Connect with us

පුවත්

ලුණුත් ඉන්දියාවෙන්?

Published

on

මෙරට ලුණු අවශ්‍යතාව සම්පූර්ණ කිරීම සඳහා ලුණු මෙට්‍රික් ටොන් 30,000 ක් ආනයනය කිරීමට අදාළව කැඳවන ලද ටෙන්ඩර් පත්‍රිකා අද (03) විවෘත කරන බව රාජ්‍ය වාණිජ විවිධ නීතිගත සංස්ථාවේ (STC) සභාපති රවීන්ද්‍ර ප්‍රනාන්දු මහතා කියා සිටී.

මෙහිදී මෙට්‍රික් ටොන් 20,000 ක් සහ 10,000 ක් බැගින් ටොන් 30,000 කොටස් දෙකකට ආනයනය කරන බවද ඔහු කියා සිටියේය.

ලුණු ආනයනය අදාළව ජාත්‍යන්තර වශයෙන් ලංසු කැඳවීම පසුගියදා සිදුකළ බවත්, ඒ අනුව ටෙන්ඩරය විවෘත කිරීම අද සිදුකරන බවත් ඔහු පැවසුවේය.

මෙහිදී අදාළ සැපයුම්කරු තෝරා ගැනීමෙන් පසුව, ආනයනය කිරීමට නියමිත ලුණු සාම්පල පරීක්ෂාවකට ලක්කරන බවද ඔහු කීවේය. 

අදාළ ලුණු තොගය මෙමස 31 වැනිදාට පෙර ආනයනය කළයුතු බවද සභාපතිවරයා පැවසීය. 

ලුණු මෙරටට සැපයීමට අදාළව ටෙන්ඩර්වලට ඉදිරිපත්වීමට වැඩි නැඹුරුවක් ඇත්තේ ආසන්නතම රට වන ඉන්දියාව බවත්, ඊට හේතුව දුර බැහැර රටවල සිට මෙරටට ලුණු ගෙන්වීමේදී නැව් ගාස්තු ඉහළ යාම ආදී කාරණා බලපාන බවත් ඔහු සඳහන් කළේය.

මේ අතර, අදාළ ටෙන්ඩර් කොන්දේසිවලට අනුව සාම්පල ඒවා එම සාම්පල පරීක්ෂණවලින් සමත්වීමෙන් පසුව මෙරටට ලුණු එවීමට අඩු කාලයකින් හැකියාව ඇත්තේ ඉන්දියාව වැනි අසල්වාසී රටකට බවත් පැවසේ.

පුවත්

ණය බර තවත් ඉහල ගිහින්

Published

on

By

ශ්‍රී ලංකාවේ විදේශීය ණය බර 2023 වසරට සාපේක්ෂව 2024 දී ඉහළ ගොස් ඇතැයි ශ්‍රී ලංකා මහ බැංකුව පෙන්වා දී තිබේ.

 2023 වසරේදී මෙරට විදේශීය ණය බර ඇමෙරිකානු ඩොලර් බිලියන 63.4 කි.

එහෙත් 2024 දී ශ්‍රී ලංකාවේ විදේශීය ණය බර ඇමෙරිකානු ඩොලර් බිලියන 68 ක් දක්වා ඩොලර් බිලියන 5 කින් හෙවත් ඩොලර් කෝටි 500 කින් පමණ ඉහළ ගොස් තිබේ.

මෙලෙස විදේශ ණය බර ඉහළ ගොස් ඇත්තේ ජාත්‍යන්තර මූල්‍ය අරමුදල, ආසියානු සංවර්ධන බැංකුව සහ ලෝක බැංකුව විසින් ශ්‍රී ලංකාවට සපයන ලද විදේශීය ණය සහ වගකීම් ඉහළ යාම නිසා බවද මහ බැංකුව වැඩිදුරටත් පවසයි.

මූලාශ්‍රය – දේශය

Continue Reading

පුවත්

වනජීවී අභ්‍යාසලාභීන්  3451කට ස්ථිර පත්වීම්

Published

on

By

වනජීවි දෙපාර්තමේන්තුවේ මේ වන විට සේවය කරන අභ්‍යාසලාභීන් 3451කට ස්ථීර පත්වීම් ලබාදී තිබේ . 

 ඔවුන්ව බහුකාර්ය සංවර්ධන පුහුණු අභ්‍යාසලාභීන් ලක්ෂයක් බඳවා ගැනීමේ රජයේ වැඩපිළිවෙළ යටතේ බඳවා ගෙන ඇත.

මීට අදාළව සංකේතාත්මකව ස්ථීර පත්වීම්ලාභීන් 50දෙනෙක්ට ඊයේ (13) පරිසර අමාත්‍ය වෛද්‍ය ධම්මික පටබැදි අතින් පත්වීම් ලබා දීම සිදුවිය.

එම අවස්ථාවේදී ඔහු කියා සිටියේ අලි මිනිස් ගැටුම අවම කර ගැනීම සදහා පත්වීම් ලබන්නන්ගෙන් ඉහළ දායකත්වයක් අපේක්ෂා කරන බවය. 

මේ වන විට දිවයින පුරා විදුලි වැට 437ක් ඉදිකර ඇති අතර එය කිලෝමීටර 5644ක් පුරා විහිදී පවති. 

එමෙන්ම විදුලිවැට බලගැන්වීමේ කුටි 647ක් ද ක්‍රියාත්මක වන බව වාර්තා වේ.

Continue Reading

පුවත්

පොලිස් ස්ථානවලට ප්‍රහාර එල්ලකරන බවට ඇමතුමක්

Published

on

By

උතුරේ පොලිස් ස්ථාන 10කට පමණ ප්‍රහාරයක් එල්ලකරන බවට කන්කසන්තුරේ පොලිස් ස්ථානයට නිර්ණාමික දුරකථන ඇමතුමක් ලැබී තිබේ.

අදාළ ඇමතුම පසුගිය ජූනි 11වනදා දහවල් 1.15ත් 1.20 අතර කාලය තුළ ලැබී ඇති බව සඳහන්ය.

 මේ වනවිට මේ සම්බන්ධයෙන් පොලිස් විමර්ශන ආරම්භ තිබේ.

කෙසේ වෙතත් උතුරේ පොලිස් ස්ථානවල ආරක්ෂාව සම්බන්ධයෙන් වැඩි සැලකිල්ලක් දක්වන බව පොලිස් මාධ්‍ය කොට්ඨාසය පවසා සිටියේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved