සිදුකර ඇති බවට මෙතෙක් සිදුකළ මූලික පරීක්ෂණවලදී අනාවරණය වී ඇති අතර වෙඩිතැබීමට හේතුව මෙතෙක් තහවුරු වී නොමැත.

Continue Reading

පුවත්

වෙසක් සතිය ඇරැඹෙයි

Published

on

By

මෙවර වෙසක් මහෝත්සවය වෙනුවෙන් ප්‍රකාශයට පත් කර ඇති ජාතික වෙසක් සතිය අද (21) ආරම්භ වේ.

අද (21) සිට 27 වැනිදා දක්වා කාලය වෙසක් සතිය ලෙස ප්‍රකාශිත අතර මෙවර රාජ්‍ය වෙසක් උත්සවය මාතලේ ධර්මරාජ පිරිවෙන් විහාරස්ථානයේදී අති උත්කර්ෂවත් අන්දමින් පැවැත්වීමට සැලසුම් කර තිබේ.

ජාතික වෙසක් සතිය නිමිත්තෙන් සමාරම්ක උත්සවය අද (21) අගමැති දිනේෂ් ගුණවර්ධන මහතාගේ ප්‍රධානත්වයෙන් පැවැත්වීමට නියමිතය.

23 වැනි දින ජනාධිපති රනිල් වික්‍රමසිංහ මහතා ද වෙසක් සතිය නිමිත්තෙන් මාතලේ ධර්මරාජ පිරිවෙන් විහාරස්ථානයේ පැවැත්වෙන ජාතික මහෝත්සවයට එක්වීමට නියමිතය.

‘අත්තනො ව අවෙක්ඛෙය්‍ය කතානි අකතානි ච” (අනුන් කළ දේ නොව තමන් කළ දේ ගැන විමසිලිමත් වෙමු) යන තේමාවෙන් යුතුව මාතලේ දිස්ත්‍රික්කය කේන්ද්‍ර කර ගනිමින් රාජ්‍ය වෙසක් උත්සවය මෙවර පැවැත්වේ.

23 වැනි දින රාජ්‍ය උත්සවය පෙරවරු 9.30ට මාතලේ ධර්මරාජ පිරිවෙන් විහාරස්ථානයේදී ත්‍රෛනිකායික මහ නාහිමිවරුන් ප්‍රමුඛ, ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වෙන අතර මෙම වැඩසටහනේදී පූජා භූමි සන්නස් පත්‍ර ප්‍රදානය ද සිදුවේ. විදේශ දූත පිරිස් විසින් තිළිණ ප්‍රදානයක් ද මෙහිදී සිදු කෙරේ.

රාජ්‍ය වෙසක් උත්සව වැඩසටහන අද (21) පස්වරු 2.00ට ත්‍රෛනිකායික මහ නාහිමිවරුන්ගේ සහ අගමැති දිනේෂ් ගුණවර්ධන මහතාගේ ප්‍රධානත්වයෙන් පැවැත්වේ.

වෙසක් සමරු මුද්දරයක් නිකුත් කිරීම, විහාරස්ථාන සංවර්ධන ආධාර ප්‍රදානය, බුද්ධශාසන අරමුදලේ ආධාර ප්‍රදානය, දහම් පාසල් ප්‍රතිපාදන ලිපි ප්‍රදානය, සාමණේර ස්වාමීන් වහන්සේලා සඳහා සංකේතාත්මක පොත් කට්ටල ප්‍රදානය, බුදුපුත් මාපිය උපහාර චෙක්පත් ප්‍රදානය මෙහිදී සිදු කෙරේ.

මෙම අවස්ථාවන් සඳහා බුද්ධ ශාසන ආගමික හා සංස්කෘතික කටයුතු ඇමැති විදුර වික්‍රමනායක මහතා, මධ්‍යම පළාත් ආණ්ඩුකාරවරයා සහ මැති ඇමැතිවරු සහභාගි වෙති.

රාජ්‍ය වෙසක් උත්සවයට සමගාමීව මාතලේ දිස්ත්‍රික්කයේ ග්‍රාමීය බෞද්ධ විහාර 22ක් සංවර්ධනය සඳහා රුපියල් මිලියන 22ක් ද රාජ්‍ය වෙසක් උත්සවයට සමගාමීව වැඩසටහන් පැවැත්වෙන විහාරස්ථාන 05ක් සංවර්ධනය සඳහා රුපියල් මිලියන 2.6ක් ද ආපදාවට ලක්වූ විහාරස්ථාන 03ක් ප්‍රතිසංස්කරණය සඳහා රුපියල් මිලියන 0.4ක් ද දහම් පාසල් 12ක් සංවර්ධනය සඳහා රුපියල් මිලියන 5ක් ද බුද්ධශාසන අරමුදල යටතේ දුෂ්කර විහාරස්ථාන 32ක් සඳහා සනීපාරක්ෂක පහසුකම් සැපයීම සඳහා රුපියල් මිලියන 32ක් ද වෙන් කර තිබේ. මෙම සම්පූර්ණ ප්‍රතිපාදන ප්‍රමාණය රුපියල් මිලියන 26.6කි. මීට සමගාමීව දිස්ත්‍රික්කයේ විහාරස්ථාන 25කට වැඩි ප්‍රමාණයක සංවර්ධන කටයුතු ත්‍රිවිධ හමුදාවේ සහ සිවිල් ආරක්ෂක බළකායේ ශ්‍රම දායකත්වයෙන් ආරම්භ කර තිබේ. වෙසක් සතිය නිමිත්තෙන් දිවයින පුරා භක්ති ගීත වැඩසටහන්, වෙසක් කලාප, මත්ද්‍රව්‍ය නිවාරණ වැඩසටහන් ආදී විවිධ වැඩසටහන් ක්‍රියාත්මක වේ.

සමස්ත ලංකා ශාසනාරක්ෂක මණ්ඩලය, බුද්ධශාසන, ආගමික හා සංස්කෘතික කටයුතු අමාත්‍යාංශය, බෞද්ධ කටයුතු දෙපාර්තමේන්තුව, මාතලේ දිස්ත්‍රික් ලේකම් කාර්යාලය මඟින් රාජ්‍ය වෙසක් උත්සව වැඩසටහන සංවිධානය කර තිබේ.

Continue Reading

Trending

Copyright © 2023 Sri Lanka Mirror. All Rights Reserved