Connect with us

පුවත්

ලයිසන් නැති බෙහෙත් ෆැක්ටරියක් මෝදර; බෙහෙත් පන්දහසක් හදලා

Published

on

බලපත්‍ර නොමැතිව නීති විරෝධී අන්දමින් කොළඹ 15 මෝදර ප්‍රදේශයේ ගොඩනැගිල්ලක මහා පරිමාණයෙන් පවත්වාගෙන ගිය ඖෂධ නිෂ්පාදනාගාරයක් වටලා එහි හිමිකරු අත්අඩංගුවට ගත් බව ජාතික ඖෂධ නියාමන අධිකාරිය පවසයි. 

මෙලෙස අත්අඩංගුවට ගෙන ඇත්තේ මෝදර ප්‍රදේශයේ පදිංචි 61 හැවිරිදි පුද්ගලයකු වන අතර ඔහු කුලී පදනම මත මෝදර ප්‍රදේශයෙන් මිලදී ගත් මහල් තුනකින් යුතු ගොඩනැගිල්ලක මෙම ඖෂධ නිෂ්පාදනාගාරය පවත්වාගෙන ගොස් තිබිණි.

මෙරට භාවිතය සීමාකර ඇති මත්ලෝලීන් බහුලව භාවිත කරන ප්‍රබල වේදනා නාශක කරල් මොහු විසින් නිෂ්පාදනය කර බෙදාහැර ඇතැයි තහවුරු වී තිබේ. 

ඉන්දියාවේ නිෂ්පාදනය කරන වෙළෙඳ නාමයට සමාන අයුරින් මොහු මෙම ඖෂධ නිපදවා ඇතැයිද අනාවරණය වී තිබිණි. 

එමෙන්ම කැස්ස සඳහා භාවිත කරන දියරමය ඖෂධ තොගයක් සහ ඒවාට යොදාගත් ලේබල් තොගයක් ද අත්අඩංගුවට ගෙන තිබිණි. මෙම නිෂ්පාදනාගාරයේ නිෂ්පාදනය කළැයි කියන විවිධ වර්ගයේ ඖෂධ කරල් පන්දහසක් පමණ හිමිකරුගේ නිවසෙහි තිබී අත්අඩංගුවට ගෙන තිබේ.

මත්ද්‍රව්‍ය නිෂ්පාදනය සඳහා යොදාගත් බවට සැකකරන අමුද්‍රව්‍ය තොගයක් පොලිස් මත්ද්‍රව්‍ය කාර්යාංශයේ නිලධාරීන් විසින් මෙම ස්ථානයේ තිබී අත්අඩංගුවට ගෙන තිබේ.

මෙලෙස අත්අඩංගුවට ගත් පුද්ගලයා මීට ඉහතදී බලපත් සහිතව ඖෂධ නිෂ්පාදනය කර ඇතැයිද ඒ සඳහා ඔහුට ඇති බලපත්‍රය 2013 වසරේදී කල් ඉකුත් වී ඇතැයි කියයි. 

එහෙත් ඔහු බලපත් නොමැතිව කැලණිය ප්‍රදේශයේ ඖෂධ නිෂ්පාදනය කරමින් සිටියදී 2019 වසරේදී අත්අඩංගුවට ගෙන අධිකරණයට ඉදිරිපත් කළද යළිත් ඔහු මෙලෙස මෝදර ප්‍රදේශයේ නීති විරෝධීව ඖෂධ නිෂ්පාදනය කර ඇතැයි ජාතික ඖෂධ නියාමන අධිකාරිය කළ විමර්ශනයේදී හෙළිව තිබිණි.

2015 අංක 5 දරන ජාතික ඖෂධ නියාමන අධිකාරි පනත යටතේ හඳුනාගෙන ඇති බලපත් නොමැතිව ඖෂධ නිෂ්පාදනය කිරීම, අලෙවි කිරීම, බෙදාහැරීම හා භාවිතය සීමා කර ඇති මත්වීමට හේතුවන ඖෂධ නිෂ්පාදනය යන වැරැදි සම්බන්ධයෙන් සැකකරු අධිකරණයට ඉදිරිපත් කළ බව ජාතික ඖෂධ නියාමන අධිකාරිය පවසයි. 

එම අධිකාරියේ සභාපති මහාචාර්ය එස්. ඩී. ජයරත්න හා ප්‍රධාන විධායක නිලධාරී විශේෂඥ වෛද්‍ය විජිත් ගුණසේකර, අධීක්ෂණ හා බලාත්මක කිරීම් අංශයේ ප්‍රධානී, ප්‍රධාන ආහාර හා ඖෂධ පරීක්ෂක අමිත් පෙරේරා ඇතුළු නිලධාරීහු වැටලීම සිදුකළහ.

මූලාශ්‍රය – අරුණ

පුවත්

විජයදාසට එරෙහි වාරණ නියෝගය දීර්ඝ කරයි

Published

on

By

ශ්‍රී ලංකා නිදහස් පක්ෂයේ වැඩබලන සභාපතිවරයා ලෙස විජයදාස රාජපක්ෂ මහතා කටයුතු කිරීම වළක්වාලමින් පනවා තිබෙන වාරණ නියෝගය ජුනි මස 27 වනදා දක්වා තවදුරටත් දීර්ඝ කරන ලෙස කොළඹ දිසා අධිකරණය විසින් නියෝග කරන ලදී.

මෙම නඩුව අද (27) කොළඹ දිසා විනිසුරු සඳුන් විතාන මහතා ඉදිරියේ කැඳවීම සිදුවිය.

දිසා විනිසුරු සඳුන් විතාන මහතා නියෝග කළේ, තමා මේ හා සමාන තවත් නඩුකරයක් විභාග කරන බැවින් මෙම නඩුව කොළඹ දිසා අධිකරණයේ අංක 07 අධිකරණ ශාලාවේ විනිසුරුවරයා වෙත යොමු කරන බවය.

ඉන් අනතුරුව කොළඹ දිසා අධිකරණයේ අංක 07 ශාලාවේ අතිරේක දිසා විනිසුරුවරයා ඉදිරියේ මෙම නඩුව කැඳවන ලදී.

එහිදී මෙම නඩුවට අදාළ විරෝධතා ගොනු කිරීම සඳහා කල් ලබාදෙන ලෙස වගඋත්තරකාර පාර්ශ්වයේ නීතිඥවරු අධිකරණයෙන් ඉල්ලා සිටියහ.

ඒ අනුව, අදාළ විරෝධතා ඉදිරිපත් කිරීම සඳහා කල් ලබාදුන් විනිසුරුවරයා නඩුව නැවත ජුනි මස 27 වනදා කැඳවන ලෙස නියෝග කලේය.

අමාත්‍යවරුන් වූ ලසන්ත අලගියවන්න, මහින්ද අමරවීර සහ දුමින්ද දිසානායක විසින් මෙම නඩුව ගොනු කර තිබුණි.

Continue Reading

පුවත්

තාඹුගලට ඇප

Published

on

By

රක්ෂිත බන්ධනාගාරගතව සිටි අවුරා ලංකා සමාගමේ සභාපති විරංජිත් තාබුගල ඇප මත මුදාහැර තිබේ.

හෙලිකොප්ටරයක් ලබා ගැනීම සඳහා මුදල් ලබාගෙන රුපියල් මිලියන 70 වංචා කළේය යන්න මත ඔහුව රක්ෂිත බන්ධනාගාරගත කර තිබුණි.

කොළඹ අතිරේක මහේස්ත්‍රාත් පවිත්‍රා සංජීවනි පතිරාජ මහත්මිය අද(27) නියෝග කර ඇත්තේ සැකකරු ඇප මත මුදාහරින ලෙසයි.

සබැඳි පුවත්:

https://sinhala.srilankamirror.com/news/%E0%B6%85%E0%B7%80%E0%B7%94%E0%B6%BB%E0%B7%8F-%E0%B6%BD%E0%B6%82%E0%B6%9A%E0%B7%8F-%E0%B7%83%E0%B6%B7%E0%B7%8F%E0%B6%B4%E0%B6%AD%E0%B7%92-%E0%B6%BB%E0%B7%92%E0%B6%B8%E0%B7%8F%E0%B6%B1%E0%B7%8A/

Continue Reading

පුවත්

රටින් පලා යාමට තැත්කල ජාතික ඔලිම්පික් කමිටු නිලධාරියා අත්අඩංගුවට

Published

on

By

ජාතික ඔලිම්පික් කමිටු නිලධාරියෙකු රටින් පලා යාමට උත්සාහ කිරීමේදී ගුවන් තොටුපලේදී අත්අඩංගුවට ගෙන තිබේ.

ශ්‍රී ලංකා ජාතික ඔලිම්පික් කමිටුවේ මාධ්‍ය කළමණාකාර ගෝබිනාත් සිවරාජා නම් අයෙකි.

ඔහුට පවතින විදෙස් ගමන් තහනම නොතකා රටින් පලා යාමට උත්සාහ කරමින් සිටියදී අද (27) අලුයම ගුවන් තොටුපළ ආගමන හා විගමන නිලධාරීන් විසින් අත්අඩංගුවට ගෙන රඳවා තබා ගෙන තිබේ.

අත්අඩංගුවට ගත් පුද්ගලයා අද (27) මහේස්ත්‍රාත්වරයා හමුවට ඉදිරිපත් කිරීමට නියමිතය.

දැනට විමර්ශනය කරමින් පවතින වංචා නඩුවක ප්‍රධාන සැකකරු වන ගෝබිනාත් සිවරාජාට විදෙස් ගමන් තහනමක් පනවා තිබුණි.

වංචා සහ දූෂණ සම්බන්ධ නඩු සම්බන්ධයෙන් අදාළ නඩු විභාගය සිදුවෙමින් පවතින අතරතුර පනවා තිබූ විදෙස් ගමන් තහනම නොතකා තම සගයෙක් සමග යුරෝපයට යෑමට උත්සාහ කල අවස්ථාවේ ගුවන්තොටුපලේදී ඔහුව අත් අඩංගුවට පත්ව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved